BREAKING NEWS

ഡോക്ടറും എൻജിനിയറും ഷെഫുമൊക്കെയായി മാട്രിമോണിയൽ പരസ്യം; വയനാട് സ്വദേശിയായ വിവാഹത്തട്ടിപ്പുകാരൻ പിടിയിൽ, യുവതികളെയും വീട്ടുകാരെയും വിശ്വാസത്തിലെടുത്തശേഷം ആശുപത്രിയോ ഹോട്ടലോ തുടങ്ങാനെന്ന വ്യാജേന തട്ടിയത് കോടികളുടെ സ്വർണം

· · 1 min read
Share: Copied!

ചേർത്തല/വയനാട്: ഡോക്ടറാണെന്ന് തെറ്റിദ്ധരിപ്പിച്ച് പത്രങ്ങളിലും മാട്രിമോണിയൽ വെബ്സൈറ്റുകളിലും വിവാഹപ്പരസ്യം നൽകി യുവതികളെ വലയിലാക്കി സ്വർണവും പണവും തട്ടിയെടുത്ത കേസിൽ പ്രതി പിടിയിൽ. വയനാട് മാനന്തവാടി ആന്തിക്കാംപൊയിൽ ഭാഗത്ത് വെള്ളറ ചെന്നിക്കര വീട്ടിൽ ബിജു ആന്റണി (45) ആണ് സുൽത്താൻ ബത്തേരിയിൽനിന്ന് പിടിയിലായത്. മാടയ്ക്കലിലെ ഒരു ക്വാർട്ടേഴ്സിൽനിന്ന് പിടികൂടുമ്പോൾ ഇയാൾക്കൊപ്പം ഒരു സ്ത്രീയുമുണ്ടായിരുന്നതായാണ് വിവരം.

ചേർത്തല പട്ടണക്കാട് സ്വദേശിനി രമ്യയുടെ പരാതിയിൽ കേസെടുത്ത് അന്വേഷണം ആരംഭിച്ച് ആറുവർഷത്തിനുശേഷമാണ് പ്രതിയെ പിടികൂടിയത്. ‘സുരേഷ്’ എന്ന വ്യാജപേരിൽ രമ്യയെ പരിചയപ്പെട്ട ബിജു ആന്റണി 2020 മാർച്ചിൽ വയലാർ കളവംകോടം ക്ഷേത്രത്തിൽവെച്ച് ഇവരെ വിവാഹം കഴിക്കുകയായിരുന്നു. തുടർന്ന് വയലാറിലെ വാടകവീട്ടിൽ ഇരുവരും ഭാര്യാഭർത്താക്കന്മാരായി താമസിച്ചു. ഹോട്ടൽ തുടങ്ങാനെന്ന പേരിൽ രമ്യയുടെ അമ്മയിൽനിന്ന് 30,000 രൂപ കൈക്കലാക്കിയ പ്രതി പിന്നീട് അലമാരയിൽ സൂക്ഷിച്ചിരുന്ന ഏഴ് പവനോളം വരുന്ന സ്വർണാഭരണങ്ങളുമായി കടന്നുകളഞ്ഞു.

രമ്യയുടെ പരാതിയിൽ ചേർത്തല പൊലീസ് നടത്തിയ അന്വേഷണത്തിലാണ് ‘സുരേഷ്’ എന്ന പേരിൽ തട്ടിപ്പ് നടത്തിയത് വയനാട് മാനന്തവാടി സ്വദേശി ജോസഫിന്റെ മകൻ ബിജു ആന്റണിയാണെന്ന് കണ്ടെത്തിയത്. വർഷങ്ങൾക്കുമുമ്പ് അരൂർ സെന്റ് ആന്റണീസ് പള്ളിക്കടുത്തുള്ള ഹോട്ടലിൽ ഇയാൾ ജോലി ചെയ്തിരുന്നു. സുൽത്താൻ ബത്തേരിയിൽ ഭാര്യയും രണ്ടു കുട്ടികളുമുള്ളയാളാണ് പ്രതിയെന്നും പൊലീസ് കണ്ടെത്തിയിട്ടുണ്ട്.

പത്രങ്ങളിലും മാട്രിമോണിയൽ വെബ്സൈറ്റുകളിലും സ്വന്തം ഫോൺ നമ്പർ നൽകി ഡോക്ടറാണെന്ന് അവകാശപ്പെട്ട് വ്യാജ വിവാഹപ്പരസ്യം നൽകുന്നതാണ് ഇയാളുടെ തട്ടിപ്പുരീതി. ചിലരെ എൻജിനിയറായും മറ്റു ചിലരെ പാചകക്കാരനായും പരിചയപ്പെടും. പരസ്യം കണ്ട് ബന്ധപ്പെടുന്ന യുവതികളെയും വീട്ടുകാരെയും വിശ്വാസത്തിലെടുത്തശേഷം ആശുപത്രിയോ ഹോട്ടലോ തുടങ്ങാനെന്ന പേരിൽ പണവും സ്വർണാഭരണങ്ങളും കൈക്കലാക്കും.

മഞ്ചേശ്വരം പൊലീസ് സ്റ്റേഷൻ പരിധിയിലും സമാനമായ തട്ടിപ്പ് നടത്തിയതായി കണ്ടെത്തിയിട്ടുണ്ട്. തളിപ്പറമ്പ് കൂവോടുള്ള ഒരു യുവതിയുടെ വീട്ടുകാർ പത്രപ്പരസ്യം കണ്ട് ബന്ധപ്പെട്ടപ്പോൾ ‘രാജേഷ്’ എന്ന പേരിലാണ് ഇയാൾ പരിചയപ്പെട്ടത്. തുടർന്ന് 2016 ജൂൺ 30ന് ഹോസങ്കടിയിലെ അശോക ലോഡ്ജിൽവെച്ച് യുവതിയെ ബലാത്സംഗം ചെയ്യുകയും മൂന്നര പവൻ സ്വർണം കവർന്നെടുക്കുകയും ചെയ്തെന്നാണ് കേസ്.

