BREAKING NEWS

‘ഒരു ബുള്ളറ്റ് പ്രൂഫ് കവചവും രക്ഷിക്കില്ല, വെടിവെച്ചുകൊല്ലും; അതിനായി മുംബൈയിൽ 200 പേർ തയ്യാറായി നില്ക്കുന്നു’; അമിതാഭ് ബച്ചനും അഭിഷേകിനും വധഭീഷണിയുമായി ഗുണ്ടാത്തലവൻ ഗോൾഡി ധില്ലൻ

· · 1 min read
Share: Copied!

മുംബൈ: ബോളിവുഡ് താരങ്ങളായ അമിതാഭ് ബച്ചനും മകൻ അഭിഷേക് ബച്ചനും വധഭീഷണിയുമായി അധോലോക കുറ്റവാളി ഗോൾഡി ധില്ലൻ. ഇരുവരെയും വെടിവെച്ച് കൊല്ലുമെന്ന ഭീഷണിയാണ് ലോറൻസ് ബിഷ്ണോയ് സംഘവുമായി ബന്ധമുള്ള ഗോൾഡി ധില്ലൻ സമൂഹമാധ്യമത്തിലൂടെ മുഴക്കിയത്. മുംബൈയിൽ തന്റെ 200 ഓളം അനുയായികൾ സജ്ജരാണെന്നും ഡൽഹി പൊലീസ് പിടികൂടിയ രണ്ട് സംഘാംഗങ്ങളുടെ അറസ്റ്റുകൊണ്ട് ആക്രമണപദ്ധതി അവസാനിക്കില്ലെന്നും ഇയാൾ അവകാശപ്പെട്ടു.

അമിതാഭ് ബച്ചനെയും അഭിഷേക് ബച്ചനെയും പേരെടുത്താണ് ഭീഷണി സന്ദേശം. എത്ര സുരക്ഷയൊരുക്കിയാലും ബുള്ളറ്റ് പ്രൂഫ് കവചത്തിനുള്ളിൽവെച്ചുപോലും ഇരുവരെയും വെടിവെക്കുമെന്നാണ് സന്ദേശത്തിലുള്ളത്. സിഖ് സമൂഹത്തിനെതിരേ സംസാരിക്കുന്നവരെ വെറുതെ വിടില്ലെന്നും 1984-ലെ സിഖ് വിരുദ്ധ കലാപത്തിന് ഉത്തരവാദികളായവരോട് ഒരിക്കലും ക്ഷമിക്കില്ലെന്നും ഇയാൾ മുന്നറിയിപ്പ് നൽകിയിട്ടുണ്ട്. എന്നാൽ സമൂഹമാധ്യമത്തിലെ സന്ദേശത്തിന്റെ ആധികാരികതയും അതിലെ അവകാശവാദങ്ങളും സ്വതന്ത്രമായി സ്ഥിരീകരിച്ചിട്ടില്ല.

ലോറൻസ് ബിഷ്ണോയ് സംഘവുമായി ബന്ധമുള്ള വിക്കാസ് താക്കൂർ, ദീപക് സിങ് എന്നിവരെ ഡൽഹി പൊലീസിന്റെ സ്പെഷ്യൽ സെൽ കഴിഞ്ഞ ദിവസമാണ് പിടികൂടിയത്. അമിതാഭ് ബച്ചന്റെ മുംബൈയിലെ വസതിയായ ജൽസയ്ക്ക് മുന്നിൽ വെടിവെപ്പ് നടത്താൻ പദ്ധതിയിട്ടെന്ന സംശയത്തിലാണ് ഇവരെ അറസ്റ്റ് ചെയ്തത്. അറസ്റ്റിലായവരുടെ നടപടി തന്റെ സംഘത്തിന്റെ പ്രവർത്തനങ്ങളെ ബാധിക്കില്ലെന്നാണ് ഗോൾഡി ധില്ലന്റെ അവകാശവാദം. പിടിയിലായ ഇരുവരും തന്റെ സംഘത്തിൽപ്പെട്ടവരാണെന്നും മറ്റൊരു സംഘവുമായി ബന്ധപ്പെടുത്തരുതെന്നും ഇയാൾ സന്ദേശത്തിൽ വ്യക്തമാക്കിയിട്ടുണ്ട്.

