BREAKING NEWS

വ്യാജപ്രചാരണക്കാരോട് ഒന്ന് മാത്രമേ പറയുന്നുള്ളൂ, GO TO YOUR CLASSES… മഹാരാജാസിലും കല്യാശ്ശേരിയിലും പയ്യന്നൂരിലും പോകാൻ തോന്നാത്ത പേടി എന്റെ സ്വന്തം മണ്ഡലമായ അങ്കമാലിയിൽ കഴിഞ്ഞ 7 കൊല്ലമായി KSU ഒറ്റക്ക് ഭരിക്കുന്ന കാലടി ശ്രീ ശങ്കര കോളേജിൽ പോകാൻ ഉണ്ടാകുമെന്ന് പറയാനും മാത്രം രാഷ്ട്രീയ ബോധമില്ലാത്തവരായി മാറരുത്… റോജി എം ജോൺ

· · 1 min read
Share: Copied!

കൊച്ചി: എസ്എഫ്‌ഐ പ്രതിഷേധം ഭയന്ന് കാലടി ശ്രീശങ്കരാചാര്യ കോളേജിലെ പരിപാടിയിൽ നിന്ന് പിന്മാറിയെന്ന പ്രചാരണങ്ങൾക്കെതിരേ ഉന്നത വിദ്യാഭ്യാസ മന്ത്രി റോജി എം ജോൺ. മഹാരാജാസ് കോളേജിൽ എസ്എഫ്ഐ പ്രതിഷേധിച്ചപ്പോഴും 20 മിനിറ്റോളം അവിടെ നിന്ന് പറയാനുള്ളത് പറഞ്ഞിട്ട് തന്നെയാണ് മടങ്ങിയത്. മാടായി കോളേജിലും പയ്യന്നൂർ കോളേജിലുമടക്കം നിരവധി കോളേജുകളിൽ പരിപാടികളിൽ പങ്കെടുത്തിട്ടുണ്ട്. പലയിടത്തും പ്രതിഷേധങ്ങളും ഉണ്ടായിട്ടുണ്ട്. തനിക്കു പ്രതിഷേധക്കാരോട് അസഹിഷ്ണുതയില്ലെന്നും മന്ത്രി പറയുന്നു. മഹാരാജാസിലും കല്യാശ്ശേരിയിലും പയ്യന്നൂരിലും പോകാൻ തോന്നാത്ത പേടി എന്റെ സ്വന്തം മണ്ഡലമായ അങ്കമാലിയിൽ കഴിഞ്ഞ 7 കൊല്ലമായി കെ.എസ്.യു ഒറ്റക്ക് ഭരിക്കുന്ന കാലടി ശ്രീ ശങ്കര കോളേജിൽ പോകാൻ ഉണ്ടാകുമെന്ന് പറയാനും മാത്രം രാഷ്ട്രീയ ബോധമില്ലാത്തവരായി മാറരുത് എന്ന് അദ്ദേഹം ഫേസ്ബുക്കിൽ കുറിച്ചു.

അതേസമയം പ്രതിഷേധം ഭയന്ന് കാലടി മറ്റൂർ ശ്രീ ശങ്കരാചാര്യ ആർട്‌സ് കോളേജിലെ യൂണിയൻ ഉദ്ഘാടനത്തിൽ നിന്ന് മന്ത്രി റോജി എം ജോൺ പിൻവാങ്ങിയെന്നായിരുന്നു എസ്.എഫ്.ഐ പ്രതികരിച്ചത്. ചോദ്യങ്ങളെ പേടിക്കുന്ന മന്ത്രി പിൻവാങ്ങിയെന്നാണ് എസ്എഫ്ഐ അറിയിച്ചത്. യൂണിയൻ ഉദ്ഘാടനത്തിൽ മുഖ്യ അതിഥിയായിരുന്നു മന്ത്രി റോജി എം ജോൺ. കാലടി സർവകലാശാല വിദ്യാർത്ഥികളുടെ സസ്‌പെൻഷൻ വിഷയം ഉന്നയിച്ച് മന്ത്രിക്കെതിരെ SFI പ്രതിഷേധം ആസൂത്രണം ചെയ്തിരുന്നു. ബാനറും ഫ്‌ലക്‌സും പ്ലക്കാർഡുകളും ഉയർത്തി പ്രതിഷേധിക്കാനായിരുന്നു തീരുമാനിച്ചിരുന്നത്. എന്നാൽ ഇതിനിടെ പരിപാടിയിൽ പങ്കെടുക്കുന്നില്ലെന്ന് മന്ത്രി ഓഫീസ് അറിയിക്കുകയായിരുന്നു.

