‘ഞാനൊരു ഫെമിനിസ്റ്റാണ്’, മലയാള സിനിമ സ്ത്രീകളോട് ആവശ്യപ്പെടുന്നത് തല കുനിച്ചുനില്‍ക്കാനാണെന്ന് തുറന്നടിച്ച് റിമ കല്ലിങ്കല്‍ (വീഡിയോ)

മലയാള സിനിമാ മേഖലയിലെ സ്ത്രീവിരുദ്ധത തുറന്നുപറഞ്ഞ് നടി റിമ കല്ലിങ്കല്‍. തിരുവനന്തപുരത്ത് നടന്ന ടെഡ്എക്‌സ് ടോക്‌സില്‍ സംസാരിക്കുകയായിരുന്നു റിമ. താനൊരു ഫെമിനിസ്റ്റാണ് എന്ന് പറഞ്ഞ റിമ എങ്ങനെയാണ് ഫെമിനിസ്റ്റായതെന്നും മലയാള സിനിമ കലാകാരികളോട് എങ്ങനെയാണ് പെരുമാറുന്നതെന്നും വിശദമാക്കി.

താന്‍ ഫെമിനിസ്റ്റായതെങ്ങനെയെന്ന് റിമ വിശദീകരിച്ചതിങ്ങനെ: ‘ഒരിക്കല്‍ കുടുംബസമേതമിരുന്ന് ഭക്ഷണം കഴിക്കുകയായിരുന്നു. ഞാനും അച്ഛനും സഹോദരനും മുത്തശ്ശിയുമെല്ലാം ഉണ്ടായിരുന്നു. അമ്മയാണ് ഭക്ഷണം വിളമ്പിയത്. അമ്മയുടെ പക്കല്‍ മൂന്ന് മീന്‍ പൊരിച്ചതുണ്ടായിരുന്നു. മുതിര്‍ന്ന ആള്‍ക്കും രണ്ട് പുരുഷന്മാര്‍ക്കും അമ്മ മീന്‍ പൊരിച്ചത് നല്‍കി. പന്ത്രണ്ടുകാരിയായി ഞാന്‍ കരയാന്‍ തുടങ്ങി. എന്തുകൊണ്ട് എനിക്ക് മീന്‍ പൊരിച്ചത് ഇല്ലെന്ന ചോദ്യത്തിന് എനിക്ക് ഉത്തരം വേണമായിരുന്നു. ചോദ്യങ്ങള്‍ ചോദിക്കുന്ന ശീലം അവിടെ ആരംഭിച്ചു’.

മലയാള സിനിമ സ്ത്രീകളോട് ആവശ്യപ്പെടുന്നത് തല കുനിച്ചുനില്‍ക്കാനാണ്. എത്രകാലം ഇങ്ങനെ മിണ്ടാതെ നില്‍ക്കും? 150ഓളം നടിമാര്‍ ഓരോ വര്‍ഷവും സിനിമയിലേക്ക് വരുമ്പോഴും ഈ ഇന്‍ഡസ്ട്രി ഭരിക്കുന്ന പത്തില്‍ താഴെ നായകന്മാരുടെ നായികമാരായാണ് അഭിനയിക്കുന്നത്. ഇപ്പോഴും നടന്മാരുടെ മൂന്നിലൊന്ന് പ്രതിഫലം മാത്രമേ നടിമാര്‍ക്കുള്ളൂ. സാറ്റലൈറ്റ് റൈറ്റും ബോക്‌സ് ഓഫീസ് കലക്ഷനും നേടാന്‍ നടിമാരെ കൊണ്ട് കഴിയില്ല എന്നാണ് ഈ വിവേചനത്തിന് കാരണമായി പറയുന്നത്. സിനിമാ സെറ്റിലെ സ്ത്രീ പുരുഷ അനുപാതം 1:30 ആണെന്നും റിമ വിമര്‍ശിച്ചു.

