കുട്ടിക്കാലത്ത് ആദ്യം ശരീരത്തില്‍ കൈ വച്ചത് വീട്ടിലെ ഡ്രൈവര്‍.. പിന്നീട് സ്വാധീനമുള്ള കുടുംബത്തിലെ അംഗം; നടിയുടെ ഞെട്ടിക്കുന്ന വെളിപ്പെടുത്തല്‍

കറാച്ചി: ഓരോ ദിവസം ചെല്ലുംതോറും സിനിമാ മേഖലയിലെ പീഡനകഥകള്‍ പുറത്തുവന്നു കൊണ്ടിരിക്കുകയാണ്. തനിക്കുണ്ടായ ദുരനുഭവങ്ങള്‍ തുറന്നു പറഞ്ഞിരിക്കുകയാണ് പാകിസ്ഥാനി നടി നദിയ ജമീല്‍. ട്വിറ്ററിലൂടെയായിരുന്നു നടിയുടെ പ്രതികരണം. പാകിസ്താനില്‍ കഴിഞ്ഞദിവസം ബാലികയെ പീഡിപ്പിച്ച് കൊന്നതില്‍ പ്രതിക്ഷേധം ശക്തമായതിനെ തുടര്‍ന്നാണ് നടിയുടെയും പ്രതികരണം.

കുട്ടിക്കാലത്ത് വീട്ടിലെ ഡ്രൈവറാണ് തന്റെ ശരീരത്ത് ആദ്യമായി കൈ വച്ചത്. പിന്നീട് സ്വാധീനമുള്ള ഒരു കുടുംബത്തിലെ അംഗം. അയാള്‍ ഇപ്പോള്‍ വിവാഹം കഴിഞ്ഞ് ലണ്ടനില്‍ ജീവിക്കുകയാണെന്നും നദിയ പറയുന്നു. എന്നാല്‍ ഇപ്പോഴും ഒന്നും പുറത്ത് പറയരുതെന്നാണ് തന്റെ കുടുംബം പറയുന്നത്. എന്നാല്‍ ഞാന്‍ എന്തിന് നാണം കെടണം? ഞാനല്ല നാണിക്കേണ്ടത്, ഒരിക്കലും ഞാന്‍ നാണിക്കേണ്ടതില്ലെന്നും നടി പറയുന്നു.

മാനഭംഗം അവസാനിപ്പിക്കണം എന്ന് ആഗ്രഹിക്കുന്നുണ്ടെങ്കില്‍ സ്ത്രീശരീരത്തിന്റെ ഉടമകള്‍ തങ്ങളാണെന്നു പുരുഷന്മാരെ പഠിപ്പിക്കുന്നത് നിര്‍ത്തുക. ആഗ്രഹിക്കുന്ന ആരുമായും ലൈംഗിക ബന്ധം പുലര്‍ത്താമെന്നാണ് പല പുരുഷന്മാരുടെയും ധാരണ. അതവരുടെ അവകാശമാണെന്നും അവര്‍ വിചാരിക്കുന്നു. ഈ അവകാശബോധം കുട്ടിക്കാലം മുതലേ ആണ്‍കുട്ടികളെ പഠിപ്പിക്കുന്നു. ജന്മനാ ഇത്തരം അറിവുമായി ആരും ജനിക്കുന്നില്ല. സ്ത്രീ ശരീരത്തെക്കുറിച്ചുള്ള ഉടമാബോധം ആണ്‍കുട്ടികളെ പഠിപ്പിക്കുന്നതു നമ്മുടെ സമൂഹം തന്നെയാണ്. ഈ ചീത്ത പാഠവും പഠനവും നിര്‍ത്തൂ. ശരിയായത് കുട്ടികളെ പഠിപ്പിക്കൂ നദിയ ട്വിറ്ററില്‍ കുറിച്ചു.

