കര്‍ഷരേയും തൊഴിലാളികളേയും കെട്ടിപ്പിടിക്കാന്‍ ധൈര്യമുണ്ടോ..? മോദിയുടെ ‘ആലിംഗന’ തന്ത്രത്തെ പരിഹസിച്ച് രാഹുല്‍ ഗാന്ധി

ന്യൂഡല്‍ഹി: പ്രധാനമന്ത്രിയുടെ ആലിംഗന തന്ത്രത്തിനെതിരെ പരിഹാസവുമായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. കെട്ടിപ്പിടുത്ത രാഷ്ട്രീയ വിമര്‍ശനങ്ങള്‍ക്കെതിരെ താനൊരു സാധാരണക്കാരന്‍ എന്ന് പ്രതികരിക്കുന്ന പ്രധാനമന്ത്രി ശരിക്കും ഈ കെട്ടിപ്പിടുത്തവും ആലിംഗനവും ചെയ്യേണ്ടത് രാജ്യത്തെ തൊഴിലാളികളോടും കര്‍ഷകരോടും സൈനികരോടുമെന്ന് രാഹുല്‍ഗാന്ധി പറഞ്ഞു.

ട്വീറ്റിലൂടെയാണ് രാഹുലിന്റെ പരിഹാസം. സ്വയം സാധാരണക്കാരനാണെന്ന് വിശേഷിപ്പിക്കുന്ന നരേന്ദ്രമോഡി പക്ഷേ കെട്ടിപ്പിടുത്തത്തിന് ഇരയാക്കുന്നത് ചിലചില പ്രത്യേക ആള്‍ക്കാരെയാണെന്ന് രാഹുല്‍ വിമര്‍ശനത്തില്‍ പറയുന്നു. ഈ ഉള്‍പ്രേരണയ്ക്ക് കാരണം എന്താണ്? താങ്കളുടെ ആലിംഗനത്തില്‍ കര്‍ഷകര്‍, തൊഴിലാളികള്‍, യുവാക്കള്‍ എന്നിവര്‍ ഉണ്ടാകുമോ എന്നും ചോദിക്കുന്നു. അന്താരാഷ്ട്ര നേതാക്കള്‍ ഇന്ത്യ സന്ദര്‍ശിക്കുമ്പോള്‍ ആലിംഗനം ചെയ്യുന്നത് നരേന്ദ്രമോഡിയുടെ പതിവാണ്. അമേരിക്കന്‍ പ്രസിഡന്റ് ബാരാക് ഒബാമ, അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്, അടുത്തിടെ ഇന്ത്യ സന്ദര്‍ശിച്ച ഇസ്രായേല്‍ പ്രധാനമന്ത്രി ബഞ്ചമിന്‍ നെതന്യാഹു എന്നിവരെ ആലിംഗനും ചെയ്തു.

അടുത്തിടെ ഒരു ചാനലിന് നല്‍കിയ അഭിമുഖത്തില്‍ താന്‍ സാധാരണ മനുഷ്യനാണ് തനിക്ക് പ്രോട്ടോകോളിനെക്കുറിച്ച് അധികം അറിയില്ലെന്നും പ്രതികരിച്ചിരുന്നു. അന്താരാഷ്ട്ര നേതാക്കളോട് ഇടപെടുമ്ബോള്‍ ഒരു സാധാരണ മനുഷ്യന്‍ എന്ന ഇമേജാണ് തന്റെ ശക്തിയായി മാറുന്നതെന്നും മോഡി പ്രതികരിച്ചിരുന്നു. താന്‍ പ്രോട്ടോകോള്‍ പരിശീലിച്ചിട്ടില്ല. ഒരു രാജ്യത്തിന്റെ പ്രധാനമന്ത്രി എന്ന നിലയില്‍ തന്റെ അന്താരാഷ്ട്ര ബന്ധങ്ങള്‍ മാത്രമേ ജനം വിലയിരുത്തൂ എന്നും പറഞ്ഞു. തന്റെ പരിചയക്കുറവ് മൂലം തനിക്കറിയാവുന്നത് പോലെയാണ് പ്രതികരിക്കുന്നതെന്നും പറഞ്ഞു.

Similar Articles

Comments

Advertisment

Most Popular

സിബിഎസ്ഇ പത്ത്, പന്ത്രണ്ട് പരീക്ഷ ഫലപ്രഖ്യാപനം ജൂലൈയിൽ

സിബിഎസ്ഇ പത്ത്, പന്ത്രണ്ട് പരീക്ഷളിലെ ഫലപ്രഖ്യാപനം ജൂലൈയിൽ. പത്താം ക്ലാസ് പരീക്ഷാഫലം ജൂലൈ നാലിനും പന്ത്രണ്ടാം ക്ലാസ് പരീക്ഷാഫലം ജൂലൈ പത്തിനും ഉണ്ടായേക്കുമെന്ന് കേന്ദ്ര വിദ്യാഭ്യാസ മന്ത്രാലയ വൃത്തങ്ങൾ അറിയിച്ചു. കൊവിഡുമായി ബന്ധപ്പെട്ട...

ഇഡിയുടെ സുരക്ഷ നോക്കുന്നത് സംസ്ഥാന പോലീസാണ്… പിന്നെയെങ്ങനെ സ്വപ്നയുടെ സുരക്ഷ ഏറ്റെടുക്കും..?

സ്വപ്‌ന സുരേഷിന് സുരക്ഷ നൽകാനാവില്ലെന്ന് എൻഫോഴ്‌സ്‌മെന്റ് ഡയറക്ടറേറ്റ്. സാമ്പത്തിക കുറ്റകൃത്യങ്ങൾ അന്വേഷിക്കുന്നതിനുള്ള ഏജൻസിയാണ് ഇ ഡി. സുരക്ഷ നൽകാനുള്ള സംവിധാനം ഇ.ഡിക്ക് ഇല്ലെന്നും കോടതിയിൽ വ്യക്തമാക്കി. കേന്ദ്ര സർക്കാർ കേസിൽ കക്ഷിയല്ല. കേന്ദ്ര...

കെ. സുധാകരനെ പരിഹസിച്ച് മന്ത്രി മുഹമ്മദ് റിയാസ്

രാഷ്ട്രപതി തെരഞ്ഞെടുപ്പിൽ പ്രതിപക്ഷത്തിന്റെ സംയുക്ത സ്ഥാനാർത്ഥി യശ്വന്ത് സിൻഹയുടെ കേരള സന്ദർശനവുമായി ബന്ധപ്പെട്ട് കെപിസിസി പ്രസിഡന്റ് കെ. സുധാകരനെ പരിഹസിച്ച് മന്ത്രി മുഹമ്മദ് റിയാസിന്റെ ഫെയ്സ്ബുക്ക് പോസ്റ്റ്. മോദി ഭരണത്തെ തെല്ലും ഭയമില്ലാത്ത...