കാട്ടാന ആക്രമണത്തിൽ 65കാരന് ദാരുണാന്ത്യം; സംഭവം അതിരപ്പിള്ളി വൈശേരിയിൽ

തൃശ്ശൂർ: അതിരപ്പിള്ളി വൈശേരിയിൽ കാട്ടനയുടെ ആക്രമണത്തിൽ 65 കാരന് ദാരുണാന്ത്യം. അതിരപ്പിള്ളി പുല്ലേർകാട്ട് മോഹനൻ (65) ആണ് മരിച്ചത്. പുലർച്ചെ രണ്ടേമുക്കാലിനാണ് സംഭവം. വീടിന്റെ സമീപത്ത് കാട്ടാന ഇറങ്ങിയപ്പോൾ ഓടിക്കാൻ ശ്രമിക്കവെ മുന്നിൽ ചെന്ന് പെടുകയായിരുന്നു. ആനയുടെ ആക്രമണത്തിൽ പരിക്കേറ്റ മോഹനനെ ചാലക്കുടിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.