BREAKING NEWS

2,000 ത്തിൽ നിന്ന് 3,000ത്തിലേയ്ക്ക്; പെൻഷൻ വർദ്ധനവ് ഉടൻ പ്രാബല്യത്തിലാകുമെന്ന് മുഖ്യമന്ത്രി വി.ഡി. സതീശൻ; ‘യുഡിഎഫിന്റെ വാഗ്ദാനം എൽഡിഎഫിന്റെതു പോലെയല്ല; വൈകിപ്പിക്കില്ല‘

· · 1 min read
Share: Copied!

തിരുവനന്തപുരം: യുഡിഎഫ് സർക്കാരിന്റെ പ്രധാന വാഗ്ദാനങ്ങളിലൊന്നായ ക്ഷേമ പെൻഷൻ 3000 രൂപയാക്കുന്നതിൽ കാലതാമസം ഉണ്ടാകില്ലെന്ന് മുഖ്യമന്ത്രി വി.ഡി. സതീശൻ. ക്ഷേമ പെൻഷൻ അർഹരായവരിലേക്ക് കൃത്യമായി എത്തിക്കുന്നതിനായി നിലവിലെ മാനദണ്ഡങ്ങളിൽ മാറ്റം വരുത്തി പുതിയ സംവിധാനം കൊണ്ടുവരുന്നത് സർക്കാർ ഗൗരവമായി പരിഗണിക്കുകയാണെന്നും അദ്ദേഹം വ്യക്തമാക്കി. നിയമസഭയിലെ ചോദ്യോത്തരവേളയിൽ മറുപടി നൽകുകയായിരുന്നു മുഖ്യമന്ത്രി.

ഈ മാസത്തെ ക്ഷേമ പെൻഷൻ ജൂൺ 24 മുതൽ വിതരണം ആരംഭിക്കുമെന്നും മുടക്കമില്ലാതെ പെൻഷൻ നൽകാനാണ് സർക്കാരിന്റെ ശ്രമമെന്നും അദ്ദേഹം പറഞ്ഞു. ക്ഷേമ പെൻഷൻ 3000 രൂപയാക്കുമെന്ന യുഡിഎഫിന്റെ വാഗ്ദാനം എൽഡിഎഫ് സർക്കാരിന്റെ വാഗ്ദാനങ്ങൾ പോലെ വൈകിപ്പിക്കില്ലെന്നും മുഖ്യമന്ത്രി കൂട്ടിച്ചേർത്തു.

“ക്ഷേമ പെൻഷൻ 3000 രൂപയാക്കുമെന്ന യുഡിഎഫ് വാഗ്ദാനം എൽഡിഎഫ് നൽകിയ വാഗ്ദാനം പോലെയാകില്ല. 2500 രൂപയാക്കുമെന്നായിരുന്നു എൽഡിഎഫിന്റെ പ്രഖ്യാപനം. എന്നാൽ ആദ്യ എൽഡിഎഫ് സർക്കാരിന്റെ കാലാവധി അവസാനിക്കാനിരിക്കെയാണ് 1500 രൂപയിൽ നിന്ന് 100 രൂപ വർധിപ്പിച്ചത്. പിന്നീട് 2000 രൂപയാക്കി ഉയർത്തിയത് രണ്ടാം എൽഡിഎഫ് സർക്കാരിന്റെ കാലാവധി അവസാനിക്കാനിരിക്കെയുമായിരുന്നു. അത്തരമൊരു കാലതാമസം യുഡിഎഫ് വരുത്തില്ല,” മുഖ്യമന്ത്രി പറഞ്ഞു.

