BREAKING NEWS

നാലുവർഷം മുൻപ് വിവാഹിതയായി, അടുത്തിടെ മറ്റൊരു യുവാവുമായി പ്രണയത്തിൽ, യുവതിയെ കല്ലുകൊണ്ട് തലയ്ക്കടിച്ചുകൊന്നു, കരഞ്ഞുകൊണ്ടിരുന്ന ഒന്നരവയസുകാരിയെ ചോരയിൽ കുളിച്ചുകിടന്ന യുവതിയുടെ മുകളിൽ കിടത്തി, ഭർത്താവും കാമുകനും കസ്റ്റഡിയിൽ

· · 1 min read
Share: Copied!

റായ്ചൂർ: കർണാടകയിലെ റായ്ചൂർ ജില്ലയിൽ 25കാരിയെ ക്രൂരമായി കൊലപ്പെടുത്തിയശേഷം ഒന്നരവയസുള്ള മകളെ യുവതിയുടെ മൃതദേഹത്തിന് മുകളിൽ കിടത്തി. സിന്ധനൂർ ഉപജില്ലയിലെ ആർഎച്ച് ക്യാമ്പ്-5ലാണ് ഞെട്ടിക്കുന്ന സംഭവം റിപ്പോർട്ട് ചെയ്തത്. ആർഎച്ച് ക്യാമ്പ്-4 സ്വദേശിയായ സ്നേഹ (25) ആണ് കൊല്ലപ്പെട്ടത്. ഗ്രാമത്തിന്റെ പുറമ്പോക്കിലുള്ള വയലിലാണ് യുവതിയെ ഗുരുതരമായി പരുക്കേറ്റ നിലയിൽ കണ്ടെത്തിയത്.

യുവതിയെ കല്ലുകൊണ്ട് തലയ്ക്കു ഇടിച്ചാണ് കൊലപ്പെടുത്തിയതെന്നാണ് പോലീസിന്റെ പ്രാഥമിക നിഗമനം. സംഭവവുമായി ബന്ധപ്പെട്ട് സ്നേഹയുടെ ഭർത്താവ് അമിത്, കാമുകൻ എന്ന് പറയപ്പെടുന്ന ശുഭം എന്നിവരെ പോലീസ് കസ്റ്റഡിയിലെടുത്ത് ചോദ്യം ചെയ്യുകയാണ്. കൊലപാതകത്തിന് പിന്നിലെ യഥാർഥ കാരണം കണ്ടെത്തുന്നതിനും ആരാണ് കൃത്യം നടത്തിയതെന്ന് വ്യക്തമാക്കുന്നതിനുമാണ് ഇരുവരെയും ചോദ്യം ചെയ്യുന്നത്.

സ്നേഹയുടെ മൃതദേഹം കണ്ടെത്തുമ്പോൾ ഒന്നരവയസുള്ള മകൾ അമ്മയെ മുറുകെപ്പിടിച്ച് കരയുന്ന നിലയിലായിരുന്നു. സംഭവം കണ്ട നാട്ടുകാർ വിവരം പോലീസിനെ അറിയിച്ചു. സ്ഥലത്തെത്തിയ പോലീസ് പരിശോധിക്കുമ്പോൾ സ്നേഹയ്ക്ക് ജീവനുണ്ടായിരുന്നുവെന്നാണ് വിവരം. ഗുരുതരമായി പരുക്കേറ്റ യുവതിയെ ഉടൻ ചികിത്സയ്ക്കായി ആശുപത്രിയിലെത്തിച്ചെങ്കിലും ചികിത്സയ്ക്കിടെ മരണം സംഭവിച്ചു.

വിവരമറിഞ്ഞ് സിന്ധനൂർ റൂറൽ പോലീസ് സ്ഥലത്തെത്തി അന്വേഷണം ആരംഭിച്ചു. പ്രാഥമിക അന്വേഷണത്തിൽ, സ്നേഹയും അമിത്തും നാല് വർഷം മുമ്പാണ് വിവാഹിതരായതെന്ന് കണ്ടെത്തിയിട്ടുണ്ട്. കഴിഞ്ഞ നാല് മാസമായി സ്നേഹയ്ക്ക് ശുഭവുമായി അടുപ്പമുണ്ടായിരുന്നുവെന്നാണ് പോലീസ് പറയുന്നത്.

