BREAKING NEWS

‘ആന്റോ അഗസ്റ്റിനെ പൂട്ടാൻ 800 പേജുള്ള തെളിവുകൾ എന്റെ പക്കലുണ്ട്; അയാളെ വിശുദ്ധനായി ചിത്രീകരിക്കുന്നതു കാണുമ്പോൾ പിണറായി ഉൾപ്പെടെയുള്ള മുതിർന്ന സി.പി.എം നേതാക്കൾക്കും ഈ കൂട്ടുകച്ചവടത്തിൽ പങ്കുണ്ടോ എന്ന് സംശയിക്കേണ്ടിവരുന്നു‘: സാബു എം. ജേക്കബ്

· · 1 min read
Share: Copied!

കൊച്ചി: ലയണൽ മെസിയെ കേരളത്തിലെത്തിക്കാമെന്ന് വാഗ്ദാനം നൽകി തട്ടിപ്പ് നടത്തിയെന്ന കേസിലെ പ്രതിയായ റിപ്പോർട്ടർ ടി വി ഉടമ ആന്റോ അഗസ്റ്റിനും ചാനലിനുമെതിരെ ഗുരുതര ആരോപണങ്ങളുമായി ട്വന്റി 20 പാർട്ടി പ്രസിഡന്റും കിറ്റെക്സ് എംഡിയുമായ സാബു എം. ജേക്കബ്. ആന്റോ അഗസ്റ്റിനെതിരെ 800 പേജുള്ള തെളിവുകൾ തന്റെ കൈവശമുണ്ടെന്ന് സാബു എം. ജേക്കബ് പറഞ്ഞു. റിപ്പോർട്ടർ ചാനൽ ഉടൻ അടച്ചുപൂട്ടാൻ സർക്കാർ മുൻകൈ എടുക്കണമെന്നും അദ്ദേഹം ആവശ്യപ്പെട്ടു.

റിപ്പോർട്ടർ ചാനലിന് ഇതുവരെ ബ്രോഡ്കാസ്റ്റിങ് ലൈസൻസോ ദേശീയ സുരക്ഷാ ക്ലിയറൻസോ ലഭിച്ചിട്ടില്ലെന്നാണ് സാബു എം. ജേക്കബിന്റെ ആരോപണം. മറ്റുള്ളവരുടെ ദുഃഖത്തിൽനിന്ന് കോടികൾ സമ്പാദിച്ചവരാണ് ചാനൽ അധികൃതരെന്നും അദ്ദേഹം ആരോപിച്ചു.

പിണറായി വിജയൻ മുഖ്യമന്ത്രിയായിരുന്ന കാലത്ത് കിറ്റെക്സ് ഫാക്ടറിയിൽ 12 തവണ റെയ്ഡ് നടത്തിയപ്പോൾ അതിനെ ന്യായീകരിച്ച് പ്രസംഗിച്ചവരാണ് ഇപ്പോൾ മാധ്യമസ്വാതന്ത്ര്യത്തെക്കുറിച്ച് സംസാരിക്കുന്നതെന്നും സാബു എം. ജേക്കബ് പറഞ്ഞു.

മെസി തട്ടിപ്പ് കേസിലെ അന്വേഷണം അതിൽ മാത്രം ഒതുക്കരുതെന്നും ആന്റോ അഗസ്റ്റിന്റെ കഴിഞ്ഞ അഞ്ച് വർഷത്തെ സാമ്പത്തിക ഇടപാടുകൾ പരിശോധിച്ചാൽ കൂടുതൽ തട്ടിപ്പുകൾ പുറത്തുവരുമെന്നും അദ്ദേഹം ആരോപിച്ചു. സംസ്ഥാന-കേന്ദ്ര സർക്കാരുകളിലെ ഉദ്യോഗസ്ഥരെ പണവും മദ്യവും നൽകി ആന്റോ അഗസ്റ്റിൻ സഹോദരന്മാർ സ്വാധീനിക്കുന്നുണ്ടെന്നും സാബു ആരോപിച്ചു.

മരംമുറി കേസിൽ പ്രതിയായ ആന്റോ അഗസ്റ്റിനെ വിശുദ്ധനായി ചിത്രീകരിക്കുന്ന തരത്തിലുള്ള ന്യായീകരണങ്ങൾ കാണുമ്പോൾ പിണറായി വിജയൻ ഉൾപ്പെടെയുള്ള മുതിർന്ന സി.പി.എം നേതാക്കൾക്കും ഈ കൂട്ടുകച്ചവടത്തിൽ പങ്കുണ്ടോ എന്ന് സംശയിക്കേണ്ടിവരുന്നതായും സാബു എം. ജേക്കബ് ആരോപിച്ചു.