ഫേസ്ബുക്ക് കുറിപ്പിന്റെ പൂർണരൂപം

SFIയുടെ പ്രതിഷേധം ഭയന്ന് കാലടി ശ്രീശങ്കര കോളേജിലെ പരിപാടിയിൽ നിന്ന് ഞാൻ പിന്മാറിയെന്ന പ്രചാരണം കേൾക്കുമ്പോൾ ചിരിക്കാതിരിക്കാനാവില്ല. മഹാരാജാസ് കോളേജിൽ SFI പ്രതിഷേധിച്ചപ്പോഴും 20 മിനിറ്റോളം അവിടെ നിന്ന് പറയാനുള്ളത് പറഞ്ഞിട്ട് തന്നെയാണ് മടങ്ങിയത്. അതിനുശേഷം കല്യാശ്ശേരിയിലെ മാടായി കോളേജിലും പയ്യന്നൂർ കോളേജിലുമടക്കം കേരളത്തിലങ്ങോളമിങ്ങോളം അനവധി കോളേജുകളിൽ നിരവധി പരിപാടികൾ പങ്കെടുത്തിട്ടുണ്ട്. പലേടത്തും പ്രതിഷേധങ്ങളും ഉണ്ടായി. പ്രതിഷേധക്കാരോട് അസഹിഷ്ണുതയില്ല. ‘It is well taken’ എന്ന മറുപടിയാണ് നൽകിയത്.

മഹാരാജാസിലും കല്യാശ്ശേരിയിലും പയ്യന്നൂരിലും പോകാൻ തോന്നാത്ത പേടി എന്റെ സ്വന്തം മണ്ഡലമായ അങ്കമാലിയിൽ കഴിഞ്ഞ 7 കൊല്ലമായി KSU ഒറ്റക്ക് ഭരിക്കുന്ന കാലടി ശ്രീ ശങ്കര കോളേജിൽ പോകാൻ ഉണ്ടാകുമെന്ന് പറയാനും മാത്രം രാഷ്ട്രീയ ബോധമില്ലാത്തവരായി മാറരുത്. അതുകൊണ്ട് വ്യാജപ്രചാരണക്കാരോട് ഒന്ന് മാത്രമേ പറയുന്നുള്ളൂ. GO TO YOUR CLASSES ..

 

BREAKING NEWS
’ഇന്ത്യയുടെ 36 റഫാൽ വിമാനങ്ങളിൽ നാലെണ്ണം കാണാനില്ല’, ബ്രിട്ടനിലെ ഫ്ളൈറ്റ് ഗ്ലോബൽ റിപ്പോർട്ട്; കണക്കുകൾ തള്ളി വ്യോമസേനാ മുൻ ഉപമേധാവി;’പാകിസ്താൻ പ്രചാരണത്തിന്റെ ആവർത്തനം’
20 Nov 2026
BREAKING NEWS
’മുസ്ലിം ലീഗ് പ്രവർത്തകരായ ചില സാക്ഷികൾ വ്യാജമൊഴി നൽകാൻ തയ്യാറാകാതിരുന്നത് അവർ യഥാർത്ഥ സത്യവിശ്വാസികൾ ആയതുകൊണ്ടാണ്; ഒരു യഥാർത്ഥ വിശ്വാസിക്ക് മനഃസാക്ഷിക്ക് വിരുദ്ധമായി കള്ളസാക്ഷി പറയാൻ കഴിയില്ല; അതിനാലാണ് പ്രോസിക്യൂഷന്റെ പല നീക്കങ്ങളും പാളിപ്പോയത്’- പി.ജയരാജൻ
20 Nov 2026
BREAKING NEWS
വനിതാ ഇൻഫ്ലുവൻസർ തന്റെ വിവാഹനിശ്ചയത്തിന്റെ ദൃശ്യങ്ങൾ ഇൻസ്റ്റഗ്രാമിലും യൂട്യൂബിലും പങ്കുവച്ചു, വിവാഹ വാർത്തയറിഞ്ഞ് ആരാധകൻ അസ്വസ്തനായി, തന്നെ വിവാഹം കഴിക്കണമെന്ന ആവശ്യപ്പെട്ട് വീട്ടിൽ അതിക്രമിച്ച് കയറിയ യുവാവിനെ മർദിച്ചുകൊന്നു, പിതാവടക്കം രണ്ട് പേർ അറസ്റ്റിൽ, യുവാവ് മുൻപും ഇൻഫ്ലുവൻസറുടെ വീട്ടിൽ വന്...
20 Nov 2026
BREAKING NEWS
ബാർബിക്യൂ ഗ്രില്ലിന് സമീപം ദമ്പതികൾ ഇരിക്കുന്നതിനിടെ എതിർവശത്തിരുന്ന ഒരാൾ കാനിൽനിന്ന് എണ്ണ തീയിലേക്ക് പകർന്നു, ഞൊടിയിടയിൽ തീ സമീപത്തിരുന്ന യുവതിയുടെ ദേഹത്തേക്ക് ആളി പടർന്നു... ഹണിമൂൺ യാത്രയ്ക്കിടെ തീപ്പൊള്ളലേറ്റ നവവധുവിന് ദാരുണാന്ത്യം
20 Nov 2026