Kerala

മാറ്റത്തിന്റെ സാരഥികളായി സ്ത്രീകൾ; ‘സേ യെസ്’ നേതൃത്വ സംഗമത്തിന് കൊച്ചിയിൽ തുടക്കം

· · 1 min read
Share: Copied!

കൊച്ചി, : വ്യവസായ-വാണിജ്യ മേഖലകളിൽ സ്ത്രീകളുടെ നേതൃപാടവം ഉറപ്പാക്കാനും തുല്യപങ്കാളിത്തം ഉറപ്പുവരുത്താനും ലക്ഷ്യമിട്ട് സി.ഐ.ഐ ഇന്ത്യൻ വിമെൻ നെറ്റ്‌വർക്ക് (IWN) സംഘടിപ്പിക്കുന്ന ഏഴാം വാർഷിക നേതൃത്വ സംഗമത്തിന് ‘സേ യെസ് 2026’ (SAY YES) കൊച്ചിയിൽ തുടക്കമായി. ‘മാറ്റത്തിന് നേതൃത്വം നൽകുക, ഭാവിയെ രൂപപ്പെടുത്തുക’ എന്ന പ്രമേയത്തിൽ സംഘടിപ്പിച്ച പരിപാടി സ്പൈസസ് ബോർഡ് ചെയർപേഴ്സൺ അഡ്വ. സംഗീത വിശ്വനാഥൻ ഉദ്ഘാടനം ചെയ്തു.
മൂല്യാധിഷ്ഠിതമാകണം നേതൃത്വം
സാഹചര്യങ്ങൾ മാറിക്കൊണ്ടിരിക്കുമ്പോഴും മൂല്യങ്ങളിലും ധാർമ്മികതയിലും വിട്ടുവീഴ്ച ചെയ്യാത്ത നേതൃത്വമാണ് കാലഘട്ടം ആവശ്യപ്പെടുന്നതെന്ന് അഡ്വ. സംഗീത വിശ്വനാഥൻ പറഞ്ഞു. “സ്ത്രീകൾ ഇപ്പോൾ അവസരങ്ങൾക്കായി കാത്ത് നിൽക്കുകയല്ല, മറിച്ച് തങ്ങൾക്കായി സ്വന്തം ഇടങ്ങൾ സൃഷ്ടിക്കുകയാണ്. ഒരു സ്ത്രീ ഉയർച്ച കൈവരിക്കുമ്പോൾ അവൾ തനിച്ചല്ല വളരുന്നത്; ഒരു സമൂഹത്തിന് മുഴുവൻ പ്രയോജനപ്പെടുന്ന രീതിയിൽ സാഹചര്യം ഒരുക്കുകയാണ് അവൾ ചെയ്യുന്നത്,” – അവർ കൂട്ടിച്ചേർത്തു. ഐ.ഡബ്ല്യു.എൻ പോലുള്ള വേദികൾ സ്ത്രീകൾക്ക് പരസ്പരം താങ്ങും തണലുമാകാൻ സഹായിക്കുമെന്നും അവർ ഓർമ്മിപ്പിച്ചു.
നിർമ്മാണ മേഖലയിലെ സ്ത്രീ പങ്കാളിത്തം
നിർമ്മാണ മേഖലയുൾപ്പെടെയുള്ള ഇടങ്ങളിൽ സ്ത്രീകളുടെ പ്രാതിനിധ്യം കുറവാണെങ്കിലും എൻജിനീയറിങ് മേഖലയിലേക്ക് കൂടുതൽ പെൺകുട്ടികൾ വരുന്നത് ശുഭസൂചനയാണെന്ന് വോൾവോ കൺസ്ട്രക്ഷൻ എക്യുപ്‌മെന്റ് ഇന്ത്യ മാനേജിങ് ഡയറക്ടർ ഡിമിട്രോവ് കൃഷ്ണൻ പറഞ്ഞു. സ്ത്രീകളെ നേതൃസ്ഥാനങ്ങളിലേക്ക് എത്തിക്കാൻ പ്രത്യേക തൊഴിൽ നയങ്ങൾ ആവശ്യമാണെന്നും അദ്ദേഹം ചൂണ്ടിക്കാട്ടി.
കൈപിടിച്ചുയർത്തുന്ന നെറ്റ്‌വർക്കിങ്
നെറ്റ്‌വർക്കിങ് എന്നാൽ വെറും പരിചയപ്പെടലുകൾക്കപ്പുറം മറ്റൊരാളെ ഉയരങ്ങളിലേക്ക് എത്തിക്കാനുള്ള കരുത്തായി മാറണമെന്ന് ഐ.ഡബ്ല്യു.എൻ സതേൺ റീജിയൻ ചെയർപേഴ്സണും റാണെ മദ്രാസ് സി.ഇ.ഒയുമായ ഗൗരി കൈലാസം പറഞ്ഞു. ഓരോ സ്ത്രീയും മറ്റൊരു സ്ത്രീയെ ഉന്നത സ്ഥാനത്തെത്താൻ സഹായിച്ചാൽ ഐ.ഡബ്ല്യു.എൻ അതിന്റെ ലക്ഷ്യം പൂർത്തീകരിക്കുമെന്നും അവർ വ്യക്തമാക്കി.
ജോലിയുടെ തുടക്കത്തിൽ മികച്ച സ്ത്രീ പങ്കാളിത്തം കാണാമെങ്കിലും സീനിയർ തസ്തികകളിൽ സ്ത്രീകൾ കുറവാണെന്ന് സി.ഐ.ഐ കേരള സ്റ്റേറ്റ് കൗൺസിൽ ചെയർമാൻ വി.കെ.സി റസാഖ് പറഞ്ഞു. കുടുംബത്തിന് മുൻഗണന നൽകുന്ന തൊഴിൽ നയങ്ങളും പ്രത്യേക പരിശീലനങ്ങളും വഴി ഈ വിടവ് നികത്താൻ സാധിക്കും. സംസ്ഥാന സർക്കാരിന്റെയും ഐ.ഡബ്ല്യു.എന്നിന്റെയും വിവിധ സ്ത്രീ ശാക്തീകരണ പ്രവർത്തനങ്ങളെക്കുറിച്ചും അദ്ദേഹം സംസാരിച്ചു.
ഐ.ഡബ്ല്യു.എൻ സതേൺ റീജിയൻ ഡെപ്യൂട്ടി ചെയർപേഴ്സൺ ശിവപ്രിയ ബാലഗോപാൽ ചടങ്ങിൽ കൃതജ്ഞത രേഖപ്പെടുത്തി. ദക്ഷിണേന്ത്യയിലെ വിവിധ സംസ്ഥാനങ്ങളിൽ നിന്നായി 220-ഓളം പ്രതിനിധികൾ പങ്കെടുക്കുന്ന ദ്വിദിന സംഗമത്തിൽ ഇന്നൊവേഷൻ, സസ്റ്റൈനബിലിറ്റി, മെന്റർഷിപ്പ് തുടങ്ങിയ വിഷയങ്ങളിൽ ചർച്ചകൾ നടക്കും.

