BREAKING NEWS

വനിതാ ഇൻഫ്ലുവൻസർ തന്റെ വിവാഹനിശ്ചയത്തിന്റെ ദൃശ്യങ്ങൾ ഇൻസ്റ്റഗ്രാമിലും യൂട്യൂബിലും പങ്കുവച്ചു, വിവാഹ വാർത്തയറിഞ്ഞ് ആരാധകൻ അസ്വസ്തനായി, തന്നെ വിവാഹം കഴിക്കണമെന്ന ആവശ്യപ്പെട്ട് വീട്ടിൽ അതിക്രമിച്ച് കയറിയ യുവാവിനെ മർദിച്ചുകൊന്നു, പിതാവടക്കം രണ്ട് പേർ അറസ്റ്റിൽ, യുവാവ് മുൻപും ഇൻഫ്ലുവൻസറുടെ വീട്ടിൽ വന്നിട്ടുണ്ടെന്ന് പോലീസ്

· · 1 min read
Share: Copied!

ന്യൂഡൽഹി: വനിതാ സോഷ്യൽ മീഡിയ ഇൻഫ്ലുവൻസറെ വിവാഹം കഴിക്കണമെന്ന് ആവശ്യപ്പെട്ട് വീട്ടിൽ അതിക്രമിച്ച് കയറിയ യുവാവിനെ മർദിച്ചു കൊന്ന സംഭവത്തിൽ ഇൻഫ്ലുവൻസറുടെ പിതാവടക്കം രണ്ടുപേർ അറസ്റ്റിൽ. മർദനമേറ്റ യുവാവ് ഒരാഴ്ചയ്ക്കുശേഷം ചികിത്സയിലിരിക്കെ മരിച്ചതോടെയാണ് സംഭവം കൊലപാതകക്കേസായി മാറിയത്. ചെന്നൈയിൽ സ്വകാര്യ കമ്പനിയിൽ ജോലി ചെയ്തിരുന്ന ഉത്തർപ്രദേശിലെ ഗാസിപൂർ സ്വദേശിയായ അഭിനവ് ആണ് മരിച്ചത്. വനിതാ ഇൻഫ്ലുവൻസർ നേഹ ബിഷ്ടിന്റെ പിതാവ് വീരേന്ദർ ബിഷ്ടിനെയും അയൽവാസിയെയുമാണ് പൊലീസ് അറസ്റ്റ് ചെയ്തത്.

ഇൻസ്റ്റഗ്രാമിൽ ആറുലക്ഷത്തിലധികം ഫോളോവേഴ്‌സുള്ള നേഹയുടെ വീഡിയോകൾക്ക് ദശലക്ഷക്കണക്കിന് കാഴ്ചക്കാരുണ്ട്. വിവാഹനിശ്ചയത്തിന്റെ ദൃശ്യങ്ങളും വരാനിരിക്കുന്ന വിവാഹവുമായി ബന്ധപ്പെട്ട വീഡിയോകളും അടുത്തിടെ നേഹ ഇൻസ്റ്റഗ്രാമിലും യൂട്യൂബിലും പങ്കുവച്ചിരുന്നു. ഇതിനിടെയാണ് നേഹയെ വിവാഹം കഴിക്കണമെന്ന ആവശ്യവുമായി അഭിനവ് ഡൽഹിയിലെത്തിയത്.

നവംബർ ഏഴിന് നേഹ വീട്ടിലുണ്ടായിരുന്ന സമയത്ത് കിഴക്കൻ ഡൽഹിയിലെ മധു വിഹാറിലുള്ള വീട്ടിൽ അഭിനവ് അതിക്രമിച്ച് കയറുകയായിരുന്നു. നേഹ തന്നെ വിവാഹം കഴിക്കണമെന്നായിരുന്നു ഇയാളുടെ ആവശ്യം. സംഭവവുമായി ബന്ധപ്പെട്ട് അടുത്ത ദിവസം രജിസ്റ്റർ ചെയ്ത എഫ്ഐആറിൽ അഭിനവ് മദ്യലഹരിയിലായിരുന്നുവെന്നും വ്യക്തമാക്കിയിട്ടുണ്ട്.

യുവാവിന്റെ പെരുമാറ്റത്തിൽ പ്രകോപിതരായ നേഹയുടെ കുടുംബാംഗങ്ങളും ഏതാനും അയൽവാസികളും ചേർന്ന് ഇയാളെ ക്രൂരമായി മർദിച്ചു. തുടർന്ന് പൊലീസിനെ വിവരമറിയിച്ചു. പൊലീസ് സ്ഥലത്തെത്തിയപ്പോൾ അഭിനവിന്റെ പുറംഭാഗത്തും വലതുകാലിലും ഗുരുതരമായി പരിക്കേറ്റ നിലയിലായിരുന്നു. ഉടൻ രാജീവ് ഗാന്ധി ആശുപത്രിയിലേക്ക് മാറ്റി. എന്നാൽ നവംബർ 15ന് ചികിത്സയിലിരിക്കെ അഭിനവ് മരിച്ചു.