വ്യക്തിജീവിതത്തില്‍ വിവാഹിതയായാല്‍, കുട്ടികളുണ്ടായാല്‍, വിവാഹമോചിതയായാല്‍ എല്ലാം നടിമാരുടെ അവസരങ്ങളെ ബാധിക്കും. എന്നാല്‍ 20നും 70നും ഇടയില്‍ പ്രായമുള്ള നടന്‍ വിവാഹിതനായാലും കുട്ടികളുണ്ടായാലും കൊച്ചുമക്കളുണ്ടായാലും ഇല്ലെങ്കിലുമൊക്കെ അയാള്‍ക്ക് വളരാന്‍ അവസരമുണ്ട്. അവര്‍ക്കായി കഥകളെഴുതപ്പെടുന്നു. അവരുടെ കരിയര്‍ വളരുന്നതില്‍ ഒരു കലാകാരിയെന്ന നിലയില്‍ സന്തോഷമുണ്ട്. പക്ഷേ സ്ത്രീകളുടെ കരിയറിനെ നേരത്തെ പറഞ്ഞ വ്യക്തിജീവിതത്തിലെ സംഭവങ്ങള്‍ ബാധിക്കുന്നതില്‍ ഒട്ടും സന്തോഷമില്ലെന്നും റിമ വിശദമാക്കി.

കേരളത്തിലെ ഏറ്റവും വലിയ പണംവാരിപടത്തില്‍ ആകെയുള്ളത് നാല് സ്ത്രീകഥാപാത്രങ്ങളാണ്. വഴക്കുണ്ടാക്കുന്ന ഭാര്യയും നായകനെ വശീകരിക്കാന്‍ മാത്രം സ്‌ക്രീനിലെത്തുന്നവളും തെറി വിളിക്കാന്‍ മാത്രം വായ തുറക്കുന്ന ഒരു അമ്മായിഅമ്മയും കുട്ടികളെ പ്രസവിച്ചുകൊണ്ടിരിക്കുന്ന മറ്റൊരു അമ്മയും മാത്രമാണെന്ന് റിമ വിമര്‍ശിച്ചു.

Similar Articles

Comments

Advertisment

Most Popular

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി, താന്‍ കഞ്ചാവ് വലിക്കാറുണ്ടെന്ന് സഹപാഠിയുടെ മൊഴി

കണ്ണൂര്‍: ഒന്‍പതാം ക്ലാസ് വിദ്യാര്‍ഥിനിയെ സഹപാഠി മയക്കുമരുന്ന് നല്‍കി പീഡിപ്പിച്ചുവെന്ന കേസില്‍ വഴിത്തിരിവ്. ആരോപണം മാധ്യമങ്ങള്‍ക്ക് നേരിട്ട് നല്‍കുകയും പെണ്‍കുട്ടിയെ അതിന് പ്രേരിപ്പിക്കുകയും ചെയ്ത കുട്ടിയുടെ പിതാവ് പോക്‌സോ കേസിലെ പ്രതി. മകളെ ലൈംഗികമായി...

ആര്യന്‍ ഖാന്‍ ന്റെ തിരക്കഥയില്‍ നെറ്റ്ഫ്‌ലിക്‌സ് വെബ് സീരീസ് വരുന്നു

ആരാധകര്‍ ഏറെ പ്രതീക്ഷയോടെ കാത്തിരിക്കുകയാണ് ആര്യന്‍ ഖാന്റെ ബോളിവുഡ് അരങ്ങേറ്റത്തിനായി. വരാനിരിക്കുന്ന നെറ്റ്ഫ്‌ലിക്‌സ് വെബ് സീരീസിലൂടെ. എഴുത്തുകാരനായി ആര്യന്‍ വരുന്നുവെന്നാണ് റിപ്പോര്‍ട്ടുകള്‍. നെറ്റ്ഫ്‌ലിക്‌സിനായി ആക്ഷേപഹാസ്യ വിഭാഗത്തില്‍പ്പെടുന്ന വെബ് സീരീസാണ് ആര്യന്‍ ഒരുക്കുന്നത്. തിരക്കഥയെഴുതുന്ന...

വിവാഹ സംഘമെന്ന് തെറ്റിദ്ധരിപ്പിച്ച് ഉദ്യോഗസ്ഥര്‍; 250 ഉദ്യോഗസ്ഥര്‍ ; 120 കാറുകള്‍ ;റെയ്ഡ് പ്ലാന്‍ ഇങ്ങനെ

മുംബൈ: കഴിഞ്ഞ ദിവസം 390 കോടിയുടെ കണക്കില്‍പെടാത്ത സ്വത്ത് മഹാരാഷ്ട്രയിലെ രണ്ട് വ്യവസായ ഗ്രൂപ്പുകളില്‍ നിന്ന് പിടിച്ചെടുക്കന്‍ അതി വിദഗ്ധമായി തയ്യാറാക്കിയതായിരുന്നു ആദായ നികുതി വകുപ്പിന്റെ പദ്ധതി. 250 ഉദ്യോഗസ്ഥര്‍ മഹാരാഷ്ട്രയിലെ ജല്‍നയിലെത്തിയത് വിവാഹ...