കൊച്ചി , 08 .01 .2026
റിലയന്സ് സ്ഥാപക ചെയര്മാന് ധീരുഭായ് അംബാനിയുടെ 93ാം ജന്മവാര്ഷികത്തോട് അനുബന്ധിച്ച്, റിലയന്സ് ഫൗണ്ടേഷന് പ്രഖ്യാപിച്ച 2025-26 വര്ഷത്തെ ബിരുദ, ബിരുദാനന്തര സ്കോളര്ഷിപ്പുകൾക്ക് കേരളത്തിൽ നിന്നുള്ള 351 വിദ്യാർത്ഥികൾ അർഹരായി. കഴിഞ്ഞ വർഷം 226 കുട്ടികളാണ് കേരളത്തിൽ നിന്ന് സ്കോളര്ഷിപ്പിന് അർഹരായത്. മൊത്തം 5,100 വിദ്യാര്ത്ഥികളെയാണ് സ്കോളര്ഷിപ്പിനായി തിരഞ്ഞെടുത്തത്.
ഒരു വലിയ, ദീര്ഘകാല ദേശീയ സംരംഭത്തിന്റെ ഭാഗമാണ് റിലയന്സ് ഫൗണ്ടേഷന്റെ സ്കോളര്ഷിപ്പുകള്. 2022 ല്, ഫൗണ്ടേഷന് സ്ഥാപകയും ചെയര്പേഴ്സണുമായ നിത എം അംബാനി, 10 വര്ഷത്തിനുള്ളില് 50,000 സ്കോളര്ഷിപ്പുകള് നല്കുമെന്ന് പ്രഖ്യാപിച്ചിരുന്നു. 33,471 സ്കോളര്ഷിപ്പുകള് ഇതിനകം നല്കിക്കഴിഞ്ഞു.
Related Post
സ്കോളര്ഷിപ്പ് ലഭിച്ചവരില് 83% പേര് വാര്ഷിക വരുമാനം 2.5 ലക്ഷം രൂപയില് താഴെയുള്ള കുടുംബങ്ങളില് നിന്നുള്ളവരാണ്. ബിരുദാനന്തര വിദ്യാര്ത്ഥികള്ക്ക് 6 ലക്ഷം രൂപ വരെയും, ബിരുദ വിദ്യാര്ത്ഥികള്ക്ക് 2 ലക്ഷം രൂപ വരെയും ഗ്രാന്റായി ലഭിക്കും. തെരഞ്ഞെടുക്കപ്പെട്ടവരില് 146 പേര് ഭിന്നശേഷിവിഭാഗത്തില് നിന്നുള്ള വിദ്യാര്ത്ഥികളാണ്.
