തിരുവനന്തപുരം: ഈമാസം 13ന് നടത്താനിരുന്ന പാലക്കാട് ഉപതെരഞ്ഞെടുപ്പ് തീയതിയിൽ മാറ്റം. വോട്ടെടുപ്പ് 20ലേക്കാണ് തെരഞ്ഞെടുപ്പ് കമ്മീഷൻ മാറ്റിവച്ചത്. കൽപാത്തി രഥോത്സവം കണക്കിലെടുത്താണ് തീയതി മാറ്റിയത്. അതേസമയം, വോട്ടെണ്ണൽ തീയതിൽ മാറ്റമില്ല.
രഥോത്സവം നടക്കുന്ന സാഹചര്യത്തിൽ തെരഞ്ഞെടുപ്പ് തീയതി മാറ്റണമെന്ന് വിവിധ രാഷ്ട്രീയ സംഘടനകൾ ആവശ്യപ്പെട്ടിരുന്നു
കേരളം, പഞ്ചാബ്, ഉത്തർപ്രദേശ് എന്നീ സംസ്ഥാനങ്ങളിലെ 14 മണ്ഡലങ്ങളിലെ തെരഞ്ഞെടുപ്പാണ് മാറ്റിയത്. ആ ദിവസത്തെ വിവിധ സാമൂഹ്യ, സാംസ്കാരിക, മതപരമായ സാഹചര്യങ്ങൾ പരിഗണിച്ച് നടപടിയെന്നാണ് തീയതി മാറ്റിക്കൊണ്ടുള്ള ഉത്തരവിൽ കേന്ദ്ര തെരഞ്ഞെടുപ്പ് കമ്മീഷൻ വ്യക്തമാക്കുന്നത്.
