ഗുരുഗ്രാം: അച്ഛനും മകളും തമ്മിലുള്ള ലൈംഗികബന്ധം സര്‍വസാധാരണമാണെന്നും എല്ലാ വീടുകളിലും ഇത് നടക്കുന്നതാണെന്നും പറഞ്ഞു വിശ്വസിപ്പിച്ച് അച്ഛന്‍ മകളെ പീഡിപ്പിച്ചത് ആറുമാസത്തോളം. ഗുരുഗ്രാമിലെ പട്ടോടിയിലാണ് മനുഷ്യമനസാക്ഷിയ്ക്ക് നാണക്കേടുണ്ടാക്കുന്ന സംഭവം അരങ്ങേറിയത്. സംഭവുമായി ബന്ധപ്പെട്ട് രണ്ടാനമ്മയുടെ പരാതിയില്‍ ബിഹാര്‍ സ്വദേശിയായ യുവാവിനെ പോലീസ് അറസ്റ്റു ചെയ്തു. ഇയാള്‍ ഗുരുഗ്രാമിലെ പട്ടോടിയില്‍ ഫാക്ടറി ജീവനക്കാരനാണ്.
എല്ലാ വീടുകളിലും അച്ഛനും മകളും തമ്മില്‍ ഇതു നടക്കുന്നതാണെന്നു പറഞ്ഞ് വിശ്വസിപ്പിച്ചായിരുന്നു ഇയാള്‍ ആറു മാസത്തിലധികമായി മകളെ പീഡനത്തിരയാക്കി വന്നത്. മകള്‍ രണ്ടാനമ്മയോട് ഇക്കാര്യം പറഞ്ഞുവെങ്കിലും അവര്‍ വിശ്വസിക്കാന്‍ കൂട്ടാക്കിയില്ല. എന്നാല്‍ ഒരു ദിവസം ജോലി കഴിഞ്ഞ് നേരത്തെയെത്തിയ രണ്ടാനമ്മ സംഭവം നേരില്‍ കണ്ടതോടെയാണ് ഞെട്ടിയത്. തുടര്‍ന്ന് അവര്‍ നല്‍കിയ പരാതിയുടെ അടിസ്ഥാനത്തില്‍ പോലീസ് ഇയാളെ കസ്റ്റഡിയിലെടുക്കുകയായിരുന്നു.
പ്രായപൂര്‍ത്തിയാകാത്ത കുട്ടിയെ കൗണ്‍സിലിങ്ങിന് വിധേയമാക്കിയശേഷം രണ്ടാനമ്മയ്ക്കൊപ്പം അയച്ചു. ഇയാളെ ചോദ്യം ചെയ്തപ്പോഴാണ് ആറു മാസമായി മകളെ പീഡനത്തിനിരയാക്കിയതായി വെളിപ്പെടുത്തിയത്. പേക്സോ ഉള്‍പ്പെടെയുള്ള വകുപ്പുകള്‍ ചുമത്തി പ്രതിയെ ജുഡീഷ്യല്‍ കസ്റ്റഡിയില്‍ വിട്ടു.
