BREAKING NEWS

ഒരുപക്ഷെ സ്മിത് മച്ച്ഛർ ജീവൻ പണയപ്പെടുത്തി ആ ധീരകൃത്യം ചെയ്തിരുന്നില്ലെങ്കിൽ? 170 ലധികം യാത്രക്കാർ വിമാനത്തിൽ ഉണ്ടായിരുന്നിട്ടും ഫ്ലൈ ദുബായ് ജെറ്റ് വെടിവച്ചു വീഴ്ത്താൻ ഇസ്രായേൽ ഒരുങ്ങി, വ്യോമപരിധിയിൽ കടന്നിരുന്നെങ്കിൽ തകർത്തേനെ, ഹൈജാക്ക് സൂചന ലഭിച്ചതോടെ യുദ്ധവിമാനങ്ങൾ സജ്ജമാക്കി, സൗദിയും സ്വന്തം യുദ്ധവിമാനങ്ങൾ അയച്ചു…

· · 1 min read
Share: Copied!

ടെൽ അവീവ്: ഒരുപക്ഷെ ഇന്ത്യൻ പൈലറ്റ് ക്യാപ്റ്റൻ സ്മിത് മച്ച്ഛർ ജീവൻ പണയപ്പെടുത്തി ആ ധീരകൃത്യം ചെയ്തിരുന്നില്ലെങ്കിൽ നേരിടേണ്ടി വരിക വൻ ദുരന്തം. ഫ്ലൈദുബായ് യാത്രാവിമാനം ഹൈജാക്ക് ചെയ്ത് ഇസ്രയേലിൽ ഇടിച്ചു തകർക്കാനുള്ള ശ്രമം നടന്നപ്പോൾ വിമാനം ഇസ്രയേൽ വ്യോമപരിധിയിലേക്ക് കടന്നിരുന്നെങ്കിൽ വെടിവെച്ചിടാൻ വരെ അധികൃതർ തയ്യാറായിരുന്നെന്ന് റിപ്പോർട്ട്. ദുബായിൽ നിന്ന് ടെൽ അവീവിലേക്ക് പോയ ഫ്ലൈദുബായ് വിമാനത്തിൽ ഒമാൻ സ്വദേശിയായ സഹപൈലറ്റ് ഹമാം അൽ-ഹമ്മാമി ഇന്ത്യൻ പൈലറ്റ് ക്യാപ്റ്റൻ സ്മിത് മച്ച്ഛറിനെ ആക്രമിച്ച് വിമാനം നിയന്ത്രണത്തിലാക്കാൻ ശ്രമിച്ച സംഭവത്തിലാണ് ഇസ്രയേൽ മുൻകരുതൽ നടപടികൾ സ്വീകരിച്ചത്. സിബിഎസ് ന്യൂസാണ് ഇക്കാര്യം റിപ്പോർട്ട് ചെയ്തത്.

170ലേറെ യാത്രക്കാരും ജീവനക്കാരുമുണ്ടായിരുന്ന വിമാനത്തിൽ ഭൂരിഭാഗവും ഇസ്രയേൽ പൗരന്മാരായിരുന്നു. വിമാനത്തിന്റെ ഉയരം ഏതാനും സെക്കൻഡുകൾക്കുള്ളിൽ ഏകദേശം 18,000 അടി താഴ്ന്നതോടെ ഇസ്രയേൽ വ്യോമസേന വിമാനവുമായി ബന്ധപ്പെടാൻ ശ്രമിച്ചു. എന്നാൽ കോക്പിറ്റിൽ നിന്ന് പ്രതികരണം ലഭിച്ചില്ല.

