മുസാഫിര്‍: തന്നെ അവഗണിച്ച് രണ്ടാം ഭാര്യയ്ക്കൊപ്പം കഴിഞ്ഞ ഭര്‍ത്താവിന്റെ ജനനേന്ദ്രിയം ഒന്നാം ഭാര്യയായ യുവതി മുറിച്ചു. യു.പിയിലെ മുസാഫിര്‍ നഗറിലെ മിംലാനയില്‍ ബുധനാഴ്ചയാണ് സംഭവം. ഗുരുതരാവസ്ഥയിലായ യുവാവിനെ ആശുപത്രിയില്‍ പ്രവേശിപ്പിച്ചിരിക്കുകയാണെന്ന് പൊലീസ് പറയുന്നു.
‘കുട്ടികളില്ലാത്തതിനാല്‍ ആദ്യ ഭാര്യയുടെ സമ്മതത്തോടെ യുവാവ് മറ്റൊരു സ്ത്രീയെ വിവാഹം ചെയ്യുകയായിരുന്നു. രണ്ടാം ഭാര്യ അടുത്തിടെ ഒരു കുഞ്ഞിന് ജന്മം നല്‍കുകയും ചെയ്തിരുന്നു. ‘ കോട്വാലി പൊലീസ് സ്റ്റേഷനിലെ അനില്‍ കാപര്‍വാന്‍ പറഞ്ഞു.
കുറച്ചുകാലമായി ഇയാള്‍ രണ്ടാം ഭാര്യയുടെ വീട്ടില്‍ തന്നെയായിരുന്നു താമസിച്ചിരുന്നത്. ഇതാണ് ആദ്യഭാര്യയെ പ്രകോപിപ്പിച്ചതെന്നും പൊലീസ് പറയുന്നു. സംഭവവുമായി ബന്ധപ്പെട്ട് ആദ്യ ഭാര്യയ്ക്കെതിരെ യുവാവിന്റെ ബന്ധുക്കള്‍ പൊലീസില്‍ പരാതി നല്‍കിയിട്ടുണ്ടെന്നും ഓഫീസര്‍ അറിയിച്ചു.
