BREAKING NEWS

കുതിരസവാരിയിലും മഞ്ജു സൂപ്പർ സ്റ്റാർ! കഠിനാദ്ധ്വനത്തിലൂടെ കൈപ്പിടിയിലാക്കിയത് ചിരകാല സ്വപ്നം; പുലർച്ചെ അഞ്ച് മണി മുതൽ ആലുവ മണപ്പുറത്തെത്തി പരിശീലനം; ലശിത വേഷവിധാനങ്ങളുമായി എത്തിയിരുന്ന താരത്തെ ആരും തിരിച്ചറിഞ്ഞില്ല

· · 1 min read
Share: Copied!

ആലുവ: അഭിനയത്തിലെ മികവിന് പുറമെ അത്യന്തം ആത്മവിശ്വാസത്തോടെയും അർപ്പണബോധത്തോടെയും പുതിയ കാര്യങ്ങൾ പഠിച്ചെടുക്കാനുള്ള മനോഭാവമാണ് മഞ്ജു വാര്യരെ ശ്രദ്ധേയയാക്കി മാറ്റുന്നത്. സാഹസിക യാത്രകളും ബൈക്ക് റൈഡിംഗും ഇഷ്ടപ്പെടുന്ന മഞ്ജു വാര്യർ ഇപ്പോൾ മറ്റൊരു സ്വപ്നം കൂടി യാഥാർത്ഥ്യമാക്കിയിരിക്കുകയാണ് — കുതിരസവാരി. അത്യന്തം കഠിന പരിശ്രമം ആവശ്യമായ കുതിരസവാരി ചുരുങ്ങിയ സമയത്തിനുള്ളിൽ കൈപ്പിടിയിലാക്കിയിരിക്കുകയാണ് മഞ്ജു.

കഴിഞ്ഞ ഒരു മാസത്തോളമായി ആലുവ ശിവരാത്രി മണപ്പുറത്ത് രഹസ്യമായിട്ടായിരുന്നു താരത്തിന്റെ കുതിരസവാരി പരിശീലനം നടന്നത്. പുലർച്ചെ അഞ്ച് മണിക്ക് തന്നെ സ്ഥലത്തെത്തിയിരുന്ന മഞ്ജു, ദിവസവും രണ്ട് മണിക്കൂറിലേറെ കഠിന പരിശീലനം നടത്തിയെന്നാണ് വിവരം. ആലുവ തോട്ടക്കാട്ടുകര സ്വദേശി ആലപ്പാട്ട് ജോർജ് ഡയസിന്റെ പരിശീലനത്തിലായിരുന്നു താരം. ജോർജിന്റെ ഉടമസ്ഥതയിലുള്ള ‘ലോറ’ എന്ന പെൺകുതിരയിലായിരുന്നു മഞ്ജുവിന്റെ പരിശീലനം.

പരിശീലകന്റെ വാക്കുകളിൽ, വെറും ഒരാഴ്ചയ്ക്കുള്ളിൽ തന്നെ മഞ്ജു കുതിരയെ നിയന്ത്രിക്കുന്ന അടിസ്ഥാന പാഠങ്ങൾ പഠിച്ചെടുത്തു. പിന്നീട് ആത്മവിശ്വാസത്തോടെ ഒറ്റയ്ക്ക് സവാരി നടത്തുകയും ചെയ്തു. സിനിമയിലെ കഥാപാത്രങ്ങൾക്കായി മാത്രമല്ല, വ്യക്തിപരമായ താൽപര്യത്തോടെയാണ് താരം ഈ പരിശീലനം ആരംഭിച്ചതെന്നാണ് അടുത്തവൃത്തങ്ങൾ പറയുന്നത്.

