കോഴിക്കോട്: സ്കൂൾ വിദ്യാർഥികളായ മൂന്നുപേർ ബൈക്കിൽ അമിത വേഗതയിൽ പായുന്നതിനിടെ വാഹനം ഇടിച്ച് വയോധികന് ദാരുണാന്ത്യം. അത്തോളി കോതങ്കൽ ഈയപ്പക്കണ്ടി സൈതലവി (70) ആണ് മരിച്ചത്. വെള്ളിയാഴ്ച്ച വൈകീട്ടോടെയാണ് സംഭവം.
കോതങ്കൽ ഹൈസ്ക്കൂളിൽ കലോത്സവം നടക്കുന്നതിനിടെ അവിടെനിന്നും ബൈക്കിൽ എത്തിയ വിദ്യാർഥികൾ റോഡിലൂടെ നടന്നുപോവുന്ന സൈതലവിയെ ഇടിച്ച് തെറിപ്പിക്കുകയായിരുന്നു. ഇടിയുടെ ആഘാതത്തിൽ സൈദലവി ഏറെ ദൂരം തെറിച്ചുപോയി. പിന്നാലെ ബൈക്ക് നിർത്താതെ കടന്ന് പോവുകയും ചെയ്തു.
ഇതിനിടെ മൂന്നുപേരുണ്ടായിരുന്ന ബൈക്കിൽ നിന്ന് ഒരാൾ അവിടെ തന്നെ തെറിച്ച് വീഴുകയും പരുക്കേൽക്കുകയും ചെയ്തു. ഈ വിദ്യാർഥിയെ ആശുപത്രിയിൽ പ്രവേശിപ്പിച്ചു. തുടർന്നു നടത്തിയ അന്വേഷണത്തിൽ അപകടമുണ്ടാക്കിയ ബൈക്കിലെ മറ്റ് രണ്ട് വിദ്യാർഥികളെയും കണ്ടെത്തിയിട്ടുണ്ട്. അപകടത്തിന്റെ സിസിടിവി ദൃശ്യം പുറത്തുവന്നു
Related Post