ഇതോടെ 9/11 മാതൃകയിലുള്ള ആക്രമണ സാഹചര്യം നേരിടാൻ ഇസ്രയേൽ നേരത്തെ തയ്യാറാക്കിയിരുന്ന പ്രോട്ടോക്കോൾ നിലവിൽ വന്നു. അടിയന്തര സമിതി യോഗം ചേർന്ന് കമാൻഡ് സെന്റർ സ്ഥാപിക്കുകയും യുദ്ധവിമാനങ്ങൾ പറന്നുയരുകയും ചെയ്തു. ഇസ്രയേൽ വ്യോമ പരിധിയും അടച്ചു. വിമാനം ഇസ്രയേലിലേക്ക് പ്രവേശിക്കുന്നതിന് പകരം സൗദി അറേബ്യയിലേക്ക് തിരിഞ്ഞതായി പിന്നീട് അധികൃതർ തിരിച്ചറിഞ്ഞു. ഇതോടെ സൗദി അറേബ്യയും സ്വന്തം യുദ്ധവിമാനങ്ങൾ അയച്ചു. ഇസ്രയേൽ അധികൃതർ വീണ്ടും ഫ്ലൈദുബായ് വിമാനവുമായി ബന്ധപ്പെടാൻ ശ്രമിച്ചു.

അപ്പോഴേക്കും ഇന്ത്യൻ പൈലറ്റ് സ്മിത് മച്ച്ഛർ സഹപൈലറ്റിനെ പ്രതിരോധിച്ച് കോക്പിറ്റ് വാതിൽ തുറക്കാൻ ആവശ്യമായ സമയം നേടിയിരുന്നതായി ഇസ്രയേലിന് വിവരം ലഭിച്ചു. തുടർന്ന് ഇസ്രയേൽ യാത്രക്കാരും ഫ്ലൈദുബായ് ജീവനക്കാരും ചേർന്ന് അൽ-ഹമ്മാമിയെ കീഴടക്കി. വിമാനത്തിലുണ്ടായിരുന്ന ഡ്യൂട്ടിയിലല്ലാത്ത രണ്ട് പൈലറ്റുമാർ നിയന്ത്രണം ഏറ്റെടുത്തു. തുടർന്ന് വിമാനം സൗദി അറേബ്യയിലെ തബൂക്കിൽ അടിയന്തരമായി ഇറക്കി.

വിമാനം നിശ്ചിത പരിധിക്കുള്ളിൽ എത്തിയിരുന്നെങ്കിൽ സ്ഥിതിഗതികൾ പരിശോധിക്കുന്നതിനായി ഇസ്രയേൽ യുദ്ധവിമാനങ്ങൾ ജോർദാൻ വ്യോമപരിധിയിലേക്ക് അയക്കുമായിരുന്നുവെന്ന് സിബിഎസ് ന്യൂസിനോട് അടുത്ത വൃത്തങ്ങൾ പറഞ്ഞു. ഹൈജാക്ക് സാഹചര്യത്തിൽ ഭൂതല കമാൻഡിന് വിമാനവുമായി സമയബന്ധിതമായി ബന്ധപ്പെടാൻ കഴിയാതെ വന്നാൽ യുദ്ധവിമാനങ്ങൾ വിമാനത്തിന് സമീപമെത്തി കോക്പിറ്റിലുള്ള പൈലറ്റുമായി ദൃശ്യബന്ധം സ്ഥാപിക്കുകയാണ് ആദ്യം ചെയ്യുക. തുടർന്ന് കാബിനിലെ യാത്രക്കാരുടെ സ്ഥിതിയും പരിശോധിക്കും. യാത്രക്കാരിൽ പരിഭ്രാന്തിയോ മറ്റ് അസാധാരണ സാഹചര്യങ്ങളോ ഉണ്ടോ എന്നും വിലയിരുത്തും.

വിമാനം ഹൈജാക്ക് ചെയ്യപ്പെട്ടതാണെന്നും ഹൈജാക്കർമാർ റേഡിയോ ബന്ധം വിച്ഛേദിച്ചിരിക്കുകയാണെന്നും യാതൊരു ആവശ്യവും ഉന്നയിക്കുന്നില്ലെന്നും സ്ഥിരീകരിച്ചാൽ പ്രതിരോധമന്ത്രിയെയും പ്രധാനമന്ത്രിയെയും വിവരം അറിയിക്കും. ഇത്തരമൊരു സാഹചര്യത്തിൽ ഇസ്രയേലിലേക്ക് നീങ്ങുന്ന നിയന്ത്രണംവിട്ട യാത്രാവിമാനം വെടിവെച്ചിടുന്നതും പ്രോട്ടോക്കോളിന്റെ ഭാഗമാണെന്നാണ് റിപ്പോർട്ട്. എന്നാൽ അതിനുള്ള അന്തിമ തീരുമാനം പ്രധാനമന്ത്രിക്ക് മാത്രമേ എടുക്കാനാകൂ. വിമാനം ടെൽ അവീവിലെ പ്രധാന കെട്ടിടങ്ങളിലോ ബെൻ ഗുരിയോൺ വിമാനത്താവളത്തിലോ മറ്റേതെങ്കിലും പ്രധാന ലക്ഷ്യത്തിലോ ഇടിച്ചുകയറി വലിയ തോതിൽ ആളപായമുണ്ടാക്കുന്നതിനേക്കാൾ വിമാനം ആകാശത്തുവെച്ച് തകർക്കുന്നതാണ് സുരക്ഷിതമെന്ന വിലയിരുത്തലിലാണ് ഈ പ്രോട്ടോക്കോൾ തയ്യാറാക്കിയിരിക്കുന്നതെന്നും വൃത്തങ്ങൾ വ്യക്തമാക്കി.

