BREAKING NEWS

മക്കളെ വെളുക്കാൻ തേച്ച് എട്ടിന്റെ പണി വാങ്ങിക്കല്ലേ…. ഇൻഫ്ലുവൻസർമാരുടെ പരസ്യം കണ്ട് ഫെയർനസ് ക്രീം വാങ്ങി ഉപയോ​ഗിച്ചു, മലപ്പുറത്ത് 17 കാരിക്ക് മെമ്പ്രനസ് നെഫ്രോപ്പതിയെന്ന ഗുരുതര വൃക്ക രോ​ഗം, ക്രീമിൽ അമിതഅളവിൽ മെർക്കുറിയെന്ന് കണ്ടെത്തൽ, താൻ ക്രീം ഒരു വർഷമായി ഉപയോ​ഗിക്കുന്നുവെന്ന് പെൺകുട്ടിയുടെ വെളിപ്പെടുത്തൽ

· · 1 min read
Share: Copied!

മലപ്പുറത്ത് ഫെയർനസ് ക്രീം ഉപയോഗിച്ച പതിനേഴുകാരിക്ക് ഗുരുതര വൃക്കരോഗമെന്ന് കണ്ടെത്തൽ. ക്രീമിലെ അമിത മെർക്കുറി കാരണം ശരീരത്തിൽനിന്ന് പ്രോട്ടീൻ നഷ്ടമാകുന്ന മെമ്പ്രനസ് നെഫ്രോപ്പതി എന്ന രോഗമാണെന്നാണ് വിദ​ഗ്ധ പരിശോധനയിൽ സ്ഥിരീകരിച്ചത്. ലാബിൽ നടത്തിയ പരിശോധനയിൽ പെൺകുട്ടി ഉപയോഗിച്ച ക്രീമിൽ മെർക്കുറിയുടെ അമിത സാന്നിധ്യവും കണ്ടെത്തി.

അതേസമയം താൻ ഒരു വർഷമായി ഈ ക്രീം ഉപയോ​ഗിക്കുന്നതായി പെൺകുട്ടി വെളിപ്പെടുത്തി. ഇതുവരെ മൂന്നു നാല് ബോട്ടിലുകൾ ഉപയോ​ഗിച്ചതായും പെൺകുട്ടി പറഞ്ഞു. പരിശോധനയിൽ ഒരു വർഷമായി ഉപയോഗിച്ച ഫെയ്സ് ക്രീമിൽ നിന്നാണ് വൃക്കരോഗമുണ്ടായതെന്ന് ഡോക്ടർമാർ പറഞ്ഞുവെന്നും പെൺകുട്ടി പറഞ്ഞു.

ക്രീമിൽ മെർക്കുറി അമിതമായതിനാൽ മൂത്രത്തിലൂടെ പ്രോട്ടീൻ നഷ്ടപ്പെടുന്ന അവസ്ഥയായിരുന്നു പെൺകുട്ടി. ബി.പി. കുറയുക, ക്ഷീണം, തലകറങ്ങുക, ഉറക്കക്കുറവ് തുടങ്ങിയ അവസ്ഥയുമുണ്ടായി. കോളേജിൽ പോകാൻ പോലും പറ്റാത്ത അവസ്ഥയായിരുന്നു. തുടർപരിശോധനയിലാണ് രക്തത്തിൽ മെർക്കുറിയുടെ സാന്നിധ്യം കണ്ടെത്തിയത്. ഇതെങ്ങനെ ഉണ്ടായെന്നറിയാൻ ക്രീം ടെസ്റ്റിന് അയച്ചപ്പോഴാണ് ക്രീമിൽ അമിതമായി മെർക്കുറി അടങ്ങിയിട്ടുണ്ടെന്ന് കണ്ടെത്തിയത്. പ്രകൃതിദത്ത ചേരുവകളാണെന്നു പറഞ്ഞ് വിൽപനയ്ക്കുവെച്ചിരുന്ന ക്രീമാണ് ഉപയോഗിച്ചിരുന്നതെന്നും പെൺകുട്ടി പറഞ്ഞതായി മാതൃഭൂമി ന്യൂസ് റിപ്പോർട്ട് ചെയ്തു.

ഫെയർനസ് ക്രീമുകൾ ജീവനു വെല്ലുവിളിയാകുന്നതെങ്ങനെ?

ഫെയർനസ് ക്രീം ഉപയോ​ഗിക്കുമ്പോൾ അതിൽ അടങ്ങിയിരിക്കുന്ന മെർക്കുറി ചർമത്തിലൂടെ രക്തത്തിൽ കലർന്ന് വൃക്കയിൽ അടിഞ്ഞുകൂടും. അങ്ങനെ വൃക്കയിൽ നെഫ്രോട്ടിക് സിൻഡ്രോം അഥവാ മെമ്പ്രനസ് നെഫ്രോപ്രതി എന്ന അവസ്ഥയ്ക്കു കാരണമാകും. കേന്ദ്രനാഡീവ്യവസ്ഥയെയും ബാധിക്കും. ക്ഷീണം, വിറയൽ, ഓർമക്കുറവ്, ഉറക്കക്കുറവ് തുടങ്ങിയവയ്ക്കും കാരണമാകും.

 

BREAKING NEWS
അമ്മയെ അവസാനമായി വിളിച്ചുവച്ചത് റൂമിലേക്ക് പോകുന്നുവെന്ന് പറഞ്ഞ്, രാത്രിയിൽ ഫോൺ വന്നത് മകൾ കുളിമുറിയിൽ വീണെന്നു പറഞ്ഞ്... രണ്ടാംവർഷ നഴ്സിങ് വിദ്യാർഥിനി വാടകവീട്ടിൽ മരിച്ചനിലയിൽ, ദുരൂഹതയെന്ന് ബന്ധുക്കൾ
22 Nov 2026
BREAKING NEWS
ഫെയര്‍നെസ് ക്രീം ഉപയോഗിച്ച് വൃക്ക രോഗം വന്നു, കണ്ണിന്റെ പോളയിലും കാലിലും നീര് വന്നു, മാസങ്ങളോളം ആശുപത്രി കയറിയിറങ്ങേണ്ടി വന്നു, ക്രീം തന്നത് കാസര്‍കോടുള്ള സുഹൃത്ത്, വെളിപ്പെടുത്തി ഗായകന്‍ സലീം കോടത്തൂര്‍
22 Nov 2026
BREAKING NEWS
'അടങ്ങാത്ത ആർത്തി'; മോദി പറഞ്ഞത് യാഥാർത്ഥ്യം, തെളിവായി കണക്കുകൾ; നികുതിയിളവുകളിൽ നിന്നും ലാഭം കൊയ്തത് കമ്പനികൾ; തൊഴിലും ശമ്പളവും വർദ്ധിച്ചില്ല
22 Nov 2026
BREAKING NEWS
എട്ടു കിലോമീറ്റർ അകലെയുള്ള ടാങ്കുകൾ ലക്ഷ്യമിടാനാകും; പകലും രാത്രിയും കൃത്യമായ ആക്രമണം; മിസൈലും ഓട്ടോമേറ്റഡ് ലോഞ്ചറും ഉൾപ്പെടുന്ന ഭഗീര എടി1 മിസൈൽ പരീക്ഷണം വിജയം
22 Nov 2026