BREAKING NEWS

തുമ്പുണ്ടാക്കാൻ പരിശോധിച്ചത് 160 സിസിടിവികൾ, പ്രതികൾ ശ്രീവൈകുണ്ഠത്തിൽ ഉണ്ടെന്ന് അറിഞ്ഞ് പോലീസ് എത്തുമ്പോഴേക്കും അവിടെനിന്ന് കന്യാകുമാരിക്കു മുങ്ങി, 120 കിലോമീറ്ററോളം പിന്തുടർന്ന് വലയിലാക്കി… യുട്യൂബറിന്റെ വീട്ടിൽനിന്ന് 118 പവൻ സ്വർണവും പണവും മോഷ്ടിച്ച നാലം​ഗ സംഘം പിടിയിൽ, മോഷണം ആസൂത്രണം ചെയ്തത് വീഡിയോ കണ്ടെന്ന് പ്രതികൾ

· · 1 min read
Share: Copied!

തിരുവനന്തപുരം: നാഗർകോവിലിനുസമീപം തമ്മട്ടുകോണത്ത് യുട്യൂബർ ദമ്പതികളുടെ വീട്ടിൽ നിന്ന് വീട്ടിൽനിന്ന് 118 പവൻ സ്വർണം മോഷ്ടിച്ച സംഭവത്തിൽ നാലു പേർ പിടിയിൽ. ശ്രീവൈകുണ്ഡം സ്വദേശി ഇസക്കി പാണ്ടി (30), മുരുകൻ (28), ആലംകുളം സ്വദേശി മുരുകേശൻ (30), തിമ്മരാജപുരം സ്വദേശി തങ്കപാണ്ടി (39) എന്നിവരെയാണ് അറസ്റ്റ് ചെയ്തത്. ഇവരിൽനിന്ന് 98 പവൻ ആഭരണങ്ങൾ പിടിച്ചെടുത്തതായി എസ്പി അൻഷുൽ നഗർ അറിയിച്ചു.

24ന് രാത്രിയാണ് നാഗർകോവിലിനുസമീപം തമ്മട്ടുകോണത്ത് വിഐപി ഗാർഡനിൽ താമസിക്കുന്ന വ്യവസായിയായ വിനോദ് കുമാറിന്റെയും യൂട്യൂബർ മധുമിതയുടെയും വീട്ടിൽനിന്ന് 118 പവൻ സ്വർണവും പണവും മോഷണം പോയത്. തന്റെ വീട്ടിൽ സ്വർണവും പണവുമുള്ള വിവരം കൃത്യ സ്ഥലമടക്കം പ്രദർശിപ്പിച്ച് വീഡിയോ മധുമിത യുട്യൂബിൽ പങ്കുവച്ചതിനു പിന്നാലെയാണ് മോഷ്ടാക്കൾ വീടു തേടി കവർച്ച നടത്തിയത്. മധുമിതയും ഭർത്താവും പുറത്തു പോയപ്പോഴായിരുന്നു സംഭവം. 12 മണിക്ക് ഇവർ വീട്ടിൽ തിരിച്ചെത്തിയപ്പോഴാണ് സ്വർണവും പണവും മോഷണം പോയ വിവരം അറിഞ്ഞത്. തുടർന്ന് രാജാക്കമംഗലം പോലീസിൽ വിവരം അറിയിക്കുകയായിരുന്നു.

പിന്നാലെ പോലീസ് നടത്തിയ അന്വേഷണത്തിൽ മൂന്നു ബൈക്കുകൾ അതുവഴി കടന്നുപോകുന്നതിന്റെ ദൃശ്യങ്ങൾ സിസിടിവി ദൃശ്യങ്ങൾ ലഭിച്ചിരുന്നു. ഇതു കേന്ദ്രീകരിച്ചു നടത്തിയ തിരച്ചിലിലാണ് മോഷ്ടാക്കൾ കുടുങ്ങിയത്. സംഘം ശ്രീവൈകുണ്ഠത്തിൽ ഉണ്ടെന്ന് കണ്ടെത്തി പൊലീസ് അവിടെ എത്തുമ്പോഴേക്കും അവർ കന്യാകുമാരിക്കു തിരിച്ചിരുന്നു. തുടർന്ന് 120 കിലോമീറ്ററോളം പിന്തുടർന്നാണ് ഇവരെ പിടികൂടിയത്. എരമ്പക്കാട് വാഹനപരിശോധനയ്ക്കിടെയാണ് ഇസക്കി പാണ്ടിയും മുരുകനും പിടിയിലായത്. ഇവരിൽനിന്നു ലഭിച്ച മൊഴിയുടെ അടിസ്ഥാനത്തിലാണ് ബാക്കി രണ്ടു പേരെ കൂടി അറസ്റ്റ് ചെയ്യുകയും 98 പവൻ കണ്ടെടുക്കുകയും ചെയ്തത്.

അതേസമയം യുട്യൂബിൽ വീഡിയോ കണ്ടതിനെ തുടർന്നാണ് മോഷണം ആസൂത്രണം ചെയ്തതെന്നു പ്രതികൾ പറഞ്ഞു. ദിവസങ്ങളായി വീട് നിരീക്ഷിച്ചിരുന്നു. സംഭവദിവസം കാർ വീട്ടിൽ കാണാതിരുന്നതോടെ ഉടമകൾ പുറത്തു പോയി എന്ന് തിരിച്ചറിഞ്ഞാണ് വീടിന്റെ പിൻവാതിൽ തകർത്ത് ഉള്ളിൽ കടന്നതെന്നും മോഷ്ടാക്കൾ പറഞ്ഞു. കന്യാകുമാരി ഡിവൈഎസ്പി പ്രകാശിന്റെ നേതൃത്വത്തിൽ രാജാക്കമംഗലം പോലീസ് ഏഴു പ്രത്യേക സംഘങ്ങൾ രൂപീകരിച്ചാണ് ശ്രീവൈകുണ്ഠം വരെയുള്ള 160 സിസിടിവി ക്യാമറകൾ പരിശോധിച്ചത്.

പ്രണയ നൈരാശ്യം, റിസോർട്ടിൽ കാണാനെത്തിയ യുവാവ് സംസാരിക്കുന്നതിനിടെ റിസപ്ഷനിസ്റ്റിനെ കുത്തിക്കൊലപ്പെടുത്തി, മരിച്ച 20 കാരിയുടെ ദേഹത്ത് അഞ്ചോളം മുറിവുകൾ, പോലീസ് കസ്റ്റഡിയിൽ

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026