BREAKING NEWS

പുരുഷന്മാർ ഫോൺ വിളിക്കുന്നുണ്ടോയെന്ന് സംശയം, സുഹൃത്തുക്കൾക്കൊപ്പം രംഗിയയിലെത്തിയ പെൺസുഹൃത്ത് താമസിച്ച ഹോട്ടലിൽ മുറിയെടുത്തു, കാമുകൻ രാത്രി യുവതിയുടെ മുറിയിലെത്തിയത് എല്ലാ തയാറെടുപ്പുകളോടെ…23 കാരിയെ കൊലപ്പെടുത്തി, പിന്നാലെ ആത്മഹത്യയ്ക്ക് ശ്രമം

· · 1 min read
Share: Copied!

ഗുവാഹത്തി: യുവതിയെ ഹോട്ടൽ മുറിയിൽ കൊലപ്പെടുത്തിയെന്ന കേസിൽ 22കാരൻ അറസ്റ്റിൽ. അസമിലെ കാംരൂപ് റൂറൽ ജില്ലയിൽ രംഗിയ റെയിൽവേ സ്റ്റേഷന് സമീപത്തെ ഹോട്ടലിലാണ് സംഭവം. 23കാരിയായ മലിനി ഗുരിയയാണ് കൊല്ലപ്പെട്ടത്. പിന്നാലെ ഇയാൾ ആത്മഹത്യയ്ക്ക് ശ്രമിച്ചതായും പോലീസ് പറഞ്ഞു. സംഭവത്തിൽ ഉദാൽഗുരി സ്വദേശിയായ അഭിജിത് കിൻഡോയാണ് അറസ്റ്റിലായത്.

തന്റെ പെൺസുഹൃത്തായ യുവതിക്ക് മറ്റുള്ളവരുമായി ബന്ധമുണ്ടെന്ന സംശയമാണ് കൊലപാതകത്തിന് കാരണമെന്ന് പ്രതി പോലീസിനോട് പറഞ്ഞതായി ഉദ്യോഗസ്ഥർ വ്യക്തമാക്കി. എന്നാൽ കൊലപാതകത്തിന്റെ യഥാർഥ കാരണം അന്വേഷണത്തിലൂടെ മാത്രമേ സ്ഥിരീകരിക്കാനാകൂവെന്നും പോലീസ് അറിയിച്ചു.

അതേസമയം ചെന്നൈയിൽ നിന്ന് രണ്ട് സുഹൃത്തുക്കൾക്കൊപ്പമാണ് മലിനി കഴിഞ്ഞ ദിവസം രാത്രി രംഗിയയിലെത്തിയത്. റെയിൽവേ സ്റ്റേഷനിലെത്തിയ ഇവരെ സ്വീകരിക്കാൻ കിൻഡോയും എത്തിയിരുന്നു. തുടർന്ന് ഇരുവരും രംഗിയയിലെ ഒരേ ഹോട്ടലിൽ താമസിച്ചു. മലിനിയുടെ സുഹൃത്തുക്കളുടെ മൊഴിപ്രകാരം കിൻഡോ ഹോട്ടലിൽ തനിക്കായി പ്രത്യേക മുറി ബുക്ക് ചെയ്തിരുന്നു. എന്നാൽ രാത്രി വൈകി മലിനി താമസിച്ചിരുന്ന മുറിയിലെത്തുകയും അവിടെ തങ്ങുകയും ചെയ്തതായി പോലീസ് പറഞ്ഞു.

രാവിലെ മലിനിയുടെ സുഹൃത്തുക്കളെ കിൻഡോ ഫോണിൽ വിളിച്ച് യുവതിയെ കൊലപ്പെടുത്തിയെന്നും താനും ജീവനൊടുക്കുമെന്നും അറിയിച്ചതായാണ് പോലീസ് വൃത്തങ്ങൾ പറയുന്നത്. തുടർന്ന് സുഹൃത്തുക്കളുടെ വിവരത്തെ അടിസ്ഥാനമാക്കി റെയിൽവേ ഇൻസ്പെക്ടർ പോലീസിനെ വിവരം അറിയിക്കുകയായിരുന്നു.

