BREAKING NEWS

എന്നാ കിടുക്കാച്ചി ബിസിനസ് ഐഡിയയാ ചേട്ടാ… തമിഴ്നാട്ടിൽ നിന്ന് കിലോയ്ക്ക് 1- 5 രൂപയ്ക്ക് റേഷനരി വാങ്ങും, ​ഗോഡൗണിൽ കൊണ്ടുപോയി കുളിപ്പിച്ച് കുട്ടപ്പനാക്കി മേമ്പൊടിക്ക് പോളീഷുമടിച്ച് പുതിയ ബ്രാൻഡായി 50-60 രൂപയ്ക്ക് വിൽക്കും… എബിആർ മോഡേൺ റൈസ് മില്ലിൽ നിന്ന് 20.6 ടൺ റേഷനരി പിടികൂടി

· · 1 min read
Share: Copied!

വാളയാർ: സംസ്ഥാന അതിർത്തി കേന്ദ്രീകരിച്ച് തമിഴ്നാട് റേഷനരി കടത്ത് നടത്തുന്ന സംഘം പിടിയിൽ. പോലീസും സിവിൽ സപ്ലൈസ് വകുപ്പും ചേർന്നു മണിക്കൂറുകളോളം നടത്തിയ മിന്നൽ പരിശോധനയിൽ കഞ്ചിക്കോട് വ്യവസായമേഖലയിലെ റൈസ് മില്ലിൽ അനധികൃതമായി സൂക്ഷിച്ച 20.6 ടൺ അരി പിടികൂടി. ഇന്നലെ ഉച്ചയ്ക്കു ശേഷം ആരംഭിച്ച പരിശോധന രാത്രിയാണ് അവസാനിച്ചത്.

തമിഴ്നാട് റേഷൻ അരിയും മറ്റ് അനധികൃത അരിയും ഫാക്ടറിയിൽ സൂക്ഷിച്ചിട്ടുണ്ടെന്ന രഹസ്യവിവരത്തെത്തുടർന്നു വാളയാർ പോലീസാണ് ആദ്യം പരിശോധന ആരംഭിച്ചത്. ഇവർ വിവരം നൽകിയതിനെത്തുടർന്നു സിവിൽ സപ്ലൈസ് വകുപ്പും സ്ഥലത്തെത്തി. തുടർന്ന് അലാവൂദിൻ എന്നയാളുടെ ഉടമസ്ഥയിലുള്ള എബിആർ മോഡേൺ റൈസ് മിൽ എന്ന സ്ഥാപനത്തിൽ നിന്നാണ് അരി പിടികൂടിയത്. പിടിച്ചെടുത്ത അരിയും അനുബന്ധരേഖകളും തുടർ നിയമനടപടികൾക്കായി താലൂക്ക് സപ്ലൈ ഓഫിസർക്കു കൈമാറി. തമിഴ്നാട്ടിൽ നിന്നും മറ്റും തുച്ഛമായ വില നൽകി വാങ്ങുന്ന അരി ഇവിടെയുള്ള ഗോഡൗണിലെത്തിച്ചു പോളിഷ് ചെയ്തു വിവിധ ബ്രാൻഡുകളിലാക്കി വിപണിയിലെത്തിക്കുകയായിരുന്നന്നും ഉദ്യോഗസ്ഥസംഘം കണ്ടെത്തി. ചില്ലറ പൈസയ്ക്ക് വരെ വാങ്ങുന്ന അരി പോളിഷ് ചെയ്ത് ബ്രാൻഡാക്കി 50 മുതൽ 60 വരെ രൂപയ്ക്കാണ് പ്രതികൾ വിൽക്കാറുള്ളത്. ഇത്തരത്തിൽ വലിയ സാമ്പത്തിക ലാഭമാണ് ഈ സംഘത്തിനു ലഭിച്ചിരുന്നതെന്നും ഉദ്യോഗസ്ഥ സംഘം അറിയിച്ചു. പ്രദേശത്ത് അനധികൃതമായി റേഷനരി കടത്തുകയും ശേഖരിക്കുകയും ചെയ്യുന്നവർക്കെതിരെ തുടർ ദിവസങ്ങളിലും നിയമനടപടികളുമായി മുന്നോട്ടുപോകുമെന്നു വാളയാർ എസ്ഐ വി.ഹേമലത അറിയിച്ചു.

അതേസമയം ​ഗോഡൗണിൽ നിന്ന് വിപണിയിലെ വൻകിട ബ്രാൻഡുകളുടെ കവറുകളും പിടിച്ചെടുത്തു. എസ്ഐ വി.ഹേമലത, താലൂക്ക് സപ്ലൈ ഓഫിസർ ഡി.ആർ.കവിത, എടിഎസ്ഒ ആർ.സനിൽ, റേഷനിങ് ഇൻസ്പെക്ടർമാരായ എസ്.സുമ, വി.കലാധരൻ, കെ.ഐ.സിറാജുദ്ദീൻ എന്നിവരടങ്ങിയ സംഘമാണു പരിശോധന നടത്തിയത്. അതേപോലെ മുൻപും ഇവിടെ നിന്ന് തമിഴ്നാട് റേഷനരിക്കൊപ്പം കേരളത്തിലെ പല ഭാഗങ്ങളിൽ നിന്ന് അനധികൃതമായി എത്തിച്ചു സൂക്ഷിച്ച റേഷനരിയും പിടികൂടിയിട്ടുണ്ട്.

‘മിഠായി തരാം‘ എന്ന് പറഞ്ഞ് വിളിച്ചു, നിരസിച്ചപ്പോൾ; പിന്നാലെ മുടിയിൽ കുത്തിപ്പിടിച്ച് വലിച്ചുകൊണ്ടുപോകാൻ ശ്രമം: ഒൻപതാം ക്ലാസുകാരി അപരിചിതയുടെ കൈ കടിച്ച് ഓടി രക്ഷപ്പെട്ടു, ‘ആ സ്ത്രീ പിന്നാലെ വന്ന ബൈക്കിൽ കയറി പോയി‘യെന്ന് പെൺകുട്ടി; സംഭവം പിറവത്ത്

 

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026