3500 രൂപകൊടുത്ത് ഹോട്ടലിൽ എസി മുറിയെടുത്തു, മൂട്ടകടി കാരണം ഒരുപോള കണ്ണടയ്ക്കാമായില്ല, പരിഹാരമായി കാസർകോട് സ്വദേശികൾക്ക് 30,000 രൂപ നഷ്ടപരിഹാരം നൽകാൻ വിധി

BREAKING NEWS
വിളിച്ചുവരുത്തി വകവരുത്തി... വനിതാ ഹെഡ് കോൺസ്റ്റബിൾ പ്രണയബന്ധം അവസാനിപ്പിക്കാൻ ആ​ഗ്രഹിച്ചു, എഎസ്ഐ വഴങ്ങിയില്ല, വീട്ടിലേക്ക് വിളിച്ചുവരുത്തി കൊലപ്പെടുത്തി, സഹോദരനേയും ബന്ധുവിനേയും കൂട്ടി മൃതദേഹം വനത്തിലെത്തിച്ച് കാറിലിട്ട് കത്തിച്ചു!! നാലുപേർ അറസ്റ്റിൽ, തീ ആളിപ്പടരുന്നതിനിടെ യുവതിക്കും പൊള്ളലേറ്റു
18 Nov 2026
BREAKING NEWS
സാവരിയ ബസന്ത് കൊല്ലപ്പെട്ട കേസ്, ഉസ്ബക്കിസ്ഥാനിൽ സഹപാഠിക്ക് എട്ടരവർഷം തടവ്, ഒരേ കുറ്റകൃത്യത്തിന് രണ്ടു രാജ്യങ്ങളിൽ വിചാരണ നടത്തുന്നതിൽ നിയമപരമായ പരിമിതി, സംസ്ഥാന ക്രൈംബ്രാഞ്ച് അന്വേഷണം അവസാനിപ്പിക്കാൻ നീക്കം
18 Nov 2026
BREAKING NEWS
സിഎംആർഎൽ- എക്സാലോജിക്... ഒന്നാംഘട്ട കുറ്റപത്രം ഉടൻ കോടതിയിൽ!! മുഹമ്മദ് റിയാസിന്റെ സുഹൃത്തുക്കളെ ചോദ്യം ചെയ്യാൻ ഇ.ഡി, 3 പേർക്ക് സമൻസ്, ഈ മാസം അവസാനം ഹാജരാകാൻ നിർദേശം
18 Nov 2026
BREAKING NEWS
"അവൻ വിഡ്ഢിയാണ്, പക്ഷേ ഞാൻ ക്യാപ്റ്റനാണ്, എന്റെ അഹങ്കാരത്തിന് വഴങ്ങുകയാണെങ്കിൽ അവന്റെ ബാഗുകൾ പാക്ക് ചെയ്ത് ഇപ്പോൾ തന്നെ വീട്ടിലേക്ക് അയക്കാം, എന്നാൽ ചെന്നൈയെ വിജയിപ്പിക്കാൻ അവന് കഴിയും, അതുകൊണ്ട് എന്റെ അഭിമാനവും അഹങ്കാരവും മാറ്റിവെച്ച് അവനെ തുടർന്നും കളിപ്പിക്കും," 2023 ഐപിഎല്ലിലെ സംഭവം വെളിപ്പെ...
18 Nov 2026