BREAKING NEWS
ബാങ്കിൽനിന്ന് പണമെടുത്തിറങ്ങിയ യുവാവിനെ പട്ടാപ്പകൽ ആക്രമിച്ച് 9.90 ലക്ഷം കവർന്നു; നാലംഗസംഘത്തിന്റെ വിളയാട്ടം പട്ടാപ്പകൽ നാട്ടുകാരുടെ കൺമുമ്പിൽ; ആക്രമണത്തിന്റെ ദൃശ്യങ്ങൾ പുറത്ത്; സംഭവം നിലമ്പൂരിൽ
16 Nov 2026
BREAKING NEWS
പരിശോധനയ്ക്കിടെ സംശകരമായി വന്ന മഹീന്ദ്ര ഥാർ തടഞ്ഞു; പോലീസുകാർക്കു നേരെ ഥാർ ഇടിച്ചുകയറ്റി ലഹരി സംഘം; നാലുപേർക്ക് പരിക്ക്; സിപിഒയുടെ കൈ ഒടിഞ്ഞു തൂങ്ങി, മൂന്നുപേർ പിടിയിൽ
16 Nov 2026
BREAKING NEWS
ഫുക്കറ്റിൽ വൻ തീപിടിത്തം; 11 പേർ വെന്തുമരിച്ചു, 16 പേർക്ക് പരുക്ക്; നൂറോളം ബൈക്കുകൾ കത്തിയമർന്നു, പെട്രോൾ, എൻജിൻ ഓയിൽ, പ്ലാസ്റ്റിക് വസ്തുക്കൾ, ടയറുകൾ എന്നിവ സൂക്ഷിച്ചിരുന്നിടം ചാമ്പലായി; സമീപത്തെ കെട്ടിടങ്ങളിലേക്കും തീ പടർന്നു
16 Nov 2026
BREAKING NEWS
’97 കോടി പൗരന്മാർ വോട്ട് രേഖപ്പെടുത്തുന്ന മഹത്തായ രാജ്യമാണ് ഇന്ത്യ; അവിടെ പോയി ജനാധിപത്യത്തെക്കുറിച്ച് ക്ലാസെടുത്തുകൊടുക്കേണ്ട ആവശ്യമില്ല’; ഫിലിബെക്കിന്റെ വിമർശനത്തിന് ഇറ്റാലിയൻ പ്രധാനമന്ത്രി ജോർജിയ മെലോണിയുടെ പാർട്ടി നേതാവ്
16 Nov 2026