BREAKING NEWS

‘അനൂപ് ആന്റണി എന്റെ വലംകൈ;രാജ്യം മുഴുവൻ എനിക്കു വേണ്ടി സഞ്ചരിച്ചിട്ടുണ്ട് അത് ആർക്കും അറിയാത്ത കാര്യം‘: നരേന്ദ്രമോദി- ‘കോൺഗ്രസ് കേന്ദ്രം ഭരിച്ച സമയത്തെക്കാൾ അഞ്ച് ഇരട്ടി പണമാണ് എൻഡിഎ സർക്കാർ കേരളത്തിനു വേണ്ടി നൽകിയത് ‘

· · 1 min read
Share: Copied!

പത്തനംതിട്ട: എൽഡിഎഫ് സർക്കാരിന്റെ കൗണ്ട്ഡൗൺ തുടങ്ങിയെന്ന് പ്രധാനമന്ത്രി നരേന്ദ്ര മോദി. കേരളത്തിൽ ആദ്യമായി എൻഡിഎ സർക്കാർ വരാൻ പോവുകയാണെന്നും തിരുവല്ലയിൽ നടന്ന തിരഞ്ഞെടുപ്പ് സമ്മേളനത്തിൽ അദ്ദേഹം പറഞ്ഞു. പല തവണ കേരളത്തിൽ തിരഞ്ഞെടുപ്പ് പ്രചാരണത്തിന് എത്തിയിട്ടുണ്ട്. എന്നാൽ ഇത്തവണത്തെ കാറ്റ് വ്യത്യസ്തമാണെന്നും മോദി പറഞ്ഞു. അനൂപ് ആന്റണിയും സംഘടന ചുമതലയുള്ള ജനറൽ സെക്രട്ടറി എസ്. സുരേഷും നൽകിയ പടയണിയുടെ തപ്പ് കൊട്ടി മോദി ബിജെപി പ്രവർത്തകരെ ആവേശത്തിലാഴ്ത്തി. മലയാളത്തിലാണ് മോദി തന്റെ പ്രസംഗം ആരംഭിച്ചത്.

‘‘അനൂപ് ആന്റണി കഴിഞ്ഞ 5 വർഷമായി എനിക്കു വേണ്ടി ജോലി ചെയ്യുന്ന ആളാണ്. രാജ്യം മൊത്തം എനിക്കു വേണ്ടി സഞ്ചരിച്ചിട്ടുണ്ട്. അദ്ദേഹത്തിന്റെ ശക്തിയെപ്പറ്റി എനിക്ക് അറിയാം. കുറേ കാലമായി എന്റെ വലംകൈയ്യായി അനൂപ് പ്രവർത്തിക്കുകയാണ്. അത് നിങ്ങൾക്ക് ആർക്കും അറിയില്ല. ഇനി അനൂപിന്റെ സംഭാവന നാടിനു ലഭിക്കാൻ പോവുകയാണ്. തിരുവല്ലയിലെ ജനങ്ങളുടെ വിശ്വാസമാണ് ഞങ്ങളുടെ ഏറ്റവും വലിയ ശക്തി’’ – പ്രധാനമന്ത്രി പറഞ്ഞു.

കേരളം വികസനത്തിന്റെ കാര്യത്തിൽ മറ്റ് സംസ്ഥാനങ്ങളെക്കാൾ വളരെ പിന്നിലാണ്. ഗ്രാമീണ ഇട റോഡുകളുടെയൊക്കെ അവസ്ഥ പരിതാപകരമാണ്. തൊട്ടടുത്തുള്ള കോട്ടയം മെഡിക്കൽ‌ കോളജിന്റെ അവസ്ഥ പരിതാപകരമാണ്. കേരളത്തിൽ നാളിതു വരെ ബിജെപി സർക്കാർ ഉണ്ടായിട്ടില്ല. എന്നിട്ടും കേരളത്തിന്റെ വികസനത്തിനു വേണ്ടി ഒരവസരവും ഞങ്ങൾ പാഴാക്കിയിട്ടില്ല. കോൺഗ്രസ് കേന്ദ്രം ഭരിച്ച സമയത്തെക്കാൾ അഞ്ച് ഇരട്ടി പണമാണ് എൻഡിഎ സർക്കാർ കേരളത്തിനു വേണ്ടി നൽകിയത്.’–മോദി പറഞ്ഞു.