മെസിയുടെ പേരിൽ കലൂർ സ്റ്റേഡിയം തട്ടിയെടുക്കാനായിരുന്നു നീക്കമെന്നും അദ്ദേഹം ആരോപിച്ചു. സി.ജെ. റോയിയെ പോലുള്ള വ്യവസായികളെ എൻഫോഴ്സ്മെന്റ് ഡയറക്ടറേറ്റിനെ ഉപയോഗിച്ച് ഭീഷണിപ്പെടുത്തിയെന്നും സാബു എം. ജേക്കബ് ആരോപണമുന്നയിച്ചു.

തങ്ങൾ എൻ.ഡി.എയിലെ ഒരു സഖ്യകക്ഷി മാത്രമായതിനാൽ റിപ്പോർട്ടർ ചാനൽ അടച്ചുപൂട്ടണമെന്നാവശ്യപ്പെട്ട് കേന്ദ്രസർക്കാരിനുമേൽ സമ്മർദം ചെലുത്തുന്നതിന് പരിമിതികളുണ്ടെന്നും അദ്ദേഹം പറഞ്ഞു.

ഇന്ത്യയിലെ ഏതൊരു പൗരനുമുള്ള അവകാശം മാത്രമേ മാധ്യമ സ്ഥാപനങ്ങൾക്കും ഉള്ളൂവെന്നും നിയമത്തിന് മുകളിലല്ല മാധ്യമ സ്ഥാപനങ്ങളെന്നും സാബു എം. ജേക്കബ് ചൂണ്ടിക്കാട്ടി.

“വൈകി, പക്ഷേ ഇനിയും സമയമുണ്ട്; സാമ്പത്തിക പരിഷ്കരണത്തിന് കേരളം ഒരുങ്ങണം; നമുക്ക് ആവശ്യം മൻമോഹൻ സിങ്ങിന്റേതുപോലുള്ള സാമ്പത്തികപരിഷ്കരണം, സ്വകാര്യ പങ്കാളിത്തം വരണം“: വി.ഡി. സതീശൻ

BREAKING NEWS
'മനഃപൂർവം ചെയ്തതാണ്, ആരെയും കൊല്ലാനല്ല, ഷോപ്പ് നശിപ്പിക്കാൻ'; കോഴിക്കോട് ഹ്യൂണ്ടായി ഷോറൂമിലേക്ക് അതിവേ​ഗത്തിൽ കാർ ഇടിച്ചു കയറ്റി; ഒഴിവായത് വൻ ദുരന്തം; ജീവനക്കാരെ ആക്രമിച്ചു; ഇടിപ്പിച്ച വാഹനത്തിൽ നാലുപേർ; മൂന്നുപേർ ഓടി രക്ഷപ്പെട്ടു; ഒരാൾ പിടിയിൽ
18 Nov 2026
BREAKING NEWS
ആശുപത്രിക്കെതിരെ വ്യാജവാർത്ത; പിൻവലിക്കാൻ 10 ലക്ഷം വാങ്ങി, ദൃശ്യങ്ങളും ശബ്ദരേഖയും പുറത്ത്; തിരുവനന്തപുരം ഡിസിസി അം​ഗം സുഹൈൽ ഷാജഹാൻ അറസ്റ്റിൽ; പിന്നാലെ നെഞ്ചുവേദന, അഭിനയമെന്ന് പോലീസ്
18 Nov 2026
BREAKING NEWS
അതിർത്തിയിൽ പട്രോളിങ്ങിനിടെ വഴിതെറ്റി ബംഗ്ലാദേശിലെത്തി; ഇന്ത്യൻ ജവാനെ കസ്റ്റഡിയിലെടുത്ത് ബി.ജി.ബി; കൈമാറാൻ ‘ഫ്ലാഗ് മീറ്റിങ്’
18 Nov 2026
BREAKING NEWS
‘പപ്പയുടെ മടിയിലിരിക്കുന്ന മമ്മ’; രാജീവ്–സോണിയ ബന്ധത്തെക്കുറിച്ചുള്ള പരാമർശത്തിൽ രാഹുലിനെ ട്രോളി ബിജെപി, ശിവ–പാർവതി ചിത്രം പങ്കുവെച്ച് മറുപടി നൽകി രാഹുൽ; ’മനുഷ്യരെ ദൈവങ്ങളോട് ഉപമിക്കുന്നത് അഹങ്കാരം’: വിമർശിച്ച് അസം മുഖ്യമന്ത്രി
18 Nov 2026