കൃഷ്ണ മൃഗത്തെ വേട്ടയാടിയ കേസില്‍ വിധി പ്രസ്താവം കേള്‍ക്കാന്‍ രാജസ്ഥാനിലെത്തിയ നടന്‍ സെയ്ഫ് അലിഖാന്‍ ഡ്രൈവറെ വിരട്ടുന്ന വീഡിയോ പുറത്ത്. വിമാനത്താവളത്തില്‍ വന്നിറങ്ങിയപ്പോഴായിരുന്നു സംഭവം. വിധി പ്രസ്താവം ഇന്നായതിനാല്‍ മാധ്യമപ്രവര്‍ത്തകര്‍ വിമാനത്താവളത്തില്‍ തടിച്ച് കൂടിയിരുന്നു. സെയ്ഫ് അലിഖാനെ കണ്ടയുടന്‍ മാധ്യമസംഘം അദ്ദേഹത്തേയും കാറിനേയും വളഞ്ഞു. മാധ്യമങ്ങളോട് പ്രതികരിക്കാതെ കാറിനകത്ത് കയറിയ സെയ്ഫ് അലിഖാനേയും കൊണ്ട് കാറ് വേഗം സ്റ്റാര്‍ട്ട് ചെയ്ത് പോകാത്തതിനെ തുടര്‍ന്നാണ് സെയ്ഫ് ചൂടായത്. ഗ്ലാസ് താഴ്ത്തി വേഗം വണ്ടിയെടുത്തില്ലെങ്കില്‍ ചെകിടത്ത് കിട്ടുമെന്നാണ് സെയ്ഫ് പറയുന്നത്. കേസില്‍ സല്‍മാന്‍ ഖാന്‍ ഒഴികെ ബാക്കിയുള്ളവരെ കോടതി കുറ്റവിമുക്തരാക്കി.
വേഗം വണ്ടിയെടുത്തില്ലെങ്കില്‍ ചെകിടത്ത് കിട്ടും…… സെയിഫ് അലിഖാന്റ വിരട്ടല്‍ വീഡിയോ
