BREAKING NEWS

“വീട്ടിൽ കയറി പണി തരും… ഇന്നത്തേത് ഫസ്റ്റ് ഡോസ് മാത്രമായി ഫ്രാൻസിസ് സാർ കാണണം, ഇനി വന്നാൽ നീ കുടുംബക്കല്ലറയിൽ ആയിരിക്കും”, എംവിഐ ഭീഷണിപ്പെടുത്തി സിഐടിയു പ്രവര്‍ത്തകര്‍

· · 1 min read
Share: Copied!

ഇടുക്കി: വിനോദസഞ്ചാരികളുമായി മരണപ്പാച്ചിൽ നടത്തിയ ജീപ്പുകൾ പരിശോധിച്ചതിനു മോട്ടർ വെഹിക്കിൾ ഇൻസ്പെക്ടർക്ക് സിഐടിയു പ്രവർത്തകരുടെ വധഭീഷണി. വണ്ടിപ്പെരിയാർ സബ് റീജനൽ ട്രാൻസ്പോർട്ട് ഓഫിസിലെ ഉദ്യോഗസ്ഥനായ എസ്.ഫ്രാൻസിസിനു നേരെയാണു പരസ്യമായും സമൂഹമാധ്യമങ്ങളിലൂടെയും ഭീഷണി ഉയർത്തിയിരിക്കുന്നത്.

സംഭവത്തിൽ മോട്ടർ വെഹിക്കിൾ (എംവിഐ) ഇൻസ്പെക്ടർ വണ്ടിപ്പെരിയാർ പൊലീസിൽ പരാതി നൽകി. വിനോദസഞ്ചാരികളുമായി സവാരി പോകുന്ന ഡ്രൈവർമാർക്ക് പൊലീസ് ക്ലിയറൻസ് സർട്ടിഫിക്കറ്റ് വേണമെന്ന നിർദേശം ഇദ്ദേഹം കലക്ടർക്കു മുന്നിൽ അവതരിപ്പിച്ചതും ചില ഡ്രൈവർമാരുടെ വിരോധത്തിനു കാരണമായെന്നാണു സൂചന. ഈ മാസം 11നു നടത്തിയ വാഹന പരിശോധനയുടെ പേരിലാണ് സിഐടിയു നേതാക്കൾ പരസ്യഭീഷണിയുമായി രംഗത്തു വന്നത്.

ശബരിമല സീസണിലെ ഒരുക്കങ്ങളുടെ പേരിൽ തിരക്കിലായിരുന്നതിനാൽ ഇന്നലെയാണ് എംവിഐ പൊലീസിൽ തെളിവുകൾ സഹിതം പരാതി നൽകിയത്. കുമളി- സത്രം റൂട്ടിൽ വാഹനങ്ങൾ പരിശോധിച്ചപ്പോൾ നിയമാനുസൃതമല്ലാതെ മോഡിഫൈ ചെയ്ത ചില വാഹനങ്ങളും പിടികൂടി. മോഡിഫിക്കേഷൻ നീക്കി വാഹനങ്ങൾ ഹാജരാക്കാൻ ബന്ധപ്പെട്ടവർക്കു നിർദേശം നൽകി. വാഹനപരിശോധന തുടരുന്നതിനിടെ സിഐടിയു നേതാക്കൾ ഉൾപ്പെടെയുള്ള സംഘം പരിശോധന തടസ്സപ്പെടുത്തുകയും വീട്ടിൽ കയറി പണി തരുമെന്നു ഭീഷണിപ്പെടുത്തുകയും ചെയ്തതായി പരാതിയിൽ പറയുന്നു.

സിഐടിയു നടത്തിയ പ്രകടനത്തിന്റെ ചിത്രത്തിനൊപ്പം ‘ഇന്നത്തേത് ഫസ്റ്റ് ഡോസ് മാത്രമായി ഫ്രാൻസിസ് സാർ കാണണം…. വടി വെട്ടാം…’ എന്നാണു പി.എസ്.ബിവിൻ എന്നയാൾ സമൂഹമാധ്യമത്തിൽ കുറിച്ചത്. ഇതിനു കീഴിൽ ‘ഇനി വന്നാൽ നീ കുടുംബക്കല്ലറയിൽ ആയിരിക്കും’ എന്നതുൾപ്പെടെ പ്രകോപനപരമായ കമന്റുകളും ചിലർ പോസ്റ്റ് ചെയ്തിട്ടുണ്ട്. കേസിൽ എഫ്ഐആർ റജിസ്റ്റർ ചെയ്തു.

BREAKING NEWS
മൂന്നുപേരില്‍ നിന്നായി 19.5 ലക്ഷം രൂപയാണ് ജയറാം തട്ടി, ഷോപ്പിലെത്തിയ പരാതിക്കാരെ കയ്യേറ്റം ചെയ്തു, കൂടാതെ അസഭ്യ വര്‍ഷവും, ചാല സ്വര്‍ണക്കവര്‍ച്ചയുടെ മുഖ്യ സൂത്രധാരന്‍ ജയറാമിനെതിരെ കൂടുതല്‍ ആരോപണങ്ങള്‍
17 Nov 2026
BREAKING NEWS
മരിച്ച സഹോദരൻ വായ്പയെടുത്ത അഞ്ചുലക്ഷം രൂപ, പ്രായമായ സഹോദരിമാർക്ക് നഷ്ടമായത് കിടപ്പാടം; ജപ്തി നടപടിയിൽ തെരുവിലായി; കടബാധ്യതയുടെ കാര്യം അറിയുന്നത് ജപ്തിക്കെത്തിയപ്പോൾ നീതിതേടി സുപ്രീം കോടതിയിലേക്ക്
17 Nov 2026
BREAKING NEWS
'നിങ്ങൾക്കും പ്രണയിക്കണമെങ്കിൽ ആ റെസ്റ്ററന്റിൽ പോകാം, പക്ഷേ അവിടുത്തെ ചിക്കൻ ചോസർ കഴിക്കരുത്'; രാജീവും സോണിയയും കണ്ടുമുട്ടിയ റെസ്റ്ററന്റിൽ പെൺസുഹൃത്തിനൊപ്പം പോയ രസകരമായ അനുഭവം പങ്കുവച്ച് രാഹുൽ​ഗാന്ധി
17 Nov 2026
BREAKING NEWS
മാതാപിതാക്കൾ തമ്മിലുള്ള വഴക്ക് തടയാൻ ശ്രമിച്ചു, ഭാര്യയെ വീട്ടിൽ നിന്ന് ഇറക്കിവിട്ട ശേഷം മകനെ റൂമിനുള്ളിൽ പൂട്ടിയിട്ടു, പിന്നാലെ 16കാരൻ മകനെ കമ്പിപ്പാര കൊണ്ട് അടിച്ചുകൊന്ന് പിതാവ്
17 Nov 2026