പൊലീസ് നടത്തിയ തുടർ അന്വേഷണത്തിലാണ് അഭിനവിന് നേഹയോട് ഏകപക്ഷീയമായ പ്രണയമുണ്ടായിരുന്നുവെന്ന വിവരം പുറത്തുവന്നത്. നേഹയുടെ സോഷ്യൽ മീഡിയ വീഡിയോകൾ ഇയാൾ പതിവായി പിന്തുടർന്നിരുന്നു. ആരാധകനെന്ന നിലയിൽ ഏതാനും മാസങ്ങൾക്ക് മുമ്പ് നേഹയുടെ വീട്ടിലും എത്തിയിരുന്നു. നേഹ മറ്റൊരാളെ വിവാഹം കഴിക്കാൻ പോകുന്നതിൽ അഭിനവ് അസ്വസ്ഥനായിരുന്നുവെന്നും പൊലീസ് കണ്ടെത്തി. എന്നാൽ അഭിനവ് ആരാണെന്നുപോലും നേഹയ്ക്ക് അറിയില്ലായിരുന്നുവെന്നാണ് വിവരം.

സംഭവത്തിൽ മനഃപൂർവമല്ലാത്ത നരഹത്യയ്ക്ക് പൊലീസ് കേസെടുത്തു. നേഹയുടെ പിതാവ് വീരേന്ദർ ബിഷ്ടിനെയും അയൽവാസിയെയുമാണ് അറസ്റ്റ് ചെയ്തത്. സംഭവസ്ഥലത്തെ സിസിടിവി ദൃശ്യങ്ങൾ പരിശോധിച്ചുവരികയാണെന്നും മർദനത്തിൽ പങ്കെടുത്ത മറ്റുള്ളവരെ തിരിച്ചറിയാനുള്ള അന്വേഷണം തുടരുകയാണെന്നും പൊലീസ് അറിയിച്ചു. സംഭവവുമായി ബന്ധപ്പെട്ട മറ്റ് വശങ്ങളും പരിശോധിച്ചുവരികയാണെന്ന് അന്വേഷണ ഉദ്യോഗസ്ഥർ വ്യക്തമാക്കി.

BREAKING NEWS
’ഇന്ത്യയുടെ 36 റഫാൽ വിമാനങ്ങളിൽ നാലെണ്ണം കാണാനില്ല’, ബ്രിട്ടനിലെ ഫ്ളൈറ്റ് ഗ്ലോബൽ റിപ്പോർട്ട്; കണക്കുകൾ തള്ളി വ്യോമസേനാ മുൻ ഉപമേധാവി;’പാകിസ്താൻ പ്രചാരണത്തിന്റെ ആവർത്തനം’
20 Nov 2026
BREAKING NEWS
’മുസ്ലിം ലീഗ് പ്രവർത്തകരായ ചില സാക്ഷികൾ വ്യാജമൊഴി നൽകാൻ തയ്യാറാകാതിരുന്നത് അവർ യഥാർത്ഥ സത്യവിശ്വാസികൾ ആയതുകൊണ്ടാണ്; ഒരു യഥാർത്ഥ വിശ്വാസിക്ക് മനഃസാക്ഷിക്ക് വിരുദ്ധമായി കള്ളസാക്ഷി പറയാൻ കഴിയില്ല; അതിനാലാണ് പ്രോസിക്യൂഷന്റെ പല നീക്കങ്ങളും പാളിപ്പോയത്’- പി.ജയരാജൻ
20 Nov 2026
BREAKING NEWS
വ്യാജപ്രചാരണക്കാരോട് ഒന്ന് മാത്രമേ പറയുന്നുള്ളൂ, GO TO YOUR CLASSES... മഹാരാജാസിലും കല്യാശ്ശേരിയിലും പയ്യന്നൂരിലും പോകാൻ തോന്നാത്ത പേടി എന്റെ സ്വന്തം മണ്ഡലമായ അങ്കമാലിയിൽ കഴിഞ്ഞ 7 കൊല്ലമായി KSU ഒറ്റക്ക് ഭരിക്കുന്ന കാലടി ശ്രീ ശങ്കര കോളേജിൽ പോകാൻ ഉണ്ടാകുമെന്ന് പറയാനും മാത്രം രാഷ്ട്രീയ ബോധമില്ലാത്ത...
20 Nov 2026
BREAKING NEWS
ബാർബിക്യൂ ഗ്രില്ലിന് സമീപം ദമ്പതികൾ ഇരിക്കുന്നതിനിടെ എതിർവശത്തിരുന്ന ഒരാൾ കാനിൽനിന്ന് എണ്ണ തീയിലേക്ക് പകർന്നു, ഞൊടിയിടയിൽ തീ സമീപത്തിരുന്ന യുവതിയുടെ ദേഹത്തേക്ക് ആളി പടർന്നു... ഹണിമൂൺ യാത്രയ്ക്കിടെ തീപ്പൊള്ളലേറ്റ നവവധുവിന് ദാരുണാന്ത്യം
20 Nov 2026