മോഷണക്കേസുകളിൽ മുമ്പും ശിക്ഷ അനുഭവിച്ചിട്ടുള്ളയാളാണ് ബിജു ആന്റണി. കണ്ണൂർ ടൗൺ പൊലീസ് സ്റ്റേഷനിലെ സ്വർണമോഷണക്കേസിലും തിരുവനന്തപുരം

പൊലീസ് സ്റ്റേഷനിലെ മോഷണക്കേസിലും ഇയാൾ പ്രതിയാണ്. കണ്ണൂരിലെ കേസിൽ ശിക്ഷ അനുഭവിച്ച ഇയാൾ ഫോർട്ട് സ്റ്റേഷനിലെ കേസിൽ ഒരു വർഷം തടവുശിക്ഷയും അനുഭവിച്ചിട്ടുണ്ട്.

കേരളത്തിന്റെ വിവിധ ഭാഗങ്ങളിൽ സമാനരീതിയിൽ തട്ടിപ്പ് നടത്തിയിട്ടുണ്ടെന്നാണ് പൊലീസിന് ലഭിച്ച വിവരം. അപമാനം ഭയന്ന് പല ഇരകളും പരാതിപ്പെടാൻ മടിക്കുന്നതായും പൊലീസ് പറയുന്നു. നൂറോളം സ്ത്രീകളെ കബളിപ്പിച്ചതായാണ് ചോദ്യംചെയ്യലിൽ വ്യക്തമായതെന്നും പലരിൽനിന്നായി കോടികളുടെ സ്വർണം തട്ടിയെടുത്തിട്ടുണ്ടെന്നാണ് സംശയമെന്നും പൊലീസ് അറിയിച്ചു. കൂടുതൽ പരാതികൾ ലഭിക്കാനുള്ള സാധ്യത കണക്കിലെടുത്ത് പ്രത്യേക അന്വേഷണത്തിനും നടപടികൾ ആരംഭിച്ചിട്ടുണ്ട്.

പറ്റിക്കാൻ ആണെങ്കിലും ഇങ്ങനെയൊന്നും പറയരുതായിരുന്നു’, ‘അന്നേ പറഞ്ഞു ഇത് നടക്കില്ലെന്ന്, കോടതിയെയും വാഹന നിയമങ്ങളെയും മറികടന്ന് എങ്ങനെ സംസ്ഥാന സർക്കാരിന് മാത്രമായി മോഡിഫിക്കേഷൻ നടത്താൻ പറ്റും?? വി ഡി സതീശനെ പരിഹസിച്ച് കെ ബി ഗണേഷ് കുമാര്‍

 

 

 

 

BREAKING NEWS
ഡോക്ടറുടെ ഫോണിൽ രോഗികളുടെ ഉൾപ്പെടെ ഒട്ടേറെ നഗ്നദൃശ്യങ്ങൾ, ഉടൻ ഫോൺ തിരികെ ലഭിച്ചില്ലെങ്കിൽ ഇക്കാര്യങ്ങൾ പുറത്തു വരുമെന്ന ഭീതിയിയിൽ ഡോക്ടർ പരാതി നൽകി- നടിയുടെ അഭിഭാഷകൻ കോടതിയിൽ!! ഡോക്ടറെ മർദിച്ച കേസിൽ നടി അതുല്യ ഉൾപ്പെടെയുള്ളവർക്ക് ജാമ്യം
19 Nov 2026
BREAKING NEWS
‘ചരിത്രം കുറിക്കുകയാണ്; ഇറാനെ ആണവായുധം സ്വന്തമാക്കാൻ അനുവദിക്കില്ല’: ട്രംപ്–ഷി–പുട്ടിൻ ത്രികക്ഷി ഉച്ചകോടിക്ക് തുടക്കം
19 Nov 2026
BREAKING NEWS
'കൂട്ടുത്തരവാദിത്തം നഷ്ടമായി, ടീം യുഡിഎഫ് ടീമല്ലാതായി; മുഖ്യമന്ത്രിക്ക് ഏകാധിപത്യ മനോഭാവം; കെപിസിസി പ്രസിഡന്റായ മന്ത്രിക്ക് പോലും തന്റെ അഭിപ്രായം പരസ്യമായി രേഖപ്പെടുത്തേണ്ടിവന്നു'; പിണറായി വിജയൻ
19 Nov 2026
BREAKING NEWS
"അന്ന് സംഘർഷമുണ്ടായ സ്ഥലങ്ങൾ സന്ദർശിക്കാൻ പോയ സംഘത്തിൽ ഞാനും ഉണ്ടായിരുന്നു, ഞാൻ ഇറങ്ങിയില്ല, ഓട്ടോയിൽ നിന്നിറങ്ങിയ ജയരാജനടക്കമുള്ളവർക്ക് ഏറ് കിട്ടി, ആശുപത്രിയിൽ ആളുകൾക്കിടയിൽ നിന്ന് എന്ത് ഗൂഢാലോചന നടത്താനാണ് പറ്റുക? 14 വർഷത്തോളം അനുഭവിച്ച പ്രയാസത്തിന് അറുതിയായി"- കെ കെ ശൈലജ
19 Nov 2026