BREAKING NEWS

മരിച്ച സഹോദരൻ വായ്പയെടുത്ത അഞ്ചുലക്ഷം രൂപ, പ്രായമായ സഹോദരിമാർക്ക് നഷ്ടമായത് കിടപ്പാടം; ജപ്തി നടപടിയിൽ തെരുവിലായി; കടബാധ്യതയുടെ കാര്യം അറിയുന്നത് ജപ്തിക്കെത്തിയപ്പോൾ നീതിതേടി സുപ്രീം കോടതിയിലേക്ക്

· · 1 min read
Share: Copied!

കോഴിക്കോട്: മരിച്ചുപോയ സഹോദരൻ വാങ്ങിയ അഞ്ചുലക്ഷം രൂപയുടെ കടബാധ്യതയിൽ വീട് ജപ്തി ചെയ്തതോടെ തെരുവിലായി രണ്ട് സഹോദരിമാർ. കോഴിക്കോട് കുറ്റിക്കാട്ടൂർ സ്വദേശികളായ പ്രേമയെയും അമൃതവല്ലിയെയുമാണ് തിങ്കളാഴ്ച ഉദ്യോഗസ്ഥരെത്തി വീട്ടിൽനിന്ന് ഇറക്കിയത്. സഹോദരനായ അന്തരിച്ച രാജഗോപാൽ നായർ ഫറോക്ക് സ്വദേശിയായ സ്വകാര്യ വ്യക്തിയിൽനിന്ന് അഞ്ചുലക്ഷം രൂപ വായ്പ വാങ്ങിയിരുന്നു. ഇക്കാര്യം അറിയുന്നത് ജപ്തി നടപടികൾക്കായി ഉദ്യോഗസ്ഥർ വീട്ടിലെത്തിയപ്പോഴാണെന്ന് സഹോദരിമാർ പറയുന്നു. വീടു നഷ്ടമായതോടെ ഇനി എന്തുചെയ്യണമെന്നറിയാതെ കഴിയുകയാണ് ഇരുവരും.

തിങ്കളാഴ്ച ഉച്ചയ്ക്ക് 12.30-ഓടെയാണ് ജപ്തി നടപടികൾക്കായി ഉദ്യോഗസ്ഥസംഘം വീട്ടിലെത്തിയത്. ഒരു കാരണവശാലും വീട്ടിൽനിന്ന് ഇറങ്ങില്ലെന്ന നിലപാടിലായിരുന്നു സഹോദരിമാർ. എന്നാൽ കോടതി ഉത്തരവ് നടപ്പാക്കാതിരിക്കാൻ കഴിയില്ലെന്ന് ഉദ്യോഗസ്ഥർ അറിയിച്ചു. തുടർന്ന് ഇരുവരുടെയും എതിർപ്പ് മറികടന്ന് വീട്ടിൽനിന്ന് പുറത്താക്കി ജപ്തി നടപടികൾ പൂർത്തിയാക്കുകയായിരുന്നു. അതേസമയം, പോലീസിന്റെ ഭാഗത്തുനിന്ന് മോശം പെരുമാറ്റമൊന്നും ഉണ്ടായില്ലെന്നും സഹോദരിമാർ പറഞ്ഞു.

രാജഗോപാൽ നായർ എന്തിനാണ് അഞ്ചുലക്ഷം രൂപ വായ്പ വാങ്ങിയതെന്ന് ഇപ്പോഴും ഇവർക്ക് അറിയില്ല. സ്വന്തം ആവശ്യത്തിനാണോ അതോ മറ്റാർക്കെങ്കിലും വേണ്ടിയാണോ പണം വാങ്ങിയതെന്ന കാര്യത്തിലും വ്യക്തതയില്ല. ജപ്തിക്കായി ഉദ്യോഗസ്ഥരെത്തിയപ്പോഴാണ് വായ്പയെക്കുറിച്ച് അറിയുന്നത്. പിന്നീട് കോടതിയിൽനിന്ന് രേഖകൾ ശേഖരിക്കുന്നതിന് കാലതാമസമുണ്ടായതിനാൽ സംഭവത്തിന്റെ വിശദാംശങ്ങൾ കൃത്യമായി മനസ്സിലാക്കാനും കഴിഞ്ഞില്ലെന്നാണ് ഇവരുടെ വിശദീകരണം. അമ്മ നൽകിയ വീട് നഷ്ടപ്പെട്ടാൽ പിന്നെ ജീവിച്ചിരുന്നിട്ട് കാര്യമില്ലെന്ന വേദനയിലാണ് വയോധികരായ സഹോദരിമാർ.

