കൊച്ചി: നടന്‍ ബാലയ്ക്കെതിരെ അമൃത സുരേഷ് നൽകിയ പരാതിയിൽ പേലീസ് കേസെടുത്തു. വിവാഹ മോചനവുമായി ബന്ധപ്പെട്ട കോടതി രേഖകളില്‍ കൃത്രിമം കാണിച്ചെന്നാണ് പരാതി. എറണാകുളം സെന്‍ട്രല്‍ സ്റ്റേഷനിൽ നൽകിയ പരാതിയുടെ അടിസ്ഥാനത്തിലാണ് കേസ്. വിവാഹമോചന കരാറിലെ കോംപ്രമൈസ് എഗ്രിമെന്റില്‍ കൃത്രിമം കാണിച്ചെന്നും അമൃതയുടെ ഒപ്പ് വ്യാജമായി ഇട്ടെന്നും പരാതിയിൽ പറയുന്നു.
കൈക്കൂലിയായി എറണാകുളം ആര്‍ടിഒയും ഏജന്‍റുമാരും വാങ്ങിയത് ഒരു കുപ്പി മദ്യവും 5,000 രൂപയും; വീട്ടില്‍നിന്ന് കണ്ടെത്തിയത് മദ്യകുപ്പികളുടെ വന്‍ശേഖരം; അറസ്റ്റ്
വിവാഹ മോചന കരാറിന്റെ അഞ്ചാം പേജ് വ്യാജമായുണ്ടാക്കി, മകളുടെ പേരിലുള്ള ഇന്‍ഷുറന്‍സിലും തിരിമറി കാണിച്ചു, പ്രീമിയം തുക അടയ്ക്കാതെ വഞ്ചിച്ചു, ഇന്‍ഷുറന്‍സ് തുക പിന്‍വലിച്ചു, ബാങ്കില്‍ മകള്‍ക്കായി നിക്ഷേപിച്ചിരുന്ന 15 ലക്ഷം പിന്‍വലിച്ചു, വ്യാജ രേഖയുണ്ടാക്കി ബാല കോടതിയെ തെറ്റിദ്ധരിപ്പിച്ചു തുടങ്ങിയ പരാതികളാണ് അമൃത ബാലയ്ക്കെതിരെ നല്‍കിയത്.
Related Post
മുൻപ് സോഷ്യല്‍ മീഡിയയില്‍ തന്നെ അപകീര്‍ത്തിപ്പെടുത്തിയെന്ന അമൃതയുടെ പരാതിയില്‍ ബാലയെ പോലീസ് അറസ്റ്റ് ചെയ്തിരുന്നു. മകളുമായി ബന്ധപ്പെട്ട് ബാല നടത്തിയ പരാമര്‍ശങ്ങളടക്കം അറസ്റ്റിന് കാരണമായിരുന്നു. ഈ കേസിൽ ബാലയുടെ മാനേജര്‍ രാജേഷ്, സുഹൃത്ത് അനന്തകൃഷ്ണന്‍ എന്നിവരും പ്രതികളായിരുന്നു.
