കൊല്ലം: തന്റെ സഹോദരിക്ക് കിൻഡർ ജോയ് വാങ്ങി നൽകിയതിന് 16 കാരനെ വീട്ടിൽ നിന്ന് വിളിച്ചിറക്കി കൊലപ്പെടുത്താൻ ശ്രമിച്ച് സഹോദരൻ. കൊല്ലം മങ്ങാട് സ്വദേശിയുടെ മകനെയാണ് കൊലപ്പെടുത്താൻ ശ്രമിച്ചത്. ഒന്നാം പ്രതി ഷോണിന്റ സഹോദരിക്ക് കിൻഡർ ജോയ് വാങ്ങി നൽകിയതാണ് പ്രകോപനത്തിന് കാരണമായത്.
കഴിഞ്ഞ 27-നായിരുന്നു സംഭവം. രാത്രി 12 മണിക്ക് വീട്ടിൽ നിന്ന് വിളിച്ച് പുറത്തിറക്കിയാണ് കൊലപ്പെടുത്താൻ ശ്രമിച്ചത്. കൗമാരക്കാരന്റെ വാരിയെല്ലിന് കത്തി ഉപയോഗിച്ച് കുത്തി പരുക്കേൽപ്പിക്കുകയായിരുന്നു. എന്റെ സഹോദരിക്ക് ‘കിൻഡർ ജോയ് വാങ്ങി നൽകാൻ നീ ആരാടാ’ എന്ന് പറഞ്ഞായിരുന്നു ആക്രമണം. ആക്രമണത്തിൽ മങ്ങാട് ഷോൺ, ഷിനോ മാത്യു എന്നിവർക്കെതിരെ കേസെടുത്തു.