മാനഭംഗത്തിന് ഇരായകുന്നവര്‍ ശാരീരികമായും മാനസികമായും ബുദ്ധിമുട്ട് അനുഭവിക്കേണ്ടി വരുന്നു. വിവരം പുറത്തായാലോ എന്ന അപമാനം മറു വശത്ത്. ഈ നിശബ്ദതയില്‍ കുറ്റവാളികള്‍ രക്ഷപെടുന്നു. ഇത് ആവര്‍ത്തിക്കപ്പെടുന്നു. ഞാന്‍ ആദ്യമായി പീഡിപ്പിക്കപ്പെടുമ്പോള്‍ നാല് വയസാണ് ഉണ്ടായിരുന്നത്. കോളെജില്‍ എത്തിയപ്പോഴും എനിക്കെതിരായ ആക്രമണം ശക്തമായിരുന്നു. ഇത് പുറത്ത് പറഞ്ഞാല്‍ തകരുന്നത് കുടുംബത്തിന്റെ അഭിമാനം. കുടുംബത്തിന്റെ അഭിമാനം എന്റെ ചുമലിലാണോ കെട്ടി വച്ചിരിക്കുന്നത്? അഭിമാനിയായ, ശക്തയായ, സ്നേഹമുള്ള ഒരു യുവതിയാണ് ഞാന്‍. ഞാന്‍ തന്നെ ആയിരിക്കുന്നതില്‍ ഞാന്‍ അഭിമാനം കൊള്ളുന്നു. നദിയ പറയുന്നു.

Similar Articles

Comments

Advertisment

Most Popular

സിബിഎസ്ഇ പത്ത്, പന്ത്രണ്ട് പരീക്ഷ ഫലപ്രഖ്യാപനം ജൂലൈയിൽ

സിബിഎസ്ഇ പത്ത്, പന്ത്രണ്ട് പരീക്ഷളിലെ ഫലപ്രഖ്യാപനം ജൂലൈയിൽ. പത്താം ക്ലാസ് പരീക്ഷാഫലം ജൂലൈ നാലിനും പന്ത്രണ്ടാം ക്ലാസ് പരീക്ഷാഫലം ജൂലൈ പത്തിനും ഉണ്ടായേക്കുമെന്ന് കേന്ദ്ര വിദ്യാഭ്യാസ മന്ത്രാലയ വൃത്തങ്ങൾ അറിയിച്ചു. കൊവിഡുമായി ബന്ധപ്പെട്ട...

ഇഡിയുടെ സുരക്ഷ നോക്കുന്നത് സംസ്ഥാന പോലീസാണ്… പിന്നെയെങ്ങനെ സ്വപ്നയുടെ സുരക്ഷ ഏറ്റെടുക്കും..?

സ്വപ്‌ന സുരേഷിന് സുരക്ഷ നൽകാനാവില്ലെന്ന് എൻഫോഴ്‌സ്‌മെന്റ് ഡയറക്ടറേറ്റ്. സാമ്പത്തിക കുറ്റകൃത്യങ്ങൾ അന്വേഷിക്കുന്നതിനുള്ള ഏജൻസിയാണ് ഇ ഡി. സുരക്ഷ നൽകാനുള്ള സംവിധാനം ഇ.ഡിക്ക് ഇല്ലെന്നും കോടതിയിൽ വ്യക്തമാക്കി. കേന്ദ്ര സർക്കാർ കേസിൽ കക്ഷിയല്ല. കേന്ദ്ര...

കെ. സുധാകരനെ പരിഹസിച്ച് മന്ത്രി മുഹമ്മദ് റിയാസ്

രാഷ്ട്രപതി തെരഞ്ഞെടുപ്പിൽ പ്രതിപക്ഷത്തിന്റെ സംയുക്ത സ്ഥാനാർത്ഥി യശ്വന്ത് സിൻഹയുടെ കേരള സന്ദർശനവുമായി ബന്ധപ്പെട്ട് കെപിസിസി പ്രസിഡന്റ് കെ. സുധാകരനെ പരിഹസിച്ച് മന്ത്രി മുഹമ്മദ് റിയാസിന്റെ ഫെയ്സ്ബുക്ക് പോസ്റ്റ്. മോദി ഭരണത്തെ തെല്ലും ഭയമില്ലാത്ത...