ന്യൂയോർക്ക്: യുഎസ് മുൻ പ്രസിഡന്റ് ബറാക് ഒബാമയും നടി ജെനിഫർ അനിസ്റ്റണും പ്രണയത്തിലെന്ന അഭ്യൂഹം ശക്തമാകുന്നു. ഇതിന് ആക്കം കൂട്ടാൻ പൊതുപരിപാടികളിൽ മിഷേലിന്റെ സാന്നിധ്യമില്ലെന്നാണ് മാധ്യമങ്ങളുടെ കണ്ടുപിടിത്തം. രാജ്യാന്തര മാധ്യമങ്ങളിലും സമൂഹ മാധ്യമങ്ങളിലുമാണ് ഇരുവരുടെയും പ്രണയ ബന്ധത്തെപ്പറ്റിയുള്ള സ്ഥിരീകരിക്കാത്ത റിപ്പോർട്ടുകൾ പ്രചരിക്കുന്നത്. ഒബാമയും മിഷേലും തമ്മിലുള്ള വിവാഹബന്ധത്തിൽ വിള്ളൽ വീണതായുള്ള അഭ്യൂഹങ്ങൾ നേരത്തേ പ്രചരിച്ചിരുന്നു. ഇതിനിടയിലാണ് ഒബാമ – അനിസ്റ്റൺ ബന്ധം ചർച്ചയാകുന്നത്.
എന്നാൽ സംഭവത്തിൽ ഒബാമയോ, മിഷേലോ, അനിസ്റ്റണോ ഇതുവരെ ഔദ്യോഗികമായി പ്രതികരണം നടത്തിയിട്ടില്ല. യുഎസ് മുൻ പ്രസിഡന്റ് ജിമ്മി കാർട്ടറുടെ മരണാനന്തരച്ചടങ്ങിലും ഡോണൾഡ് ട്രംപിന്റെ സ്ഥാനാരോഹണച്ചടങ്ങിലും മിഷേൽ ഒബാമ പങ്കെടുക്കാതിരുന്നത് നേരത്തെ ചർച്ചയായിരുന്നു. അതേ സമയം ഈ വിഷയത്തിൽ നടി ജെനിഫറിന്റെ മുൻ പ്രതികരണങ്ങൾ ഇതിനോടകം തന്നെ വൈറലായിക്കഴിഞ്ഞു.
ബറാക് ഒബാമയുമായുള്ള ബന്ധത്തെ കുറിച്ചുള്ള ചോദ്യത്തിനു ജെനിഫറിന്റെ മറുപടി ഇങ്ങനെ: ‘പ്രശസ്തിക്കുവേണ്ടി ചില മാധ്യമങ്ങൾ അവർക്കിഷ്ടമുള്ളത് എഴുതിപ്പിടിപ്പിക്കുന്നു. എന്താണ് ഇവിടെ സംഭവിക്കുന്നത്? ചില മഞ്ഞപ്പത്രങ്ങൾ ഇങ്ങനെ ചിലകാര്യങ്ങൾ പറയുന്നതിൽ എനിക്ക് പ്രത്യേകിച്ച് ഒന്നും തോന്നുന്നില്ല. മിഷേലിനെ എനിക്ക് അദ്ദേഹത്തേക്കാൾ നന്നായി അറിയാം.’– ജിമ്മി കിമ്മലിന്റെ അഭിമുഖത്തിലായിരുന്നു ജെനിഫറിന്റെ പ്രതികരണം.
Related Post
ഒബാമയുമായി അടുത്ത സൗഹൃദമില്ലെന്നും അദ്ദേഹത്തിന്റെ ഒരു ആരാധികമാത്രമാണും അന്ന് അഭിമുഖത്തിൽ ജെനിഫർ പറഞ്ഞിരുന്നു. കഴിഞ്ഞ വർഷം ‘ഇൻ ടച്ച്’ എന്ന മാസികയിലാണ് ബറാക് ഒബാമയും ജെനിഫറും തമ്മിൽ പ്രണയത്തിലാണെന്ന വാർത്ത ആദ്യമായി എത്തിയത്. ഇത് സത്യമാണോ എന്ന് അറിയില്ല. സത്യമാണെങ്കിൽ ഒരു രാഷ്ട്രീയ ഭൂമികുലുക്കം സൃഷ്ടിക്കുമെന്നാണ് സംഭവത്തെ കുറിച്ച് പ്രശസ്ത മാധ്യമപ്രവർത്തക മെഗൈൻ കെല്ലി ടെലിവിഷൻ പരിപാടിയിലൂടെ പറഞ്ഞത്. മാത്രമല്ല ഒരു പ്രസിഡന്റ് വിവാഹമോചനം നേടിയത് തന്റെ ഓർമയിൽ ഇല്ലെന്നും കെല്ലി കൂട്ടിച്ചേർത്തു.
ഇനി മുതൽ യുഎസിൽ നിന്ന് വിദേശ സഹായങ്ങൾ ലഭിക്കില്ല, ഇസ്രയേലിനും ഈജിപ്തിനുമുള്ള സഹായങ്ങൾ തുടരും, ട്രംപിന്റെ പുതിയ തീരുമാനം ഏറ്റവും കൂടുതൽ ബാധിക്കുക യുക്രെയ്നെ, 2023ൽ മാത്രം അമേരിക്ക നടത്തിയത് 64 ബില്യൺ ഡോളറിലധികം രൂപയുടെ സഹായങ്ങൾ