പ്രായാധിക്യവും ആശ്രയിക്കാൻ മറ്റാരുമില്ലാത്ത സാഹചര്യവും പരിഗണിച്ച് സഹോദരിമാരോട് കരുണ കാണിക്കണമെന്നാണ് നാട്ടുകാരുടെ ആവശ്യം. തങ്ങൾക്കുണ്ടായ ദുരനുഭവം മറ്റാർക്കും ഉണ്ടാകരുതെന്നും വിഷയത്തിൽ സർക്കാർ ഇടപെടണമെന്നും പ്രേമയും അമൃതവല്ലിയും ആവശ്യപ്പെടുന്നു. നീതി തേടി സുപ്രീം കോടതിയെ സമീപിക്കാനാണ് ഇരുവരുടെയും തീരുമാനം. അനുകൂലമായ തീരുമാനം ഉണ്ടാകുന്നതുവരെ സ്വന്തം വീട്ടിൽനിന്ന് ഇറങ്ങില്ലെന്ന ഉറച്ച നിലപാടിലാണ് സഹോദരിമാർ.

BREAKING NEWS
'നിങ്ങൾക്കും പ്രണയിക്കണമെങ്കിൽ ആ റെസ്റ്ററന്റിൽ പോകാം, പക്ഷേ അവിടുത്തെ ചിക്കൻ ചോസർ കഴിക്കരുത്'; രാജീവും സോണിയയും കണ്ടുമുട്ടിയ റെസ്റ്ററന്റിൽ പെൺസുഹൃത്തിനൊപ്പം പോയ രസകരമായ അനുഭവം പങ്കുവച്ച് രാഹുൽ​ഗാന്ധി
17 Nov 2026
BREAKING NEWS
മാതാപിതാക്കൾ തമ്മിലുള്ള വഴക്ക് തടയാൻ ശ്രമിച്ചു, ഭാര്യയെ വീട്ടിൽ നിന്ന് ഇറക്കിവിട്ട ശേഷം മകനെ റൂമിനുള്ളിൽ പൂട്ടിയിട്ടു, പിന്നാലെ 16കാരൻ മകനെ കമ്പിപ്പാര കൊണ്ട് അടിച്ചുകൊന്ന് പിതാവ്
17 Nov 2026
BREAKING NEWS
‘വർഷങ്ങളായി വേട്ടയാടപ്പെടുന്നു, ഒടുവിൽ ഞാൻ പറയാൻ തീരുമാനിച്ചു’; . 'ബിലോങ്ങിങ്: എ ജേണി ഓഫ് ലവ്' എഴുതാനുള്ള കാരണം വെളിപ്പെടുത്തി സോണിയ ഗാന്ധി; ‘രാജീവിന്റെ മരണം തകർത്തുകളഞ്ഞു, പിന്നെ രാഹുലും പ്രിയങ്കയും എന്റെ രക്ഷിതാക്കളായി‘
17 Nov 2026
BREAKING NEWS
ഛഠ് പൂജയ്ക്കായി തയ്യാറാക്കിയ പ്രസാദം അമ്മ മാറിയ തക്കത്തിന് നാലുവയസുകാരി എടുത്തു കഴിച്ചു; കലികയറിയ അമ്മ മകളെ ക്രൂരമായി മർദിച്ചു, പിന്നാലെ കുട്ടിക്ക് ദാരുണാന്ത്യം
17 Nov 2026