ന്യൂഡല്‍ഹി: മൂന്ന് സംസ്ഥാനങ്ങളില്‍ ശക്തമായ ഇടിമിന്നലിന് സാധ്യതയെന്ന് കാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. ഉത്തരാഖണ്ഡ്, ജമ്മു കശ്മീര്‍, ഹിമാചല്‍ പ്രദേശ് എന്നീ സംസ്ഥാനങ്ങളിലാണ് ശക്തമായ ഇടിമിന്നലിനും കനത്ത മഴയ്ക്കും സാധ്യത. അടുത്ത 48 മണിക്കൂര്‍ വരെ ഇടിമിന്നലിന് സാധ്യതയുണ്ടെന്നും ജാഗ്രത പാലിക്കണമെന്നുമാണ് നിര്‍ദേശം.
ഇതിന് പുറമെ ഉത്തര്‍പ്രദേശ്, മേഘാലയ, മിസോറാം, മണിപ്പൂര്‍, നാഗാലാന്‍ഡ്, പശ്ചിമബംഗാള്‍, ഒഡീഷ, ത്രിപുര, ജാര്‍ഖണ്ഡ് എന്നിവിടങ്ങളില്‍ ശക്തമായ കാറ്റുണ്ടാകുമെന്നും അറിയിപ്പുണ്ട്. രാജസ്ഥാനില്‍ പൊടിക്കാറ്റുണ്ടാകുമെന്നും അറിയിച്ചിട്ടുണ്ട്.