എറണാകുളത്തെ ഫ്ലാറ്റിൽ നിന്ന് ജാക്കറ്റും തൊപ്പിയും ധരിച്ച് സ്വന്തം ബൈക്കിൽ ആലുവയിലേക്ക് എത്തുന്ന മഞ്ജുവിനെ പലർക്കും ആദ്യനോട്ടത്തിൽ തിരിച്ചറിയാനായിരുന്നില്ല. പുലർച്ചെയായതിനാലും ലളിതമായ വേഷധാരണയിലായതിനാലും മണപ്പുറത്ത് പതിവായി എത്തുന്നവർക്കുപോലും ഇത് പിന്നീട് മാത്രമാണ് മനസ്സിലായത്.പരിശീലനം കഴിഞ്ഞ ശേഷം ആലുവയിലെ തട്ടുകടകളിൽ നിന്ന് ലളിതമായ പ്രഭാതഭക്ഷണം കഴിച്ച ശേഷമാണ് താരം മടങ്ങുക.

പരിശീലനത്തിനിടെ നടൻമാരായ സണ്ണി വെയ്ൻ, സിജു വിൽസൺ, നിർമ്മാതാവ് ബിനീഷ് ചന്ദ്രൻ എന്നിവരും മഞ്ജുവിനൊപ്പം എത്തിയിരുന്നു. ആലുവ സ്വദേശിയായ സിജു വിൽസൺ വഴിയാണ് മഞ്ജു പരിശീലകൻ ജോർജ് ഡയസിനെ പരിചയപ്പെട്ടത്.

കുതിര സവാരിയോട് അത്രമേൽ താൽപര്യം തോന്നിയ മഞ്ജു സ്വന്തമായി ഒരു കുതിര വാങ്ങാനുള്ള ആലോചനയിലാണെന്ന വിവരവും പുറത്തുവരുന്നുണ്ട്. സാഹസികതയോടുള്ള താരത്തിന്റെ ആവേശം അറിയുന്ന ആരാധകർക്ക് ഇത് അതിശയകരമല്ല. ബൈക്ക് റൈഡിംഗിനും ദീർഘയാത്രകൾക്കും പേരുകേട്ട മഞ്ജു, ഇപ്പോൾ കുതിരസവാരിയും തന്റെ ജീവിതത്തിന്റെ ഭാഗമാക്കാനൊരുങ്ങുകയാണ്.

നിയുക്ത മുഖ്യമന്ത്രി കെ. മുരളീധരന് അഭിവാദ്യങ്ങൾ, കെ മുരളീധരന് വേണ്ടി കളത്തിലിറങ്ങി അണികള്‍, കണ്ണൂരില്‍ ഫ്ലക്സ് ബോര്‍ഡുകള്‍

BREAKING NEWS
'അഭിവാദ്യങ്ങൾ അഭിവാദ്യങ്ങൾ, ധീരസഖാക്കൾക്ക് അഭിവാദ്യങ്ങൾ, ലാൽസലാം സഖാക്കളേ, ജയിലറ കണ്ട് വിരണ്ടവരല്ല, ജയിലറ കണ്ട് വിറച്ചവരല്ല, ജയിലറ കണ്ട് വളർന്നവരാണേ'... ഷുക്കൂർ വധക്കേസ് പ്രതികളെ ജയിലിലേക്കു കൊണ്ടു പോകുന്നതിനിടെ അഭിവാദ്യമർപ്പിച്ച് സിപിഎം പ്രവർത്തകർ, മുഷ്ടി ചുരുട്ടി തിരികെ അഭിവാദ്യമർപ്പിച്ച് പ്രതി...
20 Nov 2026
BREAKING NEWS
പി ജയരാജനേയും ടി.വി. രാജേഷിനേയും വെറുതെ വിട്ടതിനു പിന്നിൽ സിബിഐയുടെ തുമ്പും തുലാനുമില്ലാത്ത കണ്ടുപിടിത്തങ്ങൾ... ഓരോ ചുവടും പിഴച്ചു, രണ്ടാം പ്രതി ഗണേശനെ തിരിച്ചറിയൽ പരേഡിൽ പ്രധാന സാക്ഷികൾക്ക് കഴിഞ്ഞില്ല, ആശുപത്രി മുറിയിൽ 28 മുതൽ 33 വരെയുള്ള പ്രതികൾ ഗൂഢാലോചന നടത്തിയെന്ന വാദം സാധൂകരിക്കാൻ പ്രോസിക്യൂ...
20 Nov 2026
BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026