ഡൽഹിയിലെ ഒരു വ്യവസായിയെ വെടിവെച്ച് കൊലപ്പെടുത്താനുള്ള ഗൂഢാലോചനയിലും ഇവർക്ക് പങ്കുണ്ടെന്നാണ് അന്വേഷണസംഘത്തിന്റെ സംശയം. വ്യവസായിയെ ആക്രമിക്കാനുള്ള ചുമതല വിക്കാസ് താക്കൂറിനായിരുന്നു. ഇയാൾ മുംബൈയിൽനിന്ന് ഡൽഹിയിലെത്തിയതായും ദീപക് സിങ് പിന്നീട് സംഘത്തോടൊപ്പം ചേരാനിരിക്കുകയായിരുന്നുവെന്നും പൊലീസ് പറയുന്നു.

അതേസമയം, കഴിഞ്ഞ ഒരു മാസത്തിനിടെ അമിതാഭ് ബച്ചന്റെ വസതിയായ ജൽസയ്ക്ക് നേരെ മൂന്ന് തവണ ബോംബ് ഭീഷണി സന്ദേശങ്ങൾ ലഭിച്ചിരുന്നു. ഇതേത്തുടർന്ന് താരത്തിന്റെ സുരക്ഷ ശക്തമാക്കിയിട്ടുണ്ട്. നവംബർ ഒന്നിന് ആരാധകരെ കാണാനായി വീടിന് പുറത്തുവന്ന അമിതാഭ് ബച്ചൻ ബുള്ളറ്റ് പ്രൂഫ് ഗ്ലാസ് കവചത്തിനുള്ളിൽ നിന്നാണ് ആരാധകരെ അഭിവാദ്യം ചെയ്തത്. സാധാരണയായി വീടിന് മുന്നിലെത്തുന്ന ആരാധകരെ പ്രത്യേക പ്ലാറ്റ്ഫോമിൽനിന്ന് അഭിവാദ്യം ചെയ്യാറുള്ള താരം അന്ന് സുരക്ഷാ കവചത്തിനുള്ളിലായിരുന്നു.

മൃതദേഹം സ്ട്രച്ചറില്‍ കൊണ്ടുപോകാമെന്ന് അറിയിച്ചിരുന്നു, മഞ്ച കയറ്റിയാല്‍ വാതില്‍ അടക്കാന്‍ സാധിക്കില്ലെന്ന് പറഞ്ഞിട്ട് കേള്‍ക്കാന്‍ പോലും തയ്യാറായില്ല, മുണ്ടേരിയിലെ ആംബുലന്‍സ് വിവാദത്തില്‍ വിശദീകരണവുമായി ഡ്രൈവര്‍

BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026
BREAKING NEWS
മനുഷ്യരെ ആക്ഷേപിക്കുക എന്നത് ചിലരുടെ സ്വാഭാവ വൈകൃതമാണ്, അതൊരു ലൈസന്‍സ് ആയി കൊണ്ടു നടക്കരുത്, ജി സുധാകരനെതിരെ എം ശിവപ്രസാദ്
16 Nov 2026
BREAKING NEWS
മൃതദേഹം സ്ട്രച്ചറില്‍ കൊണ്ടുപോകാമെന്ന് അറിയിച്ചിരുന്നു, മഞ്ച കയറ്റിയാല്‍ വാതില്‍ അടക്കാന്‍ സാധിക്കില്ലെന്ന് പറഞ്ഞിട്ട് കേള്‍ക്കാന്‍ പോലും തയ്യാറായില്ല, മുണ്ടേരിയിലെ ആംബുലന്‍സ് വിവാദത്തില്‍ വിശദീകരണവുമായി ഡ്രൈവര്‍
16 Nov 2026
BREAKING NEWS
ബാറുകളില്‍ നൃത്തം ചെയ്യാനോ പാട്ട് കേള്‍ക്കാനോ പാടില്ലയെന്ന് പറയാന്‍ കഴിയുമോ??ഡിജെ പാര്‍ട്ടികളെ മാത്രം എന്തിനാണ് ലക്ഷ്യമിടുന്നത്, ഹോട്ടലില്‍ മദ്യവില്‍പ്പനയ്ക്ക് എതിര്‍പ്പില്ല. ഡിജെ പാര്‍ട്ടിക്ക് മാത്രം നിയന്ത്രണമാണോ?? - ഹൈക്കോടതി
16 Nov 2026