ട്രംപ് ആകാശത്ത് കൊട്ടാരങ്ങൾ പണിയുന്നു…‘ഫ്രീ ഓയിൽ, ഫ്രീ ഹോർമുസ്’ പ്രസ്താവനയ്ക്ക് പഴയ പേർഷ്യൻ പഴഞ്ചൊല്ല് ഉദ്ധരിച്ച് ഇറാന്റെ പരിഹാസം

ടെഹ്റാൻ: അമേരിക്കൻ പ്രസിഡന്റ് ഡൊണാൾഡ് ട്രംപ് നടത്തിയ “ഫ്രീ ഓയിൽ, ഫ്രീ ഹോർമുസ്” പ്രസ്താവനയെ പരിഹസിച്ച് ഇറാനിയൻ സർക്കാർ മാധ്യമങ്ങൾ. ചർച്ചകൾ വിജയത്തിലേക്ക് നീങ്ങുകയാണെന്ന് ട്രംപ് പറഞ്ഞ സാഹചര്യത്തിലാണ് പരിഹാസവുമായി. ഇറാന്റെ ഔദ്യോഗിക ബ്രോഡ്കാസ്റ്ററായ Islamic Republic of Iran Broadcasting (IRIB) ട്രംപിന്റെ വീഡിയോ പങ്കുവെച്ച് “ആകാശത്ത് കൊട്ടാരങ്ങൾ പണിയുന്നു” എന്ന് പരി​ഹസിച്ചത്.

അമേരിക്കയും ഇറാനും തമ്മിലുള്ള സമാധാന ചർച്ചകൾ വളരെ വിജയകരമായി മുന്നേറുകയാണെന്നും ഉടൻ ഒരു കരാർ പ്രഖ്യാപിക്കാമെന്നുമായിരുന്നു മാധ്യമങ്ങൾക്കുമുന്നിലെ ട്രംപിന്റെ അവകാശവാദം. കരാർ നടപ്പായാൽ അമേരിക്കയ്ക്ക് സൗജന്യമായി എണ്ണ ലഭിക്കുകയും ഹോർമുസ് വഴിയുള്ള ഗതാഗതം പൂർണമായും സ്വതന്ത്രമാവുകയും ചെയ്യുമെന്നും അദ്ദേഹം പറഞ്ഞു. ഇതോടെ ആഗോള എണ്ണവില മുൻ നിലയേക്കാൾ താഴെയാകുമെന്നും ട്രംപ് കൂട്ടിച്ചേർത്തു. “എല്ലാം നല്ല രീതിയിൽ നടക്കും” എന്ന ആത്മവിശ്വാസ പ്രകടനവും അദ്ദേഹം നടത്തി.

ഈ പ്രസ്താവനയ്ക്കു പിന്നാലെ ഐആർഐബി ഒരു പേർഷ്യൻ പഴമൊഴി ഉദ്ധരിച്ച് ട്രംപിനെ പരിഹസിച്ചു., “The camel dreams of cottonseed, sometimes gulping it down, sometimes eating it grain by grain’’(ഒട്ടകം പരുത്തിക്കുരു സ്വപ്നം കാണുന്നു, ചിലപ്പോൾ അത് വിഴുങ്ങുന്നു, ചിലപ്പോൾ ഓരോന്നായി അതിനെ തിന്നുന്നു). യാഥാർത്ഥ്യത്തിൽ നടക്കാൻ സാധ്യത കുറഞ്ഞ കാര്യങ്ങളെക്കുറിച്ചുള്ള അമിത പ്രതീക്ഷകളെ സൂചിപ്പിക്കുന്നതാണ് ഈ പഴമൊഴി. അതേസമയം ചർച്ചകൾ ഇപ്പോഴും അനിശ്ചിതത്വത്തിലാണ് എന്ന സന്ദേശമാണ് ഇറാൻ ഇതിലൂടെ നൽകുന്നത്.

