ഇടുക്കി: കട്ടപ്പന ശാസ്താനടയിൽ മലയിടിഞ്ഞുവീണ് കർഷകൻ മരിച്ചു. ശാസ്താനട പുരയിടത്തിൽ ബെന്നി (55) ആണ് മരിച്ചത്. ശനിയാഴ്ച രാവിലെ ഒൻപതോടെ ശാസ്താനട പൊത്തക്കള്ളി മലയിലാണ് അപകടമുണ്ടായത്. അപകടത്തിനുശേഷവും പ്രദേശത്ത് പാറയിടിച്ചിൽ തുടരുകയാണ്.
മുൻപും ഇവിടെ പാറയിടിഞ്ഞ് അപകടങ്ങളുണ്ടായിട്ടുണ്ട്. 2010-ൽ പ്രദേശത്ത് ഉരുൾപൊട്ടലുണ്ടായിരുന്നു. പിന്നീട് രണ്ടുതവണ കൂടി പാറയിടിഞ്ഞുവീണു. തുടർച്ചയായ പാറയിടിച്ചിൽ ഭീഷണിയുള്ള പ്രദേശത്താണ് വീണ്ടും അപകടമുണ്ടായിരിക്കുന്നത്.
