ഇന്റർനാഷണൽ മാസ്റ്റേഴ്‌സ് ലീഗ് ടി20 ഫൈനലിനിടെ ഗ്രൗണ്ടിൽ പഴയ യുവിയെ കണ്ട സന്തോഷത്തിലായിരുന്നു ആരാധകർ, ഗ്രൗണ്ടിനെ പഴയ അഗ്രഷഷന് ഇന്നും ഒരു മാറ്റവുമില്ല… ഫൈനലിനിടെ ഗ്രൗണ്ടിൽ വാക്കുതർക്കത്തിലേർപ്പെട്ട് ഇന്ത്യയുടെ യുവരാജ് സിങ്ങും വെസ്റ്റ് ഇൻഡീസ് പേസർ ടിനോ ബെസ്റ്റുമാണ് ഇപ്പോൾ വൈറൽ ആയിരിക്കുന്നത്. റായ്പൂരിലെ വീർ നാരായൺ സിങ് രാജ്യാന്തര ക്രിക്കറ്റ് സ്റ്റേഡിയത്തിൽ നടന്ന മത്സരത്തിൽ വെസ്റ്റ് ഇൻഡീസിനെ ആറ് വിക്കറ്റിന് തകർത്ത് ഇന്ത്യ മാസ്റ്റേഴ്‌സ് കിരീടം ഉയർത്തിയിരുന്നു. എന്നാൽ ഫൈനലിന്റെ ആവേശത്തിനിടെയാണ് യുവിയും ബെസ്റ്റും ഗ്രൗണ്ടിൽ പരസ്പരം കൊമ്പകോർത്തത്.
ഇന്ത്യൻ ഇന്നിങ്‌സിന്റെ 13-ാം ഓവറിന് ശേഷം ഇന്ത്യൻ വിജയത്തിന് ഏഴ് ഓവറിൽ നിന്ന് വെറും 35 റൺസ് മാത്രം ആവശ്യമായിരുന്നപ്പോഴായിരുന്നു സംഭവം. ടിനോ ബെസ്റ്റ് എറിഞ്ഞ 13-ാം ഓവറിന് ശേഷം നോൺ സ്‌ട്രൈക്കറായ യുവരാജ് സിങ്ങും ബൗളറും തമ്മിൽ വാക്കേറ്റം ഉണ്ടാവുകയായിരുന്നു. പിന്നാലെ ടിനോ ബെസ്റ്റും യുവിയും തർക്കിക്കുകയും ഒരുഘട്ടത്തിൽ രംഗം നിയന്ത്രണം വിടുകയും ചെയ്തു. വാക്കേറ്റം കടുത്തതോടെ അംപയർ ബില്ലി ബൗഡനും വിൻഡീസ് ക്യാപ്റ്റൻ ബ്രയാൻ ലാറയും മറുവശത്തുണ്ടായിരുന്ന റായുഡുവും ഇടപെട്ടു. എന്നാൽ ഇരുവരേയും പിന്മാറ്റാൻ സാധിച്ചില്ല. എന്നാൽ പിന്നീട് ലാറ ഒരിക്കൽ കൂടി ഇടപെട്ട് രംഗം ശാന്തമാക്കുകയായിരുന്നു. പക്ഷെ തർക്കത്തിന്റെ കാരണം എന്താണെന്ന് വ്യക്തമല്ല.
International Master League के फाइनल में
युवराज सिंह की कुछ प्लेयर्स से झड़प हो गई ओर Yuvraj Singh full aggression में आ गए….!!#IMLT20 #SachinTendulkar #yuvraj pic.twitter.com/jmqkmi4qDH— Aǟʟօӄ (@ALOKYADAV1800) March 16, 2025
സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ വൈറലായികഴിഞ്ഞു. യുവരാജ് സിങ്ങിന്റെ അഗ്രസീവ്‌നെസ് ഒട്ടും കുറഞ്ഞിട്ടില്ലെന്നാണ് ആരാധകർ സോഷ്യൽ മീഡിയയിൽ കുറിക്കുന്നത്. വിന്റേജ് യുവി പാജിയെ ഒരിക്കൽ കൂടി കാണാൻ കഴിഞ്ഞെന്നും ചിലർ പറയുന്നു.
Fiery scenes in Raipur 🔥🥵
Yuvraj Singh and Tino Best in heated word exchange ongoing IMLT20 Final 🏏
.
📸 Jio Hotstar
.#YuvrajSingh #IMLT20 #IndiaLegend pic.twitter.com/XKm1KpYUWA— Cricket Impluse (@cricketimpluse) March 16, 2025
