പത്തുവര്‍ഷത്തെ ഇടവേളക്കുശേഷം നടി ജെലീനിയ ഡിസൂസ മടങ്ങിവരുന്നു. കന്നട തെലുങ്ക് ദ്വിഭാഷ ചിത്രത്തിലൂടെയാണ് ജെനീലയുടെ മടങ്ങിവരവ്. ഒരു സോഫ്ട്വെയര്‍ കമ്പനി സി. ഇ.ഒയുടെ വേഷത്തിലാണ് താരം എത്തുന്നത്. ടോളിവുഡിലെ മുന്‍നിര നടിയായിരുന്ന ജെനീലിയ 2012ലാണ് അവസാനമായി തെലുങ്ക് ചിത്രത്തില്‍ അഭിനയിച്ചത്. ബോളിവുഡില്‍ അരങ്ങേറ്റം കുറച്ചാണ് ജെനീലിയ വെള്ളിത്തിരയില്‍ എത്തുന്നത.് സത്യം ആണ് ആദ്യ തെലുങ്ക് ചിത്രം. സത്യ ഇന്‍ ലൗവ് ആണ് ആദ്യ കന്നട ചിത്രം.
2012നുശേഷം ഹിന്ദിയിലും മറാത്തിയിലുമായി ജെനീലിയ രണ്ടുചിത്രങ്ങളില്‍ അതിഥി വേഷത്തില്‍ പ്രത്യക്ഷപ്പെട്ടു. ഈ വര്‍ഷം ഒരു മറാത്തി സിനിമയിലും നടി അരങ്ങേറ്റം കുറിക്കുന്നുണ്ട്. ഹിന്ദിയില്‍ മിസ്റ്റര്‍ മമ്മി എന്ന ചിത്രത്തിലും അഭിനയിക്കുന്നുണ്ട്. ഉറുമി ആണ് താരം മലയാളത്തില്‍ അഭിനയിച്ച ഏക ചിത്രം.
