‘2021ല്‍ ഉമ്മന്‍ചാണ്ടി വീണ്ടും മുഖ്യമന്ത്രിയായാല്‍ നടേശ ജയന്തിയും സുകുമാര ജയന്തിയും അവധിയാക്കും’: പരിഹാസവുമായി അഡ്വ. എ ജയശങ്കര്‍

കൊച്ചി: മന്നം ജയന്തി പൊതു അവധിയായി പ്രഖ്യാപിച്ച മുന്‍ മുഖ്യമന്ത്രി 2021ല്‍ വീണ്ടും ജയിച്ച് മുഖ്യമന്ത്രിയായാല്‍ നടേശ ജയന്തിയും സുകുമാര ജയന്തിയും അവധിയാക്കുമെന്ന് രാഷ്ട്രീയ നിരീക്ഷകന്‍ അഡ്വ. എ ജയശങ്കര്‍. അച്യുതമേനോനോ പികെ വാസുദേവന്‍ നായരോ ഇകെ നായനാരോ കെ കരുണാകരനോ മുഖ്യമന്ത്രി ആയിരുന്ന കാലത്ത് ഇക്കാര്യം പരിഗണിച്ചില്ല. എന്‍ഡിപിക്കു മന്ത്രിമാര്‍ ഉണ്ടായിരുന്നപ്പോഴും നടന്നില്ല.
2011ല്‍ ഉമ്മന്‍ചാണ്ടി മുഖ്യമന്ത്രി ആയപ്പോഴാണ് മന്നംജയന്തി നായന്മാര്‍ക്കു മാത്രം നിയന്ത്രിത അവധിയാക്കിയതെന്നും പിന്നെ പൊതു അവധിയാക്കുകയായിരുന്നെന്നും ജയശങ്കര്‍ ഫെയ്സ് ബുക്കില്‍ കുറിച്ചു

ജയശങ്കറിന്റെ പോസ്റ്റിന്റെ പൂര്‍ണരൂപം
ജനുവരി 2.
മന്നം ജയന്തി, പൊതു അവധി

നായര്‍ സമുദായാചാര്യനും സാമൂഹിക പരിഷ്‌കര്‍ത്താവും വിമോചനസമര നായകനും ആയിരുന്ന മന്നത്ത് പത്മനാഭപിളള സാറിന്റെ ജന്മദിനം പൊതു അവധിയാക്കണം എന്നത് അഖിലലോക നായന്മാരുടെയും അഭിലാഷമായിരുന്നു.അച്യുതമേനോനോ പികെ വാസുദേവന്‍ നായരോ ഇകെ നായനാരോ കെ കരുണാകരനോ മുഖ്യമന്ത്രി ആയിരുന്ന കാലത്ത് ഇക്കാര്യം പരിഗണിച്ചില്ല. എന്‍ഡിപിക്കു മന്ത്രിമാര്‍ ഉണ്ടായിരുന്നപ്പോഴും നടന്നില്ല.

2011ല്‍ ഉമ്മന്‍ചാണ്ടി മുഖ്യമന്ത്രി ആയപ്പോഴാണ് മന്നംജയന്തി നായന്മാര്‍ക്കു മാത്രം നിയന്ത്രിത അവധിയാക്കിയത്. പിന്നെ പൊതു അവധിയാക്കി.കൂട്ടത്തില്‍, കര്‍ക്കടക വാവിന്റെ അവധി പൂര്‍ണമാക്കി. അയ്യങ്കാളി ജയന്തിക്കും പൊതു അവധി പ്രഖ്യാപിച്ചു. വിശ്വകര്‍മ്മ ജയന്തിയും വൈകുണ്ഠ ജയന്തിയും നിയന്ത്രിത അവധികളാക്കി.2021ല്‍ യുഡിഎഫ് ജയിച്ച് ഉമ്മന്‍ചാണ്ടി വീണ്ടും മുഖ്യമന്ത്രിയാകട്ടെ, നടേശ ജയന്തിയും സുകുമാര ജയന്തിയും അവധിയാക്കും.

Similar Articles

Comments

Advertisment

Most Popular

കൊച്ചിയിലെ ലോഡ്ജ് മുറിയിൽ രണ്ട് പെൺകുട്ടികളെ അവശനിലയിൽ കണ്ടെത്തി

കൊച്ചി: എറണാകുളം സൗത്തിലെ ലോഡ്ജിൽ രണ്ട് പെൺകുട്ടികളെ അവശനിലയിൽ കണ്ടെത്തി. ബുധനാഴ്ച രാത്രി വൈകിയാണ് പെൺകുട്ടികളെ ലോഡ്ജ് മുറിയിൽ അവശനിലയിൽ കണ്ടത്. തുടർന്ന് ഇവരെ ആശുപത്രിയിൽ പ്രവേശിപ്പിച്ചു. അബോധാവസ്ഥയിലുള്ള ഒരാൾ തീവ്രപരിചരണ വിഭാഗത്തിലാണ്. കോഴിക്കോട്...

വീട്ടമ്മമാരും കന്യാസ്ത്രീകളും ഉള്ള ഭക്തസംഘത്തിന്റെ വാട്സ്ആപ് ​ഗ്രൂപ്പിലേക്ക് അശ്ലീല വീഡിയോ അയച്ച വൈദികനെതിരേ നടപടി

വീട്ടമ്മമാരും കന്യാസ്ത്രീകളും ഉള്ള വാട്സ്ആപ് ഗ്രൂപ്പിലേക്ക് വൈദികന്‍ അശ്ളീല വീഡിയോ അയച്ചതായി പരാതി. കണ്ണൂർ അടയ്ക്കാത്തോട് പള്ളി വികാരി ഫാദർ സബാസ്റ്റ്യൻ കീഴേത്തിനെതിരെയാണ് പരാതി ഉയര്‍ന്നിരിക്കുന്നത്. മാതൃവേദി സംഘടനയുടെ ഡയറക്ടർ...

വീണ്ടും ആന്ത്രാക്സ്; മൃഗങ്ങൾ കൂട്ടത്തോടെ ചത്തു; സംസ്ഥാനത്ത് പ്രതിരോധത്തിന് അടിയന്തര നടപടികൾ

തിരുവനന്തപുരം: മൃഗങ്ങളില്‍ ആന്ത്രാക്‌സ് രോഗബാധ സ്ഥിരീകരിച്ചതിനാല്‍ പ്രതിരോധത്തിന് ആരോഗ്യ വകുപ്പ് അടിയന്തര നടപടികള്‍ സ്വീകരിച്ചു വരുന്നതായി ആരോഗ്യ വകുപ്പ് മന്ത്രി വീണാ ജോര്‍ജ്. തൃശൂര്‍ ആതിരപ്പള്ളി വനമേഖലയിലെ കാട്ടു പന്നികളിലാണ് ആന്ത്രാക്‌സ് രോഗബാധ...