ഇടുക്കി: രാസലഹരി ഉപയോഗിക്കുന്നതിനിടെ തൊടുപുഴ നഗരസഭാ മുന്‍ ചെയര്‍പേഴ്‌സണ്‍ സനീഷ് ജോര്‍ജ് പിടിയില്‍. സനീഷിനൊപ്പം സുഹൃത്ത് നിസാര്‍ എന്നയാളും അറസ്റ്റിലായിട്ടുണ്ട്. തൊടുപുഴ കാളിയാര്‍ കോടിക്കുളത്തിന് സമീപത്ത് വച്ചാണ് ഇരുവരെയും പിടികൂടിയത്. രഹസ്യവിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിന് ഒടുവിലായിരുന്നു അറസ്റ്റ്.
ഇവരില്‍ നിന്നും വലിയ അളവില്‍ ലഹരിവസ്തുക്കള്‍ കണ്ടെത്തിയിട്ടില്ലെന്നാണ് വിവരം. നിലവില്‍ ലഹരി ഉപയോഗിച്ചതിന് പൊലീസ് കേസെടുത്തിട്ടുണ്ട്. മറ്റ് ഇടപാടുകള്‍ നടത്തിയിട്ടുണ്ടോ എന്നതില്‍ വിശദമായ അന്വേഷണം നടത്തും.
കഴിഞ്ഞ ഭരണസമിതിയില്‍ യുഡിഎഫ് വിമതനായി മത്സരിച്ച് വിജയിച്ച സനീഷ് എല്‍ഡിഎഫ് പിന്തുണയോടെയാണ് ചെയര്‍പേഴ്‌സണായത്. പിന്നീട് ഇയാള്‍ കോണ്‍ഗ്രസിലേക്ക് തിരിച്ചെത്തുകയും നിയമസഭാ തെരഞ്ഞെടുപ്പ് കാലയളവിൽ പാര്‍ട്ടിയില്‍ സജീവമാകുകയും ചെയ്തിരുന്നു.
Related Post