ഈ ബന്ധത്തെ തുടർന്നുണ്ടായ തർക്കമാണോ കൊലപാതകത്തിലേക്ക് നയിച്ചതെന്ന് ഉൾപ്പെടെ വിവിധ സാധ്യതകൾ പോലീസ് പരിശോധിച്ചുവരികയാണ്. എന്നാൽ കൊലപാതകത്തിന്റെ കൃത്യമായ കാരണം ഇതുവരെ സ്ഥിരീകരിച്ചിട്ടില്ല. അമിത്തിനെയും ശുഭത്തെയും വിശദമായി ചോദ്യം ചെയ്തുവരികയാണ്. സ്നേഹയുടെ മൃതദേഹം പോസ്റ്റ്മോർട്ടത്തിനായി സിന്ധനൂർ താലൂക്ക് ആശുപത്രിയിലേക്ക് മാറ്റി. പോസ്റ്റ്മോർട്ടം റിപ്പോർട്ട് ലഭിച്ചതിന് ശേഷമായിരിക്കും മരണകാരണം സംബന്ധിച്ച് കൂടുതൽ വ്യക്തത ലഭിക്കുക. സംഭവം സംബന്ധിച്ച് പൊലീസ് വിശദമായ അന്വേഷണം തുടരുകയാണ്.

ആൾത്താമസമില്ലാത്ത വീട്ടിലെ കിണറ്റിൽ അഞ്ച് വയസുകാരന്റെ മൃതദേഹം; ഉച്ചയോടെ കുട്ടിയെ കാണാതായെന്ന് കുടുംബം പരാതി നല്കി തുടർന്ന് പോലീസും ഫയർഫോഴ്സ് നടത്തിയ തിരച്ചിലിലാണ് മരിച്ച നിലയിൽ കണ്ടെത്തിയത്

BREAKING NEWS
സ്കൂളിലേക്ക് പോയ പ്രായപൂർത്തിയാകാത്ത 3 പെൺകുട്ടികളെ തട്ടിക്കൊണ്ടുപോയി; രണ്ടുപേർ ബലാത്സംഗത്തിനിരയായി, രണ്ട് പ്രതികൾ അറസ്റ്റിൽ
22 Nov 2026
BREAKING NEWS
വിമാനത്തിൽ ഇരുമുടിക്കെട്ട് കൊണ്ടുപോകാൻ അനുമതി; തുടർച്ചയായ മൂന്നാം വർഷവും ഇളവ് വ്യോമയാന മന്ത്രാലയം, ശബരിമലയിൽ തീർഥാടകരുടെ തിരക്കേറി ന്യൂഡൽഹി: അയ്യപ്പഭക്തർക്ക് വിമാനത്തിന്റെ ക്യാബിനിൽ ഇരുമുടിക്കെട്ട് കൊണ്ടുപോകാൻ അനുമതി നൽകി കേന്ദ്ര വ്യോമയാന മന്ത്രാലയം. തുടർച്ചയായ മൂന്നാം വർഷമാണ് ഇതിനുള്ള അനുമതി നീ...
22 Nov 2026
BREAKING NEWS
അടഞ്ഞ അധ്യായങ്ങള്‍ വീണ്ടും തര്‍ക്കവിഷയമാക്കരുത്, പിഎം ശ്രീ സംബന്ധിച്ച പ്രസ്താവനകള്‍ ഒഴിവാക്കേണ്ടതായിരുന്നു, വി ശിവന്‍കുട്ടിയെയും ടി പി രാമകൃഷ്ണനെയും തള്ളി സിപിഐ(എം)
22 Nov 2026
BREAKING NEWS
’ശബരിമല ഡ്യൂട്ടിക്ക് മദ്യപാനികളെയും മോശം പെരുമാറ്റമുള്ളവരെയും അയക്കരുത്’; എസ്പിമാർക്ക് ഐജിയുടെ കർശന നിർദേശം ’നിലയ്ക്കലിലെ മർദനം സേനയ്ക്ക് നാണക്കേട്’
22 Nov 2026