ഹാര്‍ദിക് പട്ടേലിനെ ജനുവരി 18 മുതല്‍ കാണാനില്ലെന്നു ഭാര്യ

അഹമ്മദാബാദ്: ഹാര്‍ദിക് പട്ടേലിനെ ജനുവരി 18 മുതല്‍ കാണാനില്ലെന്നു ഭാര്യ കിഞ്ചല്‍. ഗുജറാത്തിലെ കോണ്‍ഗ്രസ് നേതാവും പട്ടേല്‍ പ്രക്ഷോഭ നായകനുമാണ് ഹാര്‍ദിക്. 2015ല്‍ നടന്ന പ്രക്ഷോഭങ്ങളുടെ പേരില്‍ രാജ്യദ്രോഹക്കുറ്റം ചുമത്തി ജനുവരി 18നാണ് അറസ്റ്റ് ചെയ്തത്. 4 ദിവസത്തിനുശേഷം ജാമ്യം ലഭിച്ചെങ്കിലും മറ്റൊരു കേസില്‍ വീണ്ടും അറസ്റ്റ് ചെയ്തു. ഈ കേസുകളില്‍ ജനുവരി 24ന് ജാമ്യം ലഭിച്ചിരുന്നു. 20 കേസുകളാണു ഹാര്‍ദിക്കിന്റെ പേരിലുള്ളത്.

20 ദിവസമായി ഹാര്‍ദിക്കിനെക്കുറിച്ച് ഒരു വിവരവും ഇല്ലെന്നും ഭാര്യ കിഞ്ചല്‍ വിഡിയോയിലൂടെ വ്യക്തമാക്കി. പട്ടീദാര്‍ പ്രക്ഷോഭകര്‍ക്കെതിരെയുള്ള എല്ലാ കേസുകളും പിന്‍വലിക്കുമെന്ന് 2017–ല്‍ സര്‍ക്കാര്‍ പറഞ്ഞിരുന്നു. എന്നാല്‍ ഹാര്‍ദിക്കിനെ മാത്രമാണ് അവര്‍ ലക്ഷ്യമിടുന്നത്. പട്ടീദാര്‍ പ്രക്ഷോഭത്തിന്റെ ഭാഗമായിരുന്ന, പിന്നീട് ബിജെപിയില്‍ ചേര്‍ന്ന മറ്റു രണ്ടു നേതാക്കള്‍ക്കെതിരെ നടപടിയില്ല. ഹാര്‍ദിക് ജനങ്ങളുമായി കൂടിക്കാഴ്ച നടത്തുന്നതും അവരുടെ പ്രശ്‌നങ്ങള്‍ പുറത്തുകൊണ്ടുവരുന്നതും ഈ സര്‍ക്കാരിന് ഇഷ്ടമല്ലെന്നും കിഞ്ചല്‍ ആരോപിച്ചു.

അതേസമയം, ഹാര്‍ദിക് പട്ടേല്‍ എവിടെയെന്നതിനെക്കുറിച്ചു കൃത്യമായ വിവരമില്ലെങ്കിലും ഫെബ്രുവരി 11ന് നടന്ന !ഡല്‍ഹി തിരഞ്ഞെടുപ്പില്‍ വിജയിച്ച അരവിന്ദ് കേജ്‌രിവാളിനെ അഭിനന്ദിച്ച് ഔദ്യോഗിക ട്വിറ്റര്‍ ഹാന്‍ഡിലില്‍ ട്വീറ്റ് വന്നിരുന്നു. പഞ്ചായത്ത് തിരഞ്ഞെടുപ്പ് മുന്നില്‍ക്കണ്ട് ഗുജറാത്ത് സര്‍ക്കാര്‍ തന്നെ ജയിലില്‍ ഇടാന്‍ ശ്രമിക്കുകയാണെന്ന ആരോപണം ഫെബ്രുവരി 10ന് സമൂഹമാധ്യമങ്ങളില്‍ക്കൂടിയും പട്ടേല്‍ ഉന്നയിച്ചിരുന്നു.

Similar Articles

Comments

Advertisment

Most Popular

സംസ്ഥാനത്ത് ഇന്ന് 18 പുതിയ ഹോട്ട്സ്പോട്ടുകൾ

ഇന്ന് 18 പുതിയ ഹോട്ട് സ്‌പോട്ടുകളാണുള്ളത്. കൊല്ലം ജില്ലയിലെ ശാസ്താംകോട്ട (കണ്ടൈന്‍മെന്റ് സോണ്‍ വാര്‍ഡ് 5, 8), വെസ്റ്റ് കല്ലട (6), ശൂരനാട് സൗത്ത് (11), പോരുവഴി (4, 5), എരുമപ്പെട്ടി (17),...

തിരുവനന്തപുരം 310, മലപ്പുറം 198, പാലക്കാട് 180 കോവിഡ് രോഗികൾ; ആശങ്കയിൽ കേരളം,. ജില്ല തിരിച്ചുള്ള കണക്കുകൾ

തിരുവനന്തപുരം : സംസ്ഥാനത്ത് വെള്ളിയാഴ്ച 1569 പേർക്ക് കോവിഡ് ബാധിച്ചു. മരണം–10, സമ്പർക്കത്തിലൂടെയുള്ള വൈറസ് ബാധിതർ–1354, നെഗറ്റീവ് ആയവർ–1304. തിരുവനന്തപുരം ജില്ലയില്‍ 310 പേര്‍ക്കും, മലപ്പുറം ജില്ലയില്‍ 198 പേര്‍ക്കും, പാലക്കാട് ജില്ലയില്‍...

‘പ്രാർഥിച്ച എല്ലാവർക്കും നന്ദി’: കേന്ദ്ര ആഭ്യന്തരമന്ത്രി അമിത് ഷാ കോവിഡ് മുക്തനായി

ന്യൂഡൽഹി: കേന്ദ്ര ആഭ്യന്തര മന്ത്രി അമിത് ഷാ കോവിഡ് മുക്തനായി. അദ്ദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. ‘ഇന്ന് എന്റെ കോവിഡ് പരിശോധനാ ഫലം നെഗറ്റീവ് ആയി. ഈ നിമിഷം ഞാൻ ദൈവത്തോട്...