BREAKING NEWS

ബാർബിക്യൂ ഗ്രില്ലിന് സമീപം ദമ്പതികൾ ഇരിക്കുന്നതിനിടെ എതിർവശത്തിരുന്ന ഒരാൾ കാനിൽനിന്ന് എണ്ണ തീയിലേക്ക് പകർന്നു, ഞൊടിയിടയിൽ തീ സമീപത്തിരുന്ന യുവതിയുടെ ദേഹത്തേക്ക് ആളി പടർന്നു… ഹണിമൂൺ യാത്രയ്ക്കിടെ തീപ്പൊള്ളലേറ്റ നവവധുവിന് ദാരുണാന്ത്യം

· · 1 min read
Share: Copied!

പശ്ചിമ ബംഗാൾ: ഡാർജിലിങ്ങിൽ ഹണിമൂൺ ആഘോഷത്തിനിടെ ബാർബിക്യൂ ചെയ്യുന്നതിനിടെ തീപിടിച്ച് ഗുരുതരമായി പൊള്ളലേറ്റ നവവധു ചികിത്സയിലിരിക്കെ മരിച്ചു. നികിത സാഹയാണ് അപകടം നടന്ന് ഏകദേശം രണ്ട് മാസത്തിന് ശേഷം വ്യാഴാഴ്ച മരണത്തിന് കീഴടങ്ങിയത്.

സെപ്റ്റംബർ 13നായിരുന്നു സംഭവം. ഭർത്താവ് സമീർ ദാസിനൊപ്പം ഡാർജിലിങ്ങിലെ സ്വകാര്യ ഹോംസ്റ്റേയിൽ താമസിക്കുകയായിരുന്നു നികിത. ഹണിമൂണിന്റെ ഭാഗമായി ഇരുവരും ബാർബിക്യൂ ചെയ്യുന്നതിനിടെ നികിതയുടെ വസ്ത്രങ്ങളിൽ പെട്ടെന്ന് തീപിടിക്കുകയായിരുന്നു. ഗുരുതരമായി പൊള്ളലേറ്റ ഇവരെ ഉടൻതന്നെ സമീപത്തെ ആശുപത്രിയിൽ പ്രവേശിപ്പിച്ചു. പിന്നീട് വിദഗ്ധ ചികിത്സയ്ക്കായി കൊൽക്കത്തയിലെ ആശുപത്രിയിലേക്ക് മാറ്റി. അതീവ ഗുരുതരാവസ്ഥയിൽ ചികിത്സയിലായിരുന്ന നികിതയുടെ ആരോഗ്യനില കഴിഞ്ഞ ഏതാനും ദിവസങ്ങളായി കൂടുതൽ വഷളാവുകയായിരുന്നു.

അപകടത്തിന്റെ സിസിടിവി ദൃശ്യങ്ങൾ പുറത്തുവന്നതോടെയാണ് സംഭവത്തിന്റെ ഭീകരത വ്യക്തമായത്. ബാർബിക്യൂ ഗ്രില്ലിന് സമീപം ദമ്പതികൾ ഇരിക്കുന്നതിനിടെ എതിർവശത്തിരുന്ന ഒരാൾ എഴുന്നേറ്റ് കാനിൽനിന്ന് ദ്രാവകം തീയിലേക്ക് ഒഴിക്കുന്നതായി ദൃശ്യങ്ങളിൽ കാണാം. പിന്നാലെ തീ പെട്ടെന്ന് ആളിപ്പടർന്ന് വലിയ തീഗോളമായി മാറുകയും സമീപത്തിരുന്ന നികിതയുടെ ദേഹത്തേക്ക് പടരുകയുമായിരുന്നു. നിമിഷങ്ങൾക്കകം തീയിൽ പൊതിഞ്ഞ നികിത നിലത്തേക്ക് വീണു. ഭർത്താവ് സമീർ ഉടൻതന്നെ ഓടിയെത്തി തീ അണച്ച് ഭാര്യയെ രക്ഷിക്കാൻ ശ്രമിച്ചു. തീയിലേക്ക് ദ്രാവകം ഒഴിച്ചയാളും തന്റെ ടീ ഷർട്ട് ഊരിയെടുത്ത് തീ അണയ്ക്കാൻ ശ്രമിക്കുന്നതായി ദൃശ്യങ്ങളിലുണ്ട്. ഹോംസ്റ്റേ ജീവനക്കാരും മറ്റുള്ളവരും ഓടിയെത്തി തീ അണയ്ക്കാൻ ശ്രമിക്കുകയായിരുന്നു. തുടർന്ന് നികിതയെ ആശുപത്രിയിലെത്തിക്കാനുള്ള ക്രമീകരണങ്ങൾ നടത്തി.

