ന്യൂഡൽഹി: ഇന്ത്യൻ പ്രിമിയർ ലീഗിൽ (ഐപിഎൽ) പഞ്ചാബ് ജഴ്സിയിൽ ഓസ്ട്രേലിയൻ താരം ഗ്ലെൻ മാക്സ്‌വെലിന്റെ പ്രകടനം മോശമാകുന്നത് പ്രീതി സിന്റയെ വിവാഹം കഴിക്കാനാകാതെ പോയതുകൊണ്ടാണോയെന്ന ആരാധകന്റെ ചോദ്യത്തിന് ചുട്ട മറുപടി നൽകി നടി. സമൂഹമാധ്യമ അക്കൗണ്ടിൽ ആരാധകരുടെ ചോദ്യങ്ങൾക്ക് മറുപടി നൽകുന്നതിനിടെയാണ് ഒരു ആരാധകൻ പ്രീതി സിന്റയ്ക്കു മുന്നിൽ പ്രകോപനപരമായ ചോദ്യം ഉന്നയിച്ചത്.
പ്രീതി സിന്റ കുറിപ്പ് ഇങ്ങനെ
നീ ഈ ചോദ്യം എല്ലാ ടീമുകളിലെയും പുരുഷ ടീം ഉടമകളോട് ചോദിക്കുമോ, അതോ സ്ത്രീകളോട് മാത്രമാണോ ഈ വിവേചനം? ക്രിക്കറ്റിലേക്ക് കടക്കുന്നതുവരെ സ്ത്രീകൾക്ക് കോർപ്പറേറ്റ് സംവിധാനങ്ങളിൽ അതിജീവിക്കാൻ എത്ര ബുദ്ധിമുട്ടാണെന്ന് എനിക്കറിയില്ലായിരുന്നു. നിങ്ങൾ ഈ ചോദ്യം തമാശയായി ചോദിച്ചിരിക്കാമെന്ന് എനിക്ക് ഉറപ്പുണ്ട്, പക്ഷേ ആ ചോദ്യം ഒന്നു വിശദമായി പരിശോധിച്ച് വിലയിരുത്തുന്നത് നന്നായിരിക്കും. കാരണം, അതൊട്ടും സുഖകരമായ ഒന്നല്ല’. കഴിഞ്ഞ 18 വർഷമായി വളരെയധികം കഠിനാധ്വാനം ചെയ്താണ് ഞാൻ എന്റെ നേട്ടങ്ങൾ നേടിയതെന്ന് ഞാൻ കരുതുന്നു, അതിനാൽ ദയവായി എനിക്ക് അർഹമായ ബഹുമാനം നൽകുകയും ലിംഗവ്യത്യാസത്തിന്റെ പേരിലുള്ള തരംതിരിവ് നിർത്തുകയും ചെയ്യുക. നന്ദി.
അതേസമയം സംഭവം വിവാദമായതോടെ ആരാധകൻ ചോദ്യം ഡിലീറ്റ് ചെയ്തെങ്കിലും, പ്രീതി സിന്റയുടെ മറുപടിയും സ്പോർട്സ് ടീമിന്റെ ഉടമസ്ഥത പോലുള്ള പുരുഷാധിപത്യമുള്ള മേഖലകളിൽ സ്ത്രീകൾ നേരിടുന്ന വെല്ലുവിളികളും വലിയ തോതിൽ ചർച്ചയായിക്കഴിഞ്ഞു.
Will you ask this question to the male team owners of all teams, or is this discrimination just towards the women? I never knew how difficult it is for women to survive in corporate setups until I got into cricket. I’m sure you asked this question out of humour, but I hope you… https://t.co/cBX4SbqAwS
— Preity G Zinta (@realpreityzinta) May 13, 2025
