അഡ്ലെയ്ഡ്: ഓസ്‌ട്രേലിയയ്‌ക്കെതിരായ രണ്ടാം ഏകദിനത്തില്‍ ഒരു റണ്‍ പൂര്‍ത്തിയാക്കാത്ത മഹേന്ദ്രസിങ് ധോണി വിവാദക്കുരുക്കില്‍. മല്‍സരത്തിനിടെ ധോണി നേടിയ ഒരു സിംഗിള്‍, അപൂര്‍ണമായിരുന്നുവെന്നാണ് വാദം. നേഥന്‍ ലയണിന്റെ പന്തില്‍ സിംഗിളിനോടിയ ധോണി, നോണ്‍ സ്‌ട്രൈക്കേഴ്‌സ് എന്‍ഡില്‍ ഓട്ടം പൂര്‍ത്തിയാക്കാതെ ഓവര്‍ തീര്‍ന്നതിനാല്‍ തിരികെ പോരുകയായിരുന്നു. ഇതിന്റെ വിഡിയോ സമൂഹമാധ്യമങ്ങളില്‍ വൈറലാണ്.
45ാം ഓവറിലെ അവസാന പന്തിലാണ് സംഭവം. ബോള്‍ ചെയ്തത് നേഥന്‍ ലയണ്‍. അവസാന പന്ത് ലോങ് ഓണിലേക്കു തട്ടിയിട്ട ധോണി സിംഗിളിനോടി. അനായാസ സിംഗിളിയാതിനാല്‍ ധോണി പതുക്കെയാണ് ക്രീസിനു സമീപമെത്തിയത്. എന്നാല്‍, ക്രീസില്‍ കയറാതെ തിരികെ പോകുന്നതാണ് വിഡിയോയിലുള്ളത്. ധോണി ഓട്ടം പൂര്‍ത്തിയാക്കാത്ത കാര്യം അംപയര്‍മാരും ശ്രദ്ധിച്ചില്ല.
ഈ റണ്‍ ധോണിയുടെയും ഇന്ത്യയുടെയും അക്കൗണ്ടിലേക്കു ചേര്‍ക്കുകയും ചെയ്തു. ടോസ് നേടി ബാറ്റിങ് തിരഞ്ഞെടുത്ത ഓസ്‌ട്രേലിയ ഷോണ്‍ മാര്‍ഷിന്റെ സെഞ്ചുറി മികവില്‍ 299 റണ്‍സ് വിജയലക്ഷ്യമാണ് ഇന്ത്യയ്ക്കു മുന്നില്‍ ഉയര്‍ത്തിയത്. കോഹ്‌ലിയുടെ സെഞ്ചുറിയുടെയും ധോണി പുറത്താകാതെ നേടിയ അര്‍ധസെഞ്ചുറിയുടെയും കരുത്തില്‍ നാലു പന്തു ബാക്കിനില്‍ക്കെ ഇന്ത്യ വിജയം നേടുകയും ചെയ്തു.
@vikrantgupta73 Sir Jee Please Do Some Basic Research On This Video .
TimeNow Reported This is Short Run By MS Dhoni.
Just Within 2 Days Post a Complete Report On AajTak.???? pic.twitter.com/gqTaxtciW0— Rohit Chaudhary (@wayofdudes) January 16, 2019
