Related Post
അജ്മാന്‍: മലയാളിയായ ജീവകാരുണ്യ പ്രവര്‍ത്തകനും കണ്ണൂര്‍ തലശ്ശേരി നെട്ടൂര്‍ കുന്നോത്ത് സ്വദേശിയുമായ ചോനോകടവത്ത് അഷ്റഫ് എന്ന അത്ലാല്‍ അഷ്റഫ് (55) മരിച്ചു. ഹൃദയാഘാതം മൂലം അജ്മാനില്‍ വെച്ചാണ് ഇദ്ദേഹം മരിച്ചത്. അജ്‌മാൻ നാസർ സുവൈദി മദ്രസ മാനേജിങ് കമ്മിറ്റി അംഗവും സമസ്ത, കെഎംസിസി പ്രസ്ഥാനങ്ങളിലെ നിറസാന്നിധ്യവുമായിരുന്നു.
പരേതനായ വിയു മമ്മൂട്ടി – സികെ ഫാത്തിമ ദമ്പതികളുടെ മകനാണ്. ഭാര്യ: പിണറായി സ്വദേശി ബുഷ്റ. മകൻ: മുഹമ്മദ്‌ റാഫിദ് (പിണറായി മാപ്പിള സ്കൂൾ അധ്യാപകൻ). സഹോദരങ്ങൾ: അബ്ദുറഹ്മാൻ, മുഹമ്മദ്‌ അലി, സുബൈദ, സൗദ, റസിയ, ഫൗസിയ, തൻസീറ. നടപടിക്രമങ്ങൾക്ക് ശേഷം അജ്‌മാൻ അൽ ജർഫ് ഖബർസ്ഥാനിൽ മൃതദേഹം ഖബറടക്കി.
