കൊച്ചി: നടൻ ജയറാമിന്റെ സ്വഭാവത്തെയും അദ്ദേഹത്തിന് നേരെ ഉയരുന്ന ട്രോളുകളെയും കുറിച്ച് നടൻ ബൈജു സന്തോഷ്. ജയറാം പണ്ടുമുതലേ എളിമയുള്ള വ്യക്തിയാണെങ്കിലും, അടുത്തകാലത്ത് അത് അൽപം കൂടുതലായതാണ് ട്രോളുകൾക്ക് കാരണമായതെന്നാണ് ബൈജുവിന്റെ അഭിപ്രായം.
മൂവി വേൾഡ് മീഡിയയ്ക്ക് നൽകിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.
“ജയറാം പണ്ടേ ഇങ്ങനെയാണ്. ഒരു സ്ഥലത്ത് ആയിരം പേരുണ്ടെങ്കിൽ പതിനായിരം പേരുണ്ടെന്ന് പറയും. കാര്യങ്ങൾ പൊലിപ്പിച്ചാണ് അവതരിപ്പിക്കുക. അതാണ് അദ്ദേഹത്തിന്റെ ശൈലി. പക്ഷേ അത് കേൾക്കാൻ നല്ല രസമാണ്,” ബൈജു പറഞ്ഞു.
Related Post
അടുത്തകാലത്തായി ജയറാമിന്റെ അമിത എളിമയാണ് സോഷ്യൽ മീഡിയ ട്രോളുകൾക്ക് വഴിവെക്കുന്നതെന്നും അദ്ദേഹം കൂട്ടിച്ചേർത്തു.
“എളിമ കാണിച്ചില്ലെങ്കിൽ അഹങ്കാരിയാണെന്ന് പറയും. എളിമ കാണിച്ചാൽ അതും ട്രോളും. ജയറാമിന്റെ കാര്യത്തിൽ എളിമ ഇത്തിരി കൂടിപ്പോയതുകൊണ്ടാണ് ഇപ്പോൾ കളിയാക്കപ്പെടുന്നത്. അതുകൊണ്ട് അത് കുറച്ചാൽ നന്നായിരിക്കും,” അദ്ദേഹം പറഞ്ഞു.
ജയറാമിനോട് ഇക്കാര്യം നേരിട്ട് പറയാനാണ് തീരുമാനിച്ചിരിക്കുന്നതെന്നും ബൈജു തമാശരൂപേണ കൂട്ടിച്ചേർത്തു.
“പുള്ളിയോട് ഞാൻ പറയാനിരിക്കുകയാണ്. മലയാളികൾക്ക് മുന്നിൽ ഇത്രയും എളിമ വേണ്ട. തമിഴ്നാട്ടിൽ ഇതൊക്കെ ഓക്കെയാണ്, പക്ഷേ കേരളത്തിൽ കുറച്ച് കുറച്ചാൽ മതിയാകും,” എന്നായിരുന്നു ബൈജു സന്തോഷ് പറഞ്ഞു
