തിരുവനന്തപുരം: എഐസിസിയുടെ ഒബിസി വനിത വിഭാഗം ദേശീയ ജനറൽ സെക്രട്ടറിയായി അഡ്വ. പി ജെ റസിയബീവി നിയമിതയായി. തെലങ്കാന സംസ്ഥാനത്തിന്റെ ചുമതലയാണ് നല്‍കിയിരിക്കുന്നത്. നിലവിൽ ഒ ബി സി ദേശീയ കമ്മിറ്റി അംഗമായി പ്രവർത്തിച്ച് വരികയാണ്.
സുപ്രീം കോടതി അഭിഭാഷകയായ റസിയ ബീവി യൂത്ത് കോൺഗ്രസ് എറണാകുളം പാർലമെന്റ് ജന.സെക്രട്ടറി, കരുമാല്ലൂർ ബ്ലോക്ക് കോൺഗ്രസ് ജനറൽ സെക്രട്ടറി, ആലങ്ങാട് ബ്ലോക്ക് പഞ്ചായത്ത് സ്റ്റാൻഡിംഗ് കമ്മറ്റി ചെയർപേഴ്സൺ എന്നീ പദവികളിലും പ്രവർത്തിച്ചിട്ടുണ്ട്. ആലങ്ങാട് ഗ്രാമ പഞ്ചായത്തിലെ ചിറയം സ്വദേശിയാണ്.