എസി ഉള്ള വീടുകളിലെ ഗുണഭോക്താക്കൾക്ക് പെൻഷൻ നിഷേധിക്കുന്നതുമായി ബന്ധപ്പെട്ട് വ്യാപക പരാതികൾ ലഭിച്ചിട്ടുണ്ടെന്നും നിലവിലെ മാനദണ്ഡങ്ങളെക്കുറിച്ച് വിവിധ കോണുകളിൽ നിന്ന് ആക്ഷേപങ്ങൾ ഉയർന്നിട്ടുണ്ടെന്നും അദ്ദേഹം വ്യക്തമാക്കി. ഇക്കാര്യങ്ങൾ വിശദമായി പരിശോധിക്കുമെന്നും മുഖ്യമന്ത്രി പറഞ്ഞു.

അതേസമയം, അനർഹരായ ചിലർ നിലവിൽ ക്ഷേമ പെൻഷൻ പദ്ധതിയുടെ ഗുണഭോക്തൃ പട്ടികയിലുണ്ടെന്നും അർഹരായവരെ ഉൾപ്പെടുത്തുകയും അനർഹരെ ഒഴിവാക്കുകയും ചെയ്യുന്ന പുതിയ സംവിധാനം രൂപീകരിക്കുന്നത് സർക്കാർ ഗൗരവമായി ആലോചിക്കുകയാണെന്നും അദ്ദേഹം അറിയിച്ചു.

അങ്കണവാടിയിൽ മൂന്നര വയസുകാരിക്ക് നേരെ ലൈം​ഗികാധിക്രമം; ഇരുപതുകാരൻ ഒളിവിൽ; അന്വേഷണം ഉർജ്ജിതമാക്കി പോലീസ്

BREAKING NEWS
പത്മജയെ പോലെ നാണവും നേരും നിലപാടും നെറിയും ഇല്ലാത്ത ജന്മങ്ങളെ പാർട്ടിയിലേക്ക് തിരിച്ചുകൊണ്ടുവരുന്നു, പിന്നെ എന്തുകൊണ്ട് രാഹുല്‍ മങ്കൂട്ടത്തിലിന് അവസരം കൊടുക്കുന്നില്ല?? സ്വന്തം നേതാക്കള്‍ തള്ളി പറഞ്ഞപ്പോഴും പാര്‍ട്ടിയ്‌ക്കെതിരെ ഒരക്ഷരം പോലും അയാള്‍ പറഞ്ഞിട്ടില്ല, പത്മജയോ?? അവരെ തിരിച്ചെടുക്കുന്ന...
20 Nov 2026
BREAKING NEWS
കോണ്‍ഗ്രസ് പ്രവര്‍ത്തകര്‍ തെരുവില്‍ കിടന്ന് പോരാടിയത് അധികാര കൊതി മൂത്ത് പാളയങ്ങള്‍ മാറി ചേക്കേറുന്ന പദ്മജമാര്‍ക്ക് വേണ്ടിയല്ല, പദ്മജ-പദ്മിനിമാര്‍ ബൂത്തുകളില്‍ പ്രവര്‍ത്തിക്കട്ടെ, സെലിബ്രേറ്റഡ് പ്രിവിലേജുകളുടെ കാലം കഴിഞ്ഞു, സാധാരണക്കാരായ പാര്‍ട്ടി പ്രവര്‍ത്തകര്‍ പരിഗണിക്കപ്പെടട്ടെ- അലോഷ്യസ് സേവ്യര്‍
20 Nov 2026
BREAKING NEWS
സ്കൂട്ടറിനു പിന്നിൽ കണ്ടെയ്‌നർ ട്രക്കിടിച്ചു, 32കാരിക്ക് ദാരുണാന്ത്യം
20 Nov 2026
BREAKING NEWS
രണ്ട് പെൺമക്കളുടെ അമ്മ, പക്ഷേ മുംബൈയിൽ 40 വർഷമായി ഒറ്റയ്ക്ക്; മരണത്തിനു പിന്നാലെ മക്കളെ തേടി പത്രപരസ്യം നല്കി അയൽവാസികൾ, നൊമ്പരമായി കുറിപ്പ്
20 Nov 2026