BREAKING NEWS

വീട്ടിൽ പച്ചക്കറി പാകം ചെയ്യുന്നില്ല, മക്കളുടെ മുന്നിലിട്ട് 31കാരിയെ ഭർത്താവ് വെടിവച്ച് കൊന്നു, കുട്ടികളുടെ കരച്ചിൽ കേട്ടെത്തിയ അയൽക്കാരോട് പറഞ്ഞത് ഭാര്യ സ്വയം വെടിവച്ച് മരിച്ചെന്ന്- തിരക്കഥ പൊളിച്ച് പോലീസ്

· · 1 min read
Share: Copied!

ന്യൂഡൽഹി: പച്ചക്കറി പാകം ചെയ്യുന്നതിനെച്ചൊല്ലിയുണ്ടായ തർക്കത്തിനിടെ 31കാരിയായ ഭാര്യയെ ഭർത്താവ് മക്കളുടെ മുന്നിലിട്ട് വെടിവച്ച് കൊന്നതായി പോലീസ്. ഡൽഹിയിലെ തിഗ്രി മേഖലയിലെ സംഗം വിഹാറിലാണ് വെള്ളിയാഴ്ച വൈകിട്ട് സംഭവം നടന്നത്. പൂനം ആണ് കൊല്ലപ്പെട്ടത്. സംഭവത്തിൽ ഭർത്താവ് കമലേഷിനെ പോലീസ് കസ്റ്റഡിയിലെടുത്തു.

വൈകിട്ട് ഏഴുമണിയോടെയാണ് സംഭവം നടന്നതെന്ന് പോലീസ് അറിയിച്ചു. വീട്ടിൽ പച്ചക്കറി പാകം ചെയ്യാത്തതിനെച്ചൊല്ലി കമലേഷും പൂനവും തമ്മിൽ തർക്കമുണ്ടായതായാണ് പ്രാഥമിക വിവരം. തർക്കം പിന്നീട് രൂക്ഷമാവുകയും കമലേഷ് പൂനത്തിന് നേരെ വെടിയുതിർക്കുകയുമായിരുന്നുവെന്ന് പോലീസ് പറയുന്നു. വെടിയേറ്റ പൂനം സംഭവസ്ഥലത്തുതന്നെ മരിച്ചു.

വെടിയൊച്ച കേട്ടതിനെ തുടർന്ന് സമീപവാസികൾ വീട്ടിലെത്തി വാതിലിൽ മുട്ടി. എന്നാൽ കമലേഷ് കുറച്ചുസമയത്തേക്ക് വാതിൽ തുറന്നില്ല. വീട്ടിനുള്ളിലുണ്ടായിരുന്ന ദമ്പതികളുടെ മൂന്ന് കുട്ടികൾ കരയുന്നതും നാട്ടുകാർ കേട്ടു. ഇതോടെ വാതിൽ തുറക്കണമെന്ന് ആവശ്യപ്പെട്ട് നാട്ടുകാർ വീണ്ടും വീണ്ടും കമലേഷിനോട് ആവശ്യപ്പെട്ടു. ഇതിനിടെ കമലേഷ് വീട്ടിൽനിന്ന് പുറത്തേക്ക് പോകാൻ ശ്രമിക്കുകയും പൂനം സ്വയം വെടിവച്ച് മരിച്ചതാണെന്ന് നാട്ടുകാരോട് പറയുകയും ചെയ്തതായി പോലീസ് പറഞ്ഞു. എന്നാൽ കമലേഷിന്റെ വാദത്തിൽ സംശയം തോന്നിയ നാട്ടുകാർ ഇയാളെ തടഞ്ഞുനിർത്തി പോലീസിനെ വിവരമറിയിക്കുകയായിരുന്നു.

തുടർന്ന് പോലീസ് സംഘം സ്ഥലത്തെത്തി കമലേഷിനെ കസ്റ്റഡിയിലെടുത്ത് ചോദ്യം ചെയ്തതോടെ കുറ്റം സമ്മതിക്കുകയായിരുന്നു. പൂനത്തിന്റെ മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. കൊലപാതകത്തിന് ഉപയോഗിച്ച തോക്ക് ഉൾപ്പെടെയുള്ള കാര്യങ്ങൾ സംബന്ധിച്ചും തർക്കത്തിലേക്ക് നയിച്ച സാഹചര്യം സംബന്ധിച്ചും പോലീസ് അന്വേഷണം തുടരുകയാണ്.

മീൻ ചട്ടിയിൽ കുടുങ്ങി വില്ലേജ് ഓഫിസർ!! പട്ടയം തരാം, പക്ഷെ കൈക്കൂലിയായി വീട്ടിൽ പാചകം ചെയ്ത മീൻ കറി വേണം… വില്ലേജ് ഓഫിസറുടെ ആവശ്യം റെക്കോർഡ് ചെയ്ത് പരാതി നൽകി, ഉദ്യോ​ഗസ്ഥന് സസ്പെൻഷൻ

BREAKING NEWS
സ്കൂളിലേക്ക് പോയ പ്രായപൂർത്തിയാകാത്ത 3 പെൺകുട്ടികളെ തട്ടിക്കൊണ്ടുപോയി; രണ്ടുപേർ ബലാത്സംഗത്തിനിരയായി, രണ്ട് പ്രതികൾ അറസ്റ്റിൽ
22 Nov 2026
BREAKING NEWS
വിമാനത്തിൽ ഇരുമുടിക്കെട്ട് കൊണ്ടുപോകാൻ അനുമതി; തുടർച്ചയായ മൂന്നാം വർഷവും ഇളവ് വ്യോമയാന മന്ത്രാലയം, ശബരിമലയിൽ തീർഥാടകരുടെ തിരക്കേറി ന്യൂഡൽഹി: അയ്യപ്പഭക്തർക്ക് വിമാനത്തിന്റെ ക്യാബിനിൽ ഇരുമുടിക്കെട്ട് കൊണ്ടുപോകാൻ അനുമതി നൽകി കേന്ദ്ര വ്യോമയാന മന്ത്രാലയം. തുടർച്ചയായ മൂന്നാം വർഷമാണ് ഇതിനുള്ള അനുമതി നീ...
22 Nov 2026
BREAKING NEWS
അടഞ്ഞ അധ്യായങ്ങള്‍ വീണ്ടും തര്‍ക്കവിഷയമാക്കരുത്, പിഎം ശ്രീ സംബന്ധിച്ച പ്രസ്താവനകള്‍ ഒഴിവാക്കേണ്ടതായിരുന്നു, വി ശിവന്‍കുട്ടിയെയും ടി പി രാമകൃഷ്ണനെയും തള്ളി സിപിഐ(എം)
22 Nov 2026
BREAKING NEWS
’ശബരിമല ഡ്യൂട്ടിക്ക് മദ്യപാനികളെയും മോശം പെരുമാറ്റമുള്ളവരെയും അയക്കരുത്’; എസ്പിമാർക്ക് ഐജിയുടെ കർശന നിർദേശം ’നിലയ്ക്കലിലെ മർദനം സേനയ്ക്ക് നാണക്കേട്’
22 Nov 2026