ക്രിസ്ത്യൻ സഹോദരന്മാർ ധാരാളമുള്ള വടക്കുകിഴക്കൻ സംസ്ഥാനങ്ങളിൽ ഒരിടത്തൊഴികെ മറ്റെല്ലായിടത്തും എൻഡിഎ സർക്കാരാണ്. ക്രിസ്ത്യൻ വിഭാഗങ്ങൾക്ക് നിർണായക സ്വാധീനമുള്ള ഗോവയിൽ ബിജെപി സർക്കാരാണ് ഭരിക്കുന്നത്. കേരളത്തിലും ബിജെപി സർക്കാർ വരും. കേരളത്തിന്റെ അടിസ്ഥാന സൗകര്യ മേഖലയെ ആധുനികീകരിക്കാനുള്ള ശ്രമങ്ങൾ കേന്ദ്ര സർക്കാർ നടത്തിക്കൊണ്ടിരിക്കുകയാണ്. ദേശീയപാത വികസനം സാധ്യമാക്കിയത് നരേന്ദ്ര മോദി സർക്കാരാണ്. കോട്ടയം വഴി അതിവേഗത്തിൽ വന്ദേഭാരത് ട്രെയിൻ ഓടുന്നുണ്ട്. പാത ഇരട്ടിപ്പിക്കൽ‌ സുഗമമായി നടക്കുകയാണ്. ശബരി റെയിൽ പദ്ധതി വരുന്നതോടെ പുതിയ അവസരങ്ങൾ തുറക്കും. ഇതോടെ ശബരിമല തീർഥാടനം സുഗമമാകും. കേരളത്തിൽ ഭരണത്തിലിരുന്നവർ ഈ പദ്ധതികൾ നടക്കാതിരിക്കാനുള്ള കാര്യങ്ങളാണ് ചെയ്യുന്നത്. അതിന്റെ നഷ്ടം തിരുവല്ലയ്ക്കാണ്. ബിജെപി സർക്കാർ വരുന്നതോടെ ഈ തടസങ്ങളൊക്കെ മാറും. ഇത് മോദിയുടെ ഗ്യാരന്റിയാണ്.മൂന്നാംഘട്ട പ്രചാരണത്തിനായി വീണ്ടും കേരളത്തിലെത്തിയതാണ് പ്രധാനമന്ത്രി.

ട്രക്കിങ്ങിനുപോയ കണ്ണൂര്‍ സ്വദേശിനിയെ നിബിഡ വനത്തില്‍ കാണാതായി, രണ്ട് ദിവസം കഴിഞ്ഞിട്ടും വിവരമില്ല, യാത്ര പുറപ്പെട്ടത് ഒറ്റയ്ക്ക്

BREAKING NEWS
പത്മജയെ പോലെ നാണവും നേരും നിലപാടും നെറിയും ഇല്ലാത്ത ജന്മങ്ങളെ പാർട്ടിയിലേക്ക് തിരിച്ചുകൊണ്ടുവരുന്നു, പിന്നെ എന്തുകൊണ്ട് രാഹുല്‍ മങ്കൂട്ടത്തിലിന് അവസരം കൊടുക്കുന്നില്ല?? സ്വന്തം നേതാക്കള്‍ തള്ളി പറഞ്ഞപ്പോഴും പാര്‍ട്ടിയ്‌ക്കെതിരെ ഒരക്ഷരം പോലും അയാള്‍ പറഞ്ഞിട്ടില്ല, പത്മജയോ?? അവരെ തിരിച്ചെടുക്കുന്ന...
20 Nov 2026
BREAKING NEWS
കോണ്‍ഗ്രസ് പ്രവര്‍ത്തകര്‍ തെരുവില്‍ കിടന്ന് പോരാടിയത് അധികാര കൊതി മൂത്ത് പാളയങ്ങള്‍ മാറി ചേക്കേറുന്ന പദ്മജമാര്‍ക്ക് വേണ്ടിയല്ല, പദ്മജ-പദ്മിനിമാര്‍ ബൂത്തുകളില്‍ പ്രവര്‍ത്തിക്കട്ടെ, സെലിബ്രേറ്റഡ് പ്രിവിലേജുകളുടെ കാലം കഴിഞ്ഞു, സാധാരണക്കാരായ പാര്‍ട്ടി പ്രവര്‍ത്തകര്‍ പരിഗണിക്കപ്പെടട്ടെ- അലോഷ്യസ് സേവ്യര്‍
20 Nov 2026
BREAKING NEWS
സ്കൂട്ടറിനു പിന്നിൽ കണ്ടെയ്‌നർ ട്രക്കിടിച്ചു, 32കാരിക്ക് ദാരുണാന്ത്യം
20 Nov 2026
BREAKING NEWS
രണ്ട് പെൺമക്കളുടെ അമ്മ, പക്ഷേ മുംബൈയിൽ 40 വർഷമായി ഒറ്റയ്ക്ക്; മരണത്തിനു പിന്നാലെ മക്കളെ തേടി പത്രപരസ്യം നല്കി അയൽവാസികൾ, നൊമ്പരമായി കുറിപ്പ്
20 Nov 2026