പൊലീസ് സംഘം ഹോട്ടലിലെത്തിയപ്പോൾ മലിനിയെ മുറിയിൽ മരിച്ച നിലയിൽ കണ്ടെത്തി. സമീപത്തുണ്ടായിരുന്ന കിൻഡോയെ കസ്റ്റഡിയിലെടുത്തു. ആക്രമണത്തിൽ ഇയാൾക്കും പരുക്കേറ്റിരുന്നതിനാൽ ചികിത്സയ്ക്കായി സർക്കാർ ആശുപത്രിയിലെത്തിച്ചു. പിന്നീട് കൊലപാതകക്കേസ് രജിസ്റ്റർ ചെയ്ത് അറസ്റ്റ് രേഖപ്പെടുത്തി.

കൊലപാതകത്തിന് ഉപയോഗിച്ചതായി കരുതുന്ന കത്രികയും മറ്റ് വസ്തുക്കളും പൊലീസ് കണ്ടെത്തിയതായി റിപ്പോർട്ടുണ്ട്. ഗുവാഹത്തിയിൽ നിന്നുള്ള ഫോറൻസിക് സംഘം ഹോട്ടലിലെത്തി പരിശോധന നടത്തി തെളിവുകൾ ശേഖരിച്ചു. മലിനിയുടെ മൃതദേഹം പോസ്റ്റ്മോർട്ടത്തിനായി ഗുവാഹത്തി മെഡിക്കൽ കോളജ് ആശുപത്രിയിലേക്ക് മാറ്റി. കുടുംബാംഗങ്ങളെ വിവരമറിയിച്ചതായി പോലീസ് പറഞ്ഞു.

സംഭവത്തിന് പിന്നിലെ യഥാർഥ കാരണം ഇപ്പോഴും പൂർണമായി വ്യക്തമായിട്ടില്ല. പ്രതിയുടെ മൊഴിയും മറ്റ് തെളിവുകളും പരിശോധിച്ചുവരികയാണ്. കേസിൽ കൂടുതൽ അന്വേഷണം തുടരുകയാണെന്ന് പൊലീസ് അറിയിച്ചു.

BREAKING NEWS
"ബഹുമാനപ്പെട്ട ജഡ്ജിമാരോട് ഞാൻ യാതൊരു പ്രത്യേക പരിഗണനയും ആവശ്യപ്പെടുന്നില്ല, സുപ്രീം കോടതി പുറപ്പെടുവിച്ച ഉത്തരവുകൾ നടപ്പാക്കുകയും ഞങ്ങളുടെ ആരോഗ്യപ്രശ്നങ്ങൾക്ക് മതിയായ ചികിത്സ ഉറപ്പാക്കുകയും ചെയ്യണമെന്നാണ് നീതിയെന്ന നിലയിൽ ഞാൻ ആവശ്യപ്പെടുന്നത്, ജയിലിൽവെച്ചുതന്നെ ഞാൻ മരിച്ചേക്കും, ഭാര്യയ്ക്കും ചിക...
17 Nov 2026
BREAKING NEWS
സ്പാ, മസാജ് സെന്ററുകൾ, വെൽനെസ് സെന്ററുകളിലെ ട്രീറ്റ്‌മെന്റ് മുറികൾ അകത്തു നിന്ന് കുറ്റി ഇടാനോ പുറത്തു നിന്ന് പൂട്ടാനോ കഴിയുന്ന തരത്തിൽ ആയിരിക്കരുത്, ട്രീറ്റ്‌മെന്റ് മുറികളിൽ സിസിടിവി ക്യാമറകൾ പാടില്ല, സ്വീകരണ സ്ഥലം, ഇടനാഴികൾ, ചികിത്സ- തെറാപ്പി മുറികളിലേക്കുള്ള പ്രവേശന കവാടങ്ങളിൽ ക്യാമറകൾ സ്ഥാപിക്...
17 Nov 2026
BREAKING NEWS
അവൾക്കങ്ങനെ പ്രതിസന്ധിയിൽ തളരാനാവില്ല, അവൾ ഭദ്രകീർത്തിയാ, അച്ഛന്റെ ഭദ്ര.... ജയബാലകൃഷ്ണന്റെ ട്രേഡ്മാർക്കായ ദോശയും ചമ്മന്തിയും ഓംലെറ്റും ചായയും വിളമ്പി വീണ്ടും ഒന്നേന്നുതുടങ്ങി അമ്മ ബിന്ദുവും മകളും
17 Nov 2026
BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026