ജമ്മു കശ്മീര്‍: ഇന്ത്യയുടെ നടപടിയെ പ്രശംസിച്ച് പാക്കിസ്ഥാനിലെ പ്രതിപക്ഷപാര്‍ട്ടി എംക്യുഎം

ലണ്ടന്‍ : ജമ്മു കശ്മീരിനുള്ള പ്രത്യേക പദവി നീക്കിയ ഇന്ത്യന്‍ സര്‍ക്കാരിന്റെ നടപടിയെ പ്രശംസിച്ച് പാക്കിസ്ഥാനിലെ പ്രതിപക്ഷപാര്‍ട്ടി. നടപടി ഇന്ത്യയുടെ ആഭ്യന്തര കാര്യമാണെന്നും അതിന് ഇന്ത്യന്‍ ജനതയുടെ അഭൂതപൂര്‍വമായ പിന്തുണയുണ്ടെന്നും പാക്കിസ്ഥാനിലെ മുത്താഹിദ ഖ്വാമി മൂവ്‌മെന്റ് (എംക്യുഎം) സ്ഥാപകന്‍ അല്‍താഫ് ഹുസൈന്‍ പറയുന്നു.

എംക്യുഎം സെക്രട്ടേറിയറ്റ് പുറത്തുവിട്ട വിഡിയോയിലാണ് അല്‍താഫ് ഹുസൈന്റെ പ്രസംഗം ഉള്ളത്. വിഡിയോയുടെ ചില പകര്‍പ്പുകളില്‍ ഇന്ത്യയെ പിന്തുണച്ച് ‘സാരേ ജഹാം സേ അച്ഛാ’ എന്ന് അദ്ദേഹം പാടുന്നതായും കാണിക്കുന്നുണ്ട്.

1990 കളില്‍ ലണ്ടനില്‍ രാഷ്ട്രീയ അഭയം തേടിയ അല്‍താഫ് ഹുസൈന്‍ (65) യുകെ പൗരനായി ഇവിടെ കഴിയുകയാണെങ്കിലും പാക്കിസ്ഥാനിലെ വലിയ രാഷ്ട്രീയകക്ഷികളില്‍ ഒന്നായ എംക്യുഎമ്മിന്റെ പൂര്‍ണനിയന്ത്രണം അദ്ദേഹത്തിനു തന്നെയാണ്. 1947 ല്‍ പാക്കിസ്ഥാന്‍ രൂപീകൃതമായപ്പോള്‍ ഇന്ത്യ വിട്ട് പാക്കിസ്ഥാനില്‍ കുടിയേറിയ മുഹാജിറുകളുടെ സ്വാധീനകേന്ദ്രം കറാച്ചിയാണ്.
ഇന്ത്യയുടെ നടപടിക്കു ബദലെന്നോണം പാക്ക് അധിനിവേശ കശ്മീര്‍ പിടിച്ചടക്കാന്‍ അദ്ദേഹം പാക്കിസ്ഥാനെ വെല്ലുവിളിച്ചു. 72 വര്‍ഷമായി പാക്ക് നേതൃത്വം ജനതയെ കശ്മീര്‍ കാര്യത്തില്‍ കബളിപ്പിക്കുകയാണ്.

അല്ലെങ്കില്‍ പട്ടാളത്തെ വിട്ട് ജമ്മു കശ്മീര്‍ പിടിച്ചടക്കുകയാണ് ചെയ്യേണ്ടതെന്നും അദ്ദേഹം പറഞ്ഞു. മുഹാജിറുകളെയും ബലൂചികളെയും പഷ്തൂണ്‍കാരെയും പാക്ക് ഭരണകൂടം കൂട്ടക്കൊല ചെയ്യുകയാണെന്നും കുറ്റപ്പെടുത്തി.

Similar Articles

Comments

Advertisment

Most Popular

ഹത്രാസ് കൂട്ടബലാത്സംഗക്കേസ്; പ്രതികൾക്കെതിരെ കർശന നടപടി സ്വീകരിക്കാൻ പ്രധാനമന്ത്രി നിർദേശം നൽകി

ഹത്രാസ് കൂട്ടബലാത്സംഗക്കേസിലെ പ്രതികൾക്കെതിരെ കർശന നടപടി സ്വീകരിക്കാൻ പ്രധാനമന്ത്രി നരേന്ദ്ര മോദി നിർദേശം നൽകിയതായി ഉത്തർ പ്രദേശ് മുഖ്യമന്ത്രി യോഗി ആദിത്യനാഥ്. സംഭവത്തെ കുറിച്ച് അന്വേഷിക്കാൻ മൂന്നംഗ സമിതി രൂപീകരിച്ചു. കൂട്ടബലാത്സംഗത്തിന് ഇരയായ ഇരുപതുകാരി...

കൊല്ലത്ത് തൂങ്ങി മരിച്ച പതിനഞ്ചുകാരി നിരന്തരം പീഡിപ്പിക്കപ്പെട്ടു; യുവാവ് പിടിയിൽ

കൊല്ലം: കൊണ്ടോടിയിൽ ഈ മാസം ഇരുപത്തിയഞ്ചാം തീയതി കിടപ്പുമുറിയിലെ ഫാനിൽ തൂങ്ങി മരിച്ച നിലയിൽ കണ്ടെത്തിയ പതിനഞ്ചുകാരി നിരന്തരം പീഡനത്തിരയായെന്ന് പോസ്റ്റ്മോർട്ടം റിപ്പോർട്ട്. സംഭവത്തിൽ കടയ്ക്കല്‍ സ്വദേശി ഷമീറിനെ പൊലീസ് അറസ്റ്റ് ചെയ്തു....

28 വര്‍ഷത്തിന് ശേഷം എല്ലാവരും കുറ്റവിമുക്തരാകുമ്പോള്‍…

ന്യൂഡല്‍ഹി: ബാബ്‌റി മസ്ജിദ് തകര്‍ത്ത കേസില്‍ മുഴുവന്‍ പ്രതികളെയും കോടതി കുറ്റവിമുക്തരാക്കി. കേസില്‍ പ്രതികള്‍ക്കെതിരെ സംശയാതീതമായി കുറ്റം തെളിയിക്കുന്നതില്‍ പ്രോസിക്യൂഷന്‍ പരാജയപ്പെട്ടു. തെളിവുകള്‍ ശക്തമല്ലെന്നും മസ്ജിദ്‌ തകര്‍ത്തത് ആസൂത്രിതമല്ലായിരുന്നുവെന്നും ജസ്റ്റിസ് എസ്.കെ....