Related Post

വാഹന പരിശോധനയ്ക്കിടെ വണ്ടി നിർത്താൻ ആവശ്യപ്പെട്ടു, വെപ്രാളത്തിൽ വാഹനം നിർത്തിയത് അൽപം നീങ്ങി, കോളേജ് വിദ്യാർഥിയെ കാറിൽ നിന്ന് വിളിച്ചിറക്കി കരണത്തടിച്ചു, സ്റ്റേഷനിലെത്തിച്ച് പുറത്തും വാരിയെല്ലിന്റെ ഭാഗത്തും ഇടിച്ചു മുഖത്തടിക്കുകയും ഷൂസ് കൊണ്ട് ചവിട്ടുകയും ചെയ്തതായി പരാതി, കൂടെയുണ്ടായിരുന്ന യുവാവിനെതിരെ കഞ്ചാവ് വലിച്ചെന്ന കേസും… നിഷേധിച്ച് പോലീസ്

July 30, 2026

തുലാഭാരത്തിനിടെ ത്രാസിൻ്റെ കയർ പൊട്ടി, കഴക്കൂട്ടം എംഎൽഎ വി മുരളീധരന്റെ കാലിന് പരുക്ക്

July 30, 2026

ക്യൂ നില്ക്കുന്നവരെ തള്ളിമാറ്റി മദ്യം വാങ്ങാനെത്തി,ചോദ്യം ചെയ്ത യുവാവിനെ മർദിച്ചവശനാക്കി ക്രിമിനൽ സംഘം ; ഹെൽമറ്റുകൊണ്ട് തലയ്ക്കിട്ട് ആവർത്തിച്ച് അടിച്ചു; ദൃശ്യങ്ങൾ പുറത്ത്; സംഭവത്തിന്റെ ഗൗരവം കണക്കിലെടുത്ത് പൊലീസ് സ്വമേധയാ കേസെടുത്തു

July 29, 2026

‘പാർലമെന്റിൽ ഇരിക്കവെ അമിത് ഷാ പൊലീസുമായി ഫോണിൽ സംസാരിച്ചു; ജിതേന്ദ്ര സിങ്ങിന് തുടർച്ചയായി കോളുകൾ വന്നു; ‘; ​ഗുരുതര ആരോപണങ്ങളുമായി രാഹുൽ​ഗാന്ധി – ‘ എന്നോട് മാപ്പ് പറയാൻ ആവശ്യപ്പെടുകയാണ്, അതിന് സൗകര്യമില്ല‘

July 29, 2026

യുഎസ്-ഇറാൻ സമാധാനക്കരാറുമായി ബന്ധപ്പെട്ട് പാക്കിസ്ഥാന്റെ സൈനിക മേധാവി അസിം മുനീർ ഇറാൻ പാർലമെന്റ് സ്പീക്കർ മുഹമ്മദ് ബാഗർ ഗാലിബഫുമായി ടെഹ്‌റാനിൽ കൂടിക്കാഴ്ച നടത്തിയതിന് ശേഷമാണ് ട്രംപിന്റെ ഈ പ്രസ്താവനകൾ വന്നത്. കഴിഞ്ഞയാഴ്ച നടന്ന ആദ്യ റൗണ്ട് ചർച്ചകളിൽ ഇറാനിയൻ പ്രതിനിധി സംഘത്തെ ഗാലിബഫാണ് നയിച്ചത്.

അതേസമയം, ഇറാന്റെ ആണവ പദ്ധതി ചർച്ചകളിലെ പ്രധാന തടസ്സമായി തുടരുന്നു. അമേരിക്ക 20 വർഷത്തേക്ക് എല്ലാ ആണവ പ്രവർത്തനങ്ങളും നിർത്തണമെന്ന് നിർദേശിച്ചപ്പോൾ, ഇറാൻ മൂന്ന് മുതൽ അഞ്ച് വർഷം വരെ മാത്രം താൽക്കാലിക നിർത്തലിന് തയ്യാറാണെന്നാണ് റിപ്പോർട്ടുകൾ പറയുന്നത്. ഈ വ്യത്യാസം കാരണം ഇസ്ലാമാബാദ് ചർച്ചകൾ ഫലപ്രദമാകാതെ പോയെങ്കിലും, യുദ്ധവിരാമം നീട്ടാനുള്ള സാധ്യത ഇപ്പോഴും നിലനിൽക്കുന്നുണ്ട്.

Building castles in the air!

Or in Persian we have a similar proverb:
‘The camel dreams of cottonseed; sometimes gulping it down, sometimes eating it grain by grain!’

شتر در خواب بیند پنبه‌دانه
گهی لپ‌لپ خورد گه دانه دانه pic.twitter.com/HA15h1aQVU

— IRIB (Islamic Republic of Iran Broadcasting) (@iribnews_irib) April 16, 2026