ആ ഗാനം ഞങ്ങള്‍ വീണ്ടും ഒരുക്കുന്നു… മറ്റൊരു ലോകത്ത് നിന്ന് ഉമയ്ക്ക് കേള്‍ക്കുവാനായി..

അകാലത്തില്‍ പൊലിഞ്ഞ ഭാര്യ ഉമാ ദേവിയ്ക്കായി പാട്ടൊരുക്കി സംഗീത സംവിധായകന്‍ മനു രമേശനും സുഹൃത്തും ഗായകനുമായ വിധു പ്രതാപും. വിധുവാണ് പാട്ടിനെ കുറിച്ച് സോഷ്യല്‍ മീഡിയകളിലൂടെ ആരാധകരെ അറിയിച്ചത്. മനുവും വിധുവുമായി വളരെയടുത്ത സൗഹൃദമാണുള്ളത്. ഈ പാട്ട് കോളജ് പഠനകാലത്ത് തങ്ങള്‍ ഒരുമിച്ചു ചേര്‍ന്ന് ഒരുക്കിയതാണെന്നും അത് ഉമയ്ക്ക് ഏറെ ഇഷ്ടമായിരുന്നു എന്നും വിധു പറയുന്നു.

‘എന്റെ കോളജ് ജീവിതത്തില്‍ ഞാന്‍ ഏറ്റവും കൂടുതല്‍ സമയം ചിലവഴിച്ചിരുന്നത് ഇവന്റെ വീട്ടില്‍ ആയിരുന്നു. ഒരുപക്ഷെ എന്റെ ഏറ്റവും കൂടുതല്‍ പാട്ടുകള്‍ റെക്കോര്‍ഡ് ചെയ്ത മ്യൂസിക് ഡയറക്ടറും മനു രമേശന്‍ തന്നെയായിരിക്കും. കോളജ് കാലത്ത് ഞങ്ങള്‍ റെക്കോര്‍ഡ് ചെയ്ത ഒരു ഗാനം മനുവിന്റെ ഭാര്യ ‘ഉമ’ യ്ക്ക് ഏറെ പ്രിയപ്പെട്ടതായിരുന്നു. ആ ഗാനം ഞങ്ങള്‍ വീണ്ടും ഒരുക്കുന്നു… മറ്റൊരു ലോകത്ത് നിന്ന് ഉമയ്ക്ക് കേള്‍ക്കുവാനായി…’, വിധു പ്രതാപ് സമൂഹമാധ്യമങ്ങളില്‍ കുറിച്ചു.

മസ്തിഷ്‌കാഘാതത്തെ തുടര്‍ന്ന് കഴിഞ്ഞ മാര്‍ച്ച് 17ന് ആയിരുന്നു ഉമ ദേവി മരിച്ചത്. ശക്തമായ തലവേദനയെത്തുടര്‍ന്ന് പുലര്‍ച്ചെ ആശുപത്രിയിലേയ്ക്കു കൊണ്ടുപോകും വഴിയായിരുന്നു അന്ത്യം. എറണാകുളം പേരണ്ടൂര്‍ ആണ് മനു രമേശും ഉമയും താമസിച്ചിരുന്നത്. ഇരുവര്‍ക്കും അഞ്ചു വയസ്സുള്ള മകളുണ്ട്

Similar Articles

Comments

Advertisment

Most Popular

പാവങ്ങൾക്കായി കേന്ദ്രം നൽകിയ 596.7 ടൺ കടല പഴകിനശിച്ചു

കണ്ണൂർ: ഒന്നാം കോവിഡ് തരംഗത്തിൽ പാവപ്പെട്ടവർക്ക് വിതരണം ചെയ്യാൻ കേന്ദ്രം അനുവദിച്ച കടലയിൽ 596.7 ടൺ (596710.46 കിലോഗ്രാം) റേഷൻകടകളിലിരുന്ന് പഴകിനശിച്ചു. കഴിഞ്ഞവർഷം ഏപ്രിൽമുതലുള്ള ലോക്ഡൗൺ കാലത്ത് ‘ പ്രധാനമന്ത്രി ഗരീബ് കല്യാൺ...

കോവിഡ് രോഗികളിലെ ബ്ലാക് ഫംഗസ്; ചികിത്സയ്ക്കായി കേന്ദ്രം മാര്‍ഗനിര്‍ദേശം പുറത്തിറക്കി

ന്യൂഡൽഹി: കോവിഡ് രോഗികളിൽ കണ്ടുവരുന്ന മ്യൂക്കോർമൈക്കോസിസ് എന്ന ഫംഗസ് ബാധ മതിയായ ചികിത്സ ലഭിച്ചില്ലെങ്കിൽ മരണകാരണമായേക്കാമെന്ന മുന്നറിയിപ്പുമായി കേന്ദ്രം. രോഗനിർണയം, ലക്ഷണങ്ങൾ, ചികിത്സ എന്നിയടങ്ങിയ മാർഗനിർദേശം ഇന്ത്യൻ കൗൺസിൽ ഓഫ് മെഡിക്കൽ റിസർച്ചും...

കേരള രാഷ്ട്രീയത്തിലെ ശക്തമായ സ്ത്രീ സാന്നിധ്യം; കെ ആര്‍ ഗൗരിയമ്മ അന്തരിച്ചു

മുന്‍മന്ത്രി കെ ആര്‍ ഗൗരിയമ്മ അന്തരിച്ചു. രാവിലെ ഏഴ് മണിക്ക് ആയിരുന്നു അന്ത്യം. തിരുവനന്തപുരത്തെ സ്വകാര്യ ആശുപത്രിയില്‍ ചികിത്സയിലായിരുന്നു. 102 വയസിലായിരുന്നു അന്ത്യം. മുന്‍മന്ത്രി ടി വി തോമസ് ആയിരുന്നു ഭര്‍ത്താവ്. ആദ്യ കേരള...