കാഠ്മണ്ഡു: നേപ്പാളിൽ എവറസ്റ്റ് കൊടുമുടിക്ക് സമീപം ലാൻഡിങ്ങിനിടെ രണ്ട് ഹെലികോപ്ടറുകൾ കൂട്ടിയിടിച്ച് തകർന്നു. അപകടത്തിൽ ഒരാൾ മരിച്ചു. മരിച്ചയാൾ ഇന്ത്യക്കാരനാണെന്നാണ് പ്രാഥമിക വിവരം. രണ്ടുപേർക്ക് പരിക്കേറ്റു.
രാജ്യതലസ്ഥാനമായ കാഠ്മണ്ഡുവിൽനിന്ന് 250 കിലോമീറ്റർ അകലെയുള്ള സോലുഖുംബു ഹെലിപോർട്ടിലാണ് അപകടമുണ്ടായത്. എയർ ഡൈനാസ്റ്റി, ഫിഷ് ടെയിൽ എന്നീ കമ്പനികളുടെ ഹെലികോപ്ടറുകളാണ് കൂട്ടിയിടിച്ചത്. രാവിലെ 8.15ഓടെയായിരുന്നു അപകടമെന്നാണ് റിപ്പോർട്ടുകൾ.
ഹെലികോപ്ടറുകൾ ലാൻഡ് ചെയ്യുന്നതിനിടെയാണ് കൂട്ടിയിടിച്ചതെന്നാണ് വിവരം. അപകടത്തിന്റെ ദൃശ്യങ്ങൾ സാമൂഹികമാധ്യമങ്ങളിൽ വ്യാപകമായി പ്രചരിക്കുന്നുണ്ട്. സംഭവത്തിൽ കൂടുതൽ വിവരങ്ങൾ പുറത്തുവന്നിട്ടില്ല.
BREAKING: Two helicopters operated by Fishtail Air and Dynasty Air collided while landing at Pheriche helipad in Solukhumbu. Authorities said the helicopters’ rotor blades struck each other during the landing process. Further details about the incident are awaited.
Video ©: Webcam Nepal.
— Everest Today (@EverestToday) November 3, 2026