അപകടത്തിന് പിന്നാലെ ഹോംസ്റ്റേ അധികൃതർക്കെതിരെ ഗുരുതരമായ ആരോപണങ്ങളുമായി സമീർ രംഗത്തെത്തിയിരുന്നു. ബാർബിക്യൂ ഗ്രില്ലിന് സമീപം എണ്ണയുടെ ഡ്രം സൂക്ഷിച്ചിരുന്നതായും ജീവനക്കാർ തീയിലേക്ക് കത്തുന്ന സ്വഭാവമുള്ള ദ്രാവകം ഒഴിച്ചതാണ് തീ ആളിപ്പടരാൻ കാരണമായതെന്നുമായിരുന്നു സമീറിന്റെ ആരോപണം. എന്നാൽ ആരോപണങ്ങൾ ഹോംസ്റ്റേ ഉടമ നിഷേധിച്ചു. റിസോർട്ട് ജീവനക്കാരനല്ലാത്ത തിരിച്ചറിയാത്ത ഒരാളാണ് തീയിലേക്ക് ദ്രാവകം ഒഴിച്ചതെന്നായിരുന്നു ഉടമയുടെ വിശദീകരണം.

BREAKING NEWS
’ഇന്ത്യയുടെ 36 റഫാൽ വിമാനങ്ങളിൽ നാലെണ്ണം കാണാനില്ല’, ബ്രിട്ടനിലെ ഫ്ളൈറ്റ് ഗ്ലോബൽ റിപ്പോർട്ട്; കണക്കുകൾ തള്ളി വ്യോമസേനാ മുൻ ഉപമേധാവി;’പാകിസ്താൻ പ്രചാരണത്തിന്റെ ആവർത്തനം’
20 Nov 2026
BREAKING NEWS
’മുസ്ലിം ലീഗ് പ്രവർത്തകരായ ചില സാക്ഷികൾ വ്യാജമൊഴി നൽകാൻ തയ്യാറാകാതിരുന്നത് അവർ യഥാർത്ഥ സത്യവിശ്വാസികൾ ആയതുകൊണ്ടാണ്; ഒരു യഥാർത്ഥ വിശ്വാസിക്ക് മനഃസാക്ഷിക്ക് വിരുദ്ധമായി കള്ളസാക്ഷി പറയാൻ കഴിയില്ല; അതിനാലാണ് പ്രോസിക്യൂഷന്റെ പല നീക്കങ്ങളും പാളിപ്പോയത്’- പി.ജയരാജൻ
20 Nov 2026
BREAKING NEWS
വനിതാ ഇൻഫ്ലുവൻസർ തന്റെ വിവാഹനിശ്ചയത്തിന്റെ ദൃശ്യങ്ങൾ ഇൻസ്റ്റഗ്രാമിലും യൂട്യൂബിലും പങ്കുവച്ചു, വിവാഹ വാർത്തയറിഞ്ഞ് ആരാധകൻ അസ്വസ്തനായി, തന്നെ വിവാഹം കഴിക്കണമെന്ന ആവശ്യപ്പെട്ട് വീട്ടിൽ അതിക്രമിച്ച് കയറിയ യുവാവിനെ മർദിച്ചുകൊന്നു, പിതാവടക്കം രണ്ട് പേർ അറസ്റ്റിൽ, യുവാവ് മുൻപും ഇൻഫ്ലുവൻസറുടെ വീട്ടിൽ വന്...
20 Nov 2026
BREAKING NEWS
വ്യാജപ്രചാരണക്കാരോട് ഒന്ന് മാത്രമേ പറയുന്നുള്ളൂ, GO TO YOUR CLASSES... മഹാരാജാസിലും കല്യാശ്ശേരിയിലും പയ്യന്നൂരിലും പോകാൻ തോന്നാത്ത പേടി എന്റെ സ്വന്തം മണ്ഡലമായ അങ്കമാലിയിൽ കഴിഞ്ഞ 7 കൊല്ലമായി KSU ഒറ്റക്ക് ഭരിക്കുന്ന കാലടി ശ്രീ ശങ്കര കോളേജിൽ പോകാൻ ഉണ്ടാകുമെന്ന് പറയാനും മാത്രം രാഷ്ട്രീയ ബോധമില്ലാത്ത...
20 Nov 2026