കോഴിക്കോട്: നഗരമധ്യത്തിലെ വിനോദസഞ്ചാര കേന്ദ്രമായ മാനാഞ്ചിറ സ്‌ക്വയറിന് സമീപം യുവതിയെ കയറിപ്പിടിച്ച കേസിൽ യുവാവ് അറസ്റ്റിൽ. പയ്യാനക്കൽ സ്വദേശി തൊപ്പികാരവയൽ ഷരീഫ മൻസിലിൽ ഷഹബാദ് (29) ആണ് ടൗൺ പൊലീസിന്റെ പിടിയിലായത്.
ഇന്നലെ ഉച്ചയോടെയാണ് കേസിനാസ്പദമായ സംഭവം നടന്നത്. മാനാഞ്ചിറ സ്‌ക്വയറിന്റെ പ്രധാന കവാടത്തിന് സമീപം നിൽക്കുകയായിരുന്ന ആലപ്പുഴ സ്വദേശിനിയായ യുവതിയെ പ്രതി കയറിപ്പിടിച്ചെന്നാണ് പരാതി. സംഭവത്തിന് പിന്നാലെ യുവതി ടൗൺ പൊലീസ് സ്റ്റേഷനിലെത്തി പരാതി നൽകി.
പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്ത പൊലീസ് അന്വേഷണം നടത്തി. മാനാഞ്ചിറയിൽനിന്നുതന്നെയാണ് ഷഹബാദിനെ പൊലീസ് പിടികൂടിയത്. അറസ്റ്റ് രേഖപ്പെടുത്തിയ ശേഷം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
ബാറുകളിൽ മദ്യം നൽകുംമുമ്പ് ആധാർ പരിശോധിക്കണം; 23 വയസ്സ് നിർബന്ധമെന്ന് എക്സൈസ് മന്ത്രി
