ന്യൂഡൽഹി: ചൈനയിലെ ഷെൻഷെനിൽ നടന്ന ത്രികക്ഷി ഉച്ചകോടിയിലേക്ക് പ്രധാനമന്ത്രി നരേന്ദ്ര മോദിക്ക് ക്ഷണം ലഭിക്കാത്തതിനെ വിമർശിച്ച് ലോക്സഭാ പ്രതിപക്ഷ നേതാവ് രാഹുൽ ഗാന്ധി. ‘വിട്ടുവീഴ്ചകൾക്ക് വഴങ്ങിയ പ്രധാനമന്ത്രി’ എന്നാണ് രാഹുൽ മോദിയെ വിശേഷിപ്പിച്ചത്. യുഎസ് പ്രസിഡന്റ് ഡോണൾഡ് ട്രംപ്, ചൈനീസ് പ്രസിഡന്റ് ഷി ചിൻപിങ്, റഷ്യൻ പ്രസിഡന്റ് വ്ലാഡിമിർ പുട്ടിൻ എന്നിവർ ഒരുമിച്ചിരിക്കുന്ന ചിത്രം പങ്കുവച്ചായിരുന്നു വിമർശനം.
കോൺഗ്രസാണ് അധികാരത്തിലെങ്കിൽ ഈ വൻശക്തികളുടെ കൂട്ടായ്മയിൽ ഇന്ത്യയുടെ പ്രധാനമന്ത്രിയും ഉണ്ടാകുമായിരുന്നുവെന്ന് രാഹുൽ പറഞ്ഞു. ‘കോൺഗ്രസാണ് അധികാരത്തിലെങ്കിൽ ഈ മേശയ്ക്കരികിൽ ഇന്ത്യയുടെ പ്രധാനമന്ത്രിയുമുണ്ടാകുമായിരുന്നു. വിട്ടുവീഴ്ചകൾക്ക് വഴങ്ങിയ ഒരു പ്രധാനമന്ത്രിക്ക് ഒരിക്കലും ഈ മേശയ്ക്കരികിൽ ഇരിക്കാനാകില്ല’ – രാഹുൽ ഗാന്ധി എക്സിൽ കുറിച്ചു.
ചൈനയിലെ ഷെൻഷെനിലാണ് മൂന്ന് രാജ്യങ്ങളിലെയും നേതാക്കൾ പങ്കെടുത്ത ഉച്ചകോടി നടന്നത്. നിലവിലുള്ള യുദ്ധങ്ങൾ അവസാനിപ്പിക്കുന്നതിനുള്ള ശ്രമങ്ങളും ആണവായുധ ശേഖരം കുറയ്ക്കുന്നതുമായി ബന്ധപ്പെട്ട വിഷയങ്ങളുമാണ് കൂടിക്കാഴ്ചയിൽ ചർച്ചയായത്.
If Congress were in power, India’s Prime Minister would be sitting at this table.
A compromised PM can never sit at this table. https://t.co/EpGZVnJPYq
— Rahul Gandhi (@RahulGandhi